​អតីត​មេ​ខ្មែរក្រហម​តំបន់​ម៉ាឡៃ​ក្លាយជា​រដ្ឋលេខាធិការ​ក្រសួង ការពារជាតិ​

ដោយ​៖​ភ្នំ​ស្វាយ​/​បន្ទាយមានជ័យ​៖​អតីត​មេ​ខ្មែរក្រហម​តំបន់​ម៉ាឡៃ​ឬ​រណសិរ្ស​កងពលធំ​លេខ​៤៥០ ​បាន​ត្រូវ​ដំឡើង​ពី​អនុរដ្ឋលេខាធិការ​ទៅ​រដ្ឋលេខាធិការ​ក្រសួងការពារជាតិ​។​យោង​ព្រះរាជក្រឹត្យ​លេខ​នស​/​រកត​០៣២០/៣០៣​របស់​ព្រះករុណា​ព្រះមហាក្សត្រ ​នរោត្តម​ សីហមុនី ​ចុះ​ថ្ងៃទី​៩​ខែមីនា​ឆ្នាំ​២០២០​បានឱ្យដឹងថា​ បាន​ត្រាស់បង្គាប់​ដំឡើង​ឋានន្តរ​ស័​ក្តិ​ឧ​ត្ត​ម​សេនីយ៍​ឯក​យោធា​ចំនួន​៣​រូប​។​បានតែងតាំង​មុខតំណែង​នាយទាហាន​នៃ​កង​យោពល​ខេមរភូមិន្ទ​ជា​រដ្ឋលេខាធិការ​ក្រសួងការពារជាតិ​៩​រូប​។​និង​ជា​អនុរដ្ឋលេខាធិការ ៥​រូប ។​

​សូម​រំលឹកថា​ សម្តេច​អគ្គមហាសេនា​ប​តិ​តេ​ជោ​ហ៊ុនសែន​ នាយករដ្ឋមន្ត្រី​ក្នុងពេល​អញ្ជើញ​សម្ពោធ​បើក​ឱ្យប្រើ​ប្រាស់​ផ្លូវការ​ផ្លូវជាតិ​លេខ​៥៨ ជា​ផ្លូវ​ក្រវាត់​ព្រំដែន​កម្ពុជា​និង​ថៃ​ប្រវែង​ជាង​១៧៤,១៦​គីឡូម៉ែត្រ ត​ភ្ជាប់​ពី​ក្រុង​ប៉ោយប៉ែត​ខេត្តបន្ទាយមានជ័យ​ទៅដល់​ក្រុង​សំរោង​ខេត្ត​ឧ​ត្ត​រ​មានជ័យ​ក្រោម​ហិរញ្ញប្បទាន​ពី​រដ្ឋាភិបាល​សាធ​រណ​រដ្ឋ​ប្រជាមានិត​ចិន​កាលពី​ថ្ងៃទី​២៦​ខែកុម្ភៈ​ឆ្នាំ​២០២០​ នៅ​ក្រុង​ប៉ោយប៉ែត​ខេត្តបន្ទាយមានជ័យ​មានប្រសាសន៍ថា​៖​ អតីត​មេ​ខ្មែរក្រហម​សុខភាព​នៅ​តំបន់​ម៉ាឡៃ​និង​លោក​អ៊ី​ឈាន​ អតីត​មេ​ខ្មែរក្រហម​តំបន់​ប៉ៃលិន​ ជា​មេ​បេះ​បោរ​មុនគេ​បំបែក​ផ្តាច់ខ្លួន​ពី​អតីត​ឧទ្ទាម​ខ្មែរ​ក​ហម ​ហើយ​គាំទ្រ​គោលនយោបាយ​ឈ្នះ​ឈ្នះ​របស់​សម្តេច​កាលពី​ឆ្នាំ​១៩៩៦​។​សម្តេច​បន្តថា​៖ ​លោក​ទាំង​២​មានគុណ​បំណាច់​ធំ​ណាស់​ក្នុងការ​រួមចំណែក​បញ្ច​ប់​សង្គ្រាម​និង​នាំមក​សន្តិភាព ។​

​សម្តេច​បន្តថា​៖​លោកនាយ​ឧ​ត្ត​ម​សេនីយ៍​សុខភាព ​បាន​ត្រឹម​ជា​អនុ​រដ្ឋលេខា​ក្រសួងការពារជាតិ​២​អាណ​ត្តិ​ហើយ ។ កាលពី​ព្រឹក​ថ្ងៃទី​២៦​ខែកុម្ភៈ​ឆ្នាំ​២០២០ សម្តេច​បាន​ជួប​លោក​សុខ ភាព ហើយ​សម្តេច​ថា ភ្លេច​លោក​សុខ ភាព​មួយ មិនបាន​ឡើង​ឋានៈ​ទៀត ។ ហេតុនេះ ពេល​សម្តេច​មក​ភ្នំពេញ​វិញ សម្តេច​នឹង​ដំឡើង​ឋានៈ​លោក​សុខ ភាព ពី​អនុរដ្ឋលេខាធិការ​ឡើង​ជា​រដ្ឋលេខាធិការ​ក្រសួងការពារជាតិ ។​គឺ​តាម​ការ​ស្នើសុំ​របស់​នាយ​ឧ​ត្ត​ម​សេនីយ៍​ឧបនាយករដ្ឋមន្ត្រី​កែ គឹមយ៉ាន ផងដែរ ។​

​នាយ​ឧ​ត្ត​ម​សេនីយ៍​សុខភាព ​បាន​ប្រាប់​កាសែត​រស្មី​កម្ពុជា​ថ្ងៃទី​២៦​ខែកុម្ភៈ​ឆ្នាំ​២០២០​ថា​៖​លោក​រំភើប​និង​ថ្លែងអំណរគុណ​សម្តេច​តេ​ជោ​នាយករដ្ឋមន្ត្រី​ណាស់​ដែល​បាន​ដំឡើង​ឋានៈ​នេះ​(​រដ្ឋលេខាធិការ​ក្រសួងការពារជាតិ​)​ហើយ​ប្តេជ្ញា​បន្ត​ដើរ​តាម​គោល​មាគ៌ា​សម្តេច​និង​គណបក្ស​ប្រជាជន​កម្ពុជា​ដើម្បី​សុខសន្តិភាព ការអភិវឌ្ឍប្រទេស​និង​ប្រជាជន​យើង​៕S/Ha

​រូបថត ៖ នាយ​ឧ​ត្ត​ម​សេនីយ៍​សុខ ភាព អតីត​មេ​ខ្មែរក្រហម​តំបន់​ម៉ាឡៃ ឡើង​ពី​អនុរដ្ឋលេខាធិការ ទៅ​រដ្ឋលេខាធិការ​ក្រសួងការពារជាតិ​ហើយ​(​រូប​៖ ភ្នំ​ស្វាយ -AP)​

ទីតាំងផ្សាយពាណិជ្ជកម្ម

- Advertisment -

Most Popular

​ស្លាប់​១​នាក់ របួសធ្ងន់​...

​ដោយៈ ប​,​ជ័យ​/ បន្ទាយ​មា...

ឧ​ត្ត​ម​សេនីយ៍​ឯក ហ៊ុន ម៉...

​ដោយៈ មុនី​រ័ត្ន​/​ភ្នំពេ...

ហ្វូង​កណ្តូប​អុកឡុក​ទ្វីប...

​ប្រែ​សម្រួល : កញ្ញា​ដា​ល...

ប៉ូលិស​ថៃ​ដាក់ពង្រាយ​កម្ល...

ប្រែ​សម្រួលៈ​វាសនា​/​បាងក...