​សា​លាម​ត្តេ​យ្យ​ខេត្តបាត់ដំបង​រួមចំណែក​លើកកម្ពស់​គុណភាព​អប់រំ​ដល់​កុមារ​តូច​

ដោយៈ​សុផល​/​បាត់ដំបង​៖​ការធានាបាន​នូវ​ការថែទាំ​និង​ការអប់រំ​កុមារ​តូច​ប្រកបដោយ​គុណភាព​គឺ​ចាំបាច់​សម្រាប់​ការអភិវឌ្ឍ​ធនធានមនុស្ស​និង​កាត់បន្ថយ​ភាពក្រីក្រ​។​ក្នុង​គោលបំណង​លើកកម្ពស់​គុណភាព​អប់រំ​ថ្នាក់​ម​ត្តេ​យ្យ​អង្គការ​សន្តិ​ស្ម័គ្រចិត្ត​(SVA)​បាន​សហការ​ជាមួយ​ភ្នាក់ងារ​សហប្រតិបត្តិកា​រ​អន្តរជាតិ​នៃ​ប្រទេស​ជប៉ុន​(JICA)​។​

​ក្រសួងការបរទេស​ជ​ប៉ុន​និង​ក្រសួង​អប់រំ​យុវជន​និង​កីឡា​របស់​កម្ពុជា​បាន​ផ្តួចផ្តើម​គម្រោង​បង្កើត​សាលា​ម​ត្តេ​យ្យ​គំរូ​ក្នុង​ខេត្តបាត់ដំបង​។​គម្រោង​នេះ​រួមមាន​ការសាងសង់​សាលា​ម​ត្តេ​យ្យ​គំរូ​សួន​កុមារ​បណ្ណាល័យ​ព្រមទាំង​បំពាក់គ្រឿងសង្ហារឹម​និង​សម្ភារៈ​សិក្សា​។​គម្រោង​សាងសង​សង់​នេះ​ចាប់ផ្តើម​ពី​ខែកុម្ភៈ​ឆ្នាំ​២០១៩​ដល់​ខែមីនា​ឆ្នាំ​២០២០​ដោយ​ប្រ​ប្រាស់​ថវិកា​ជាង​៣០​ម៉ឺន​ដុល្លារ​អាម៉េរិក​។​

​ក្នុង​កម្មវិធី​ដំណើរ​ទស្សនកិច្ច​របស់​អ្នកសារព័ត៌មាន​ដឹកនាំ​ដោយ​ទីភ្នាក់ងារ​សហប្រតិបត្តិ​ការ​អន្តរជាតិ នៃ​ប្រទេស​ជប៉ុន​ហៅ​កាត់​ថា​JICA​ដើម្បី​ចុះ​ពិនិត្យមើល​គម្រោង​បង្កើត​បណ្ណាល័យ​ម​ត្តេ​យ្យ​សិក្សា​ធនធាន​គំរូ ក្នុង​ខេត្តបាត់ដំបង​។​កាលពីពេល​ថ្មីៗ​នេះ លោក យន់ វាសនា ប្រធាន​អង្គការ​សន្តិ​ស្ម័គ្រចិត្ត ប្រចាំខេត្ត​បាត់ដំបង​បាន​មានប្រសាសន៍ថា​៖​គម្រោង​នេះ​មាន​គោលបំណង​លើកកម្ពស់​គុណភាព​អប់រំ​ថ្នាក់​ម​ត្តេ​យ្យ​ដោយ​បង្កើត​សាលា​ម​ត្តេ​យ្យ​គំរូ​បំពាក់​ដោយ​បណ្ណាល័យ​កំរិត​ម​ត្តេ​យ្យ​និង​លើកកម្ពស់​ទម្លាប់​នៃ​ការអាន​នៅ​វ័យ​កុមារភាព​។​

​គម្រោង​នេះ​ផ្តោត​សំខាន់​ទៅលើ​ការកែលម្អ​បរិស្ថាន​តាមរយៈ​ការកសាង​អគារសិក្សា​ជាមួយ​សួន​កុមារ​និង​បណ្ណាល័យ​ដែល​អាច​ផ្តល់នូវ​សេវា​គុណភាព​អប់រំ​កុមារ​តូច​ដ៏​សមស្រប​ដល់​កុមារ​និង​ការកសាង​សមត្ថភាព​គ្រូម​ត្តេ​យ្យ​និង​បណ្ណារក្ស​ដើម្បី​លើកកម្ពស់​ការអាន​តាម​រយៈ​ការប្រើប្រាស់​បណ្ណាល័យ​។​

​លោក​បានបញ្ជាក់​បន្ថែម​ថា​៖​ដោយសារ​អគារសិក្សា​ថ្នាក់​ម​ត្តេ​យ្យ​មានការ​ខ្វះខាត​ហើយ​គ្រូបង្រៀន​ម​ត្តេ​យ្យ​សិក្សា​ក៏​នៅមាន​ការខ្វះខាត​ជាច្រើន​និង​សាលា​ខ្លះ​ត្រូវយក​គ្រូបង្រៀន​បឋម​មក​បង្រៀន​សាលា​ម​ត្តេ​យ្យ​។​ចំណែក​វិធីសាស្ត្រ​បង្រៀន​ថ្នាក់​ទាំងពីរ​នេះ​គឺ​វា​មាន​ភាពខុសគ្នា​។​

ដោយ​មើលឃើញ​ពី​ចំណុច​ខ្វះខាត​នេះហើយ​ទើប​JICA​បាន​សហការ​ជាមួយ​អង្គការ​សន្តិ​ស្ម័គ្រចិត្ត​និង​ក្រសួង​អប់រំ​យុវជន​និង​កីឡា​រៀបចំ​គម្រោង​សាងសង់​សា​លាម​ត្តេ​យ្យ​គំរូ​និង​សួន​កុមារ​នេះ​។​រៀបចំ​គម្រោង​សាងសង់​ដើម្បី​លើកកម្ពស់​គុណភាព​អប់រំ​សម្រាប់​កុមារ​តូច​ឱ្យ​កាន់​តែមាន​ប្រសិទ្ធភាព​ជាមួយនឹង​ការរៀបចំ​គ្រូបង្រៀន​ឱ្យបាន​ត្រឹមត្រូវ​តាម​ជំនាញ​ផងដែរ ។​

​លោក​យន់​វាសនា​បានឱ្យដឹង​ទៀតថា​៖​សា​លាម​ត្តេ​យ្យ​គោលដៅ​នេះ​ត្រូវបាន​គេ​រំពឹងថា​នឹង​ក្លាយជា​សា​លាម​ត្តេ​យ្យ​គំរូ​មួយ​ក្នុងការ​លើកកម្ពស់​គុណ​ភាព​អប់រំ​កុមារ​តូច​នៅក្នុង​ខេត្តបាត់ដំបង​ហើយ​តាមរយៈ​គម្រោង​នេះ រំពឹងថា គុណភាព​អប់រំ​កុមារ​តូច​នឹង​ត្រូវបាន​ពង្រឹង​។​

​លោកស្រី​សុខ​អេង​នាយិកា​រង​សា​លាម​ត្តេ​យ្យ​បាត់ដំបង​បាន​មានប្រសាសន៍ថា​៖​ដើម្បី​អប់រំ​កុមារ​តូច​ប្រកបដោយ​ប្រសិទ្ធភាព​គ្រូ​ត្រូវមាន​ភាព​អំណត់​ព្យាយាម​ភាព​ទាក់ទាញ​រួសរាយ​រាក់ទាក់​សិក្សា​ស្វែងយល់​ពី​ចំណង់​ចំណូលចិត្ត​របស់​កុមារ​ផ្តល់​ក្តី​ស្រឡាញ់​។​មើលថែទាំ​យកចិត្តទុកដាក់​មាន​ទំនួល​ខុសត្រូវ​ខ្ពស់​និង​ត្រូវ​បកស្រាយ​រាល់​ចម្ងល់​របស់​កុមារ​។​ពិសេស​គ្រូម​ត្តេ​យ្យ​ជា​ម្តាយ​ទី​២​ជា​អ្នក​តម្រង់ទិស​មាន​តួនាទី​ជា​អ្នក​អប់រំ​កុមារ​តូច​ឱ្យ​ក្លាយជា​ទំពាំង​ស្នង​ឬ​ស្សី​ព្រោះ​កុមារ​ទាំងអស់នេះ​និង​ក្លាយទៅជា​ធនធាន​ដ៏​សំខាន់​នៃ​ការអភិវឌ្ឍ​ប្រទេសជាតិ​នៅពេល​អនាគត​។​

​សូមជម្រាបថា​៖ តាមរយៈ​គម្រោង​ជំនួយ​របស់ JICA និង​អង្គារ SVA បាន​សាង​សង់សាលា ម​ត្តេ​យ្យ​គំរូ មានដូចជា​៖​សាងសង់​អគារ​សាលា​២​ជាន់​មាន​៥​បន្ទប់​បណ្ណាល័យ​១​បន្ទប់​បន្ទប់ទឹក​១៥​បន្ទប់​និង​សួន​កុមារ​និង​រៀបចំ​បន្ទប់​បណ្ណាល័យ​គំរូ​ចែក​សៀវភៅ​គ្រឿង​សង្ហា​រឹម​និង​សម្ភារៈ​ផ្សេងៗ​សម្រាប់​បណ្ណាល័យ​ជាដើម ៕S/

​ចំណងជើង​រូបថត​៖​សា​លាម​ត្តេ​យ្យ​នៅ​ខេត្តបាត់ដំបង​រួមចំណែក​លើកកម្ពស់​គុណភាព​អប់រំ​ដល់​កុមារ​តូច​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...