Home កីឡា Real Madrid ត...

Real Madrid តាម​សម្លឹងមើល ម៉ូ​រី​ស៊ី​យ៉ូ ប៉ូ​ចេ​តទី​ណូ និង អា​ឡេ ហ្គ្រី ដើម្បី​ជំនួស ហ្ស៊ី​ណេ​ឌី​ន ហ្ស៊ី​ដាន​

តាម​ព័ត៌មាន​ថា ក្លឹប Real Madrid ត្រៀម​នាំយក​លោក ម៉ូ​រី​ស៊ី​យ៉ូ ប៉ូ​ចេ​តទី​ណូ (Mauricio Pochettino) អតីត​គ្រូបង្វឹក​ក្លឹប Tottenham និង​លោក ម៉ាស​ស៊ី​មី​លី​យ៉ា​ណូ អាល​ឡេ​ហ្គ្រី (Massimiliano Allegri) អតីត​គ្រូបង្វឹក​ក្លឹប Juventus ដើម្បី​ជំនួស​លោក ហ្ស៊ី​ណេ​ឌី​ន ហ្ស៊ី​ដាន (Zinedine Zidane) ។​
​ ​
អតីត​វីរបុរស​បារាំង​រូបនេះ​ជួយ​ក្រុម Real Madrid លើក​ពាន​បី​នៅ​អាណត្តិ​ដំបូង​របស់លោក ប៉ុន្តែ​ហាក់ដូចជា​មានការ​ពិបាក​នៅ​អាណត្តិ​ទី​២​។ ក្រុម Real Madrid ត្រូវបាន​ទម្លាក់​ចេញ ពី​តំណែង​កំពូល​ក្របខណ្ឌ La Liga កាលពី​ថ្ងៃអាទិត្យ បន្ទាប់ពី​ប្រកួត​ចាញ់​ក្រុម Real Betis និង​ប្រឈមមុខ​ជាមួយនឹង​ក្រុម​ម៉េ​ន​ឆេ​ស្ទ័​រ ស៊ី​ធី​ជា​ក្រុម​ខ្លាំង​មួយ​នៅ​ក្របខណ្ឌ​ឆេ​ម​ពាន​លី​ក នៅ​សប្តាហ៍​ក្រោយ​។​
​ ​
លោក ហ្ស៊ី​ដាន លើក​ពាន Supercopa de Espana កាលពី​ខែមករា ហើយ​ទទួលបាន​ការធានា ពី​ប្រធាន​ក្លឹប ផ្ល​រិ​នទី​ណូ ផេ​រ៉េ​ស (Florentino Perez) ប៉ុន្មាន​ថ្ងៃក្រោយ​ថា ការងារ​របស់លោក មាន​សុវត្ថិភាព​។​
​ ​
ប៉ុន្តែ​មាន​ពាក្យ​ចរចា​ម​អា​រ៉ា​ម​ពី​មាត់​មួយ​ទៅ​មាត់​មួយ​ថា ប្រសិនបើ​គ្រូបង្វឹក​វ័យ​៤៧​ឆ្នាំ រូបនេះ ខកខាន​មិនបាន​លើក​ពាន គាត់​អាច​នឹងត្រូវ​បណ្តេញចេញ​។​លោក ប៉ូ​ចេ​តទី​ណូ​វ័យ​៤៨​ឆ្នាំ​បាន ចាត់ទុក​ការងារ​នៅ​ក្លឹប Real Madrid គឺជា​សុ​បិ​ន្ត នេះ​បើតាម​ការលើក ឡើង​រប​ស់កា​សែត អេ​ស្ប៉ា​ញ Marca និង​បាន​បដិសេធ​កិច្ចព្រមព្រៀង​ផ្ទេរ​ទៅ​ក្លឹប Barcelona នៅ​ដើមរដូវ កាល​នេះ​៕ ប្រែ​សម្រួល​: ពិសិដ្ឋ​

លោក ម៉ូ​រី​ស៊ី​យ៉ូ ប៉ូ​ចេ​តទី​ណូ (Mauricio Pochettino) និង​លោក​ម៉ាស​ស៊ី​មី​លី យ៉ា​ណូ អាល​ឡេ​ហ្គ្រី (Massimiliano Allegri)

ទីតាំងផ្សាយពាណិជ្ជកម្ម

- Advertisment -

Most Popular