អាហារ​ល្អ​បំផុត​ដែល​ស្ត្រី​គួរតែ​បញ្ចូល​ក្នុង​របប​អាហារ​ប្រចាំថ្ងៃ​

ការពិត​នោះ​គឺថា វា​មិនមាន​អាហារ​ណាមួយ​ត្រូវបាន​គេ​ឲ្យ​ឈ្មោះថា កំពូល​អាហារ ឡើយ​។ ប៉ូ​ន្តែ​ការធានា​ឲ្យ​បាន​នូវ​ការ​ផ្សំ​ចូលគ្នា​នៃ​អាហារ​មាន​ជីវជាតិ​ក្នុង​របប​អាហារ​ប្រចាំថ្ងៃ​ពិតជា អាចធ្វើ​ឲ្យ​វា​ក្លាយទៅជា កំពូល​អាហារ បាន​។ ស្ត្រី ឬ​អ្នក​ម្តាយ​គ្រប់រូប​បានក្លាយ​ទៅជា​ស្ត្រី ដ៏​ឆ្នើម​តាមរយៈ​ការបង្កើត​នូវ​គោលដៅ​ដែល​អាច​គ្រប់គ្រង​បាន ជាពិសេស​នៅពេល​មាន គោលដៅ​ច្រើន​ដែល​ត្រូវធ្វើ​ក្នុង​ដៃ​តែម្តង​។ ខណៈពេល​កំពុង​ថែរក្សា​គ្រួសារ​របស់គាត់ គាត់​ត្រូវតែ​ដឹងថា​គួរ​ធ្វើ​ដើម្បី​ទទួលបាន​សុខភាព​។ ហេតុ​ដូច្នេះហើយ ខាងក្រោម​នេះ ខ្ញុំ​សូម​ណែនាំ​កំពូល​អាហារ​មួយចំនួន​ដែល​ស្ត្រី​គួរតែ​បញ្ចូល​ក្នុង​របប​អាហារ​៖

ផ្លែឈើ និង​បន្លែស្រស់​
បន្លែ និង​ផ្លែឈើ​សម្បូរ​ទៅដោយ​អង់​ទី​អុកស៊ីដ​ង់ ហើយក៏​គួរតែ​បញ្ចូល​ទៅក្នុង​របប​អាហារ​ដែរ​។ អង់​ទី​អុកស៊ីដ​ង់​មិន​ត្រឹមតែ​ពង្រឹង​ដល់​ប្រព័ន្ធ​ភាពស៊ាំ​ទេ តែ​ក៏​ជួយ​ប្រឆាំងនឹង​ជំងឺ​ធ្ងន់ធ្ងរ​មួយ ចំនួន​ដែរ​ដូចជា មហារីក​ជាដើម​។ បន្លែ​និង​ផ្លែឈើ​គឺជា​ប្រភព​ធម្មជាតិ​នៃ​វីតាមីន​។ វា​ក៏មាន​ជាតិ សរសៃ​ដ៏​ល្អ​ដើម្បី​ជំនួយ​ដល់​សុខភាព​ពោះវៀន​ផងដែរ​។

​ទឹកដោះគោ​
​ទឹកដោះគោ​គឺជា​ប្រភព​ដ៏​សំខាន់បំផុត​នៃ​ជាតិ​កាលស្យូម​។ វា​ពិតជា​សំខាន់​ណាស់​ក្នុងការ​ថែ រក្សា​ឆ្អឹង​ឲ្យ​មាន​សុខភាព​ល្អ​។ ការបញ្ចូល​ទឹកដោះគោ និង​ផលិតផល​ធ្វើ​ពី​ទឹកដោះគោ​បន្ថយ កា​រប​ប្រឈម​នឹង​ជំងឺ​ពុក​ឆ្អឹង ជាពិសេស​ស្ត្រី​ក្រោយ​រ៉ាំ​ង​រដូវ​តែម្តង​។

​គ្រាប់​ផ្លែឈើ​
ផ្លែ​អាល​ម៉ុ​ន ផ្លែ​វ៉ុល​ណាត់ សុទ្ធតែ​សម្បូរ​ទៅដោយ​អាស៊ីត​ខ្លាញ់​អូ​មេ​ហ្គា​បី​។ វា​ក៏​ជួយ​ពង្រឹង​ដល់ កូ​ឡេ​ស្តេ​រ៉ុល​ល្អ និង​ថែរក្សា​បេះដូង​ឲ្យ​មាន​សុខ​ភាពល្អ​ទៀត​។

​សណ្តែកសៀង​
សណ្តែកសៀង​មាន​ប្រយោជន៍​ចំពោះ​សុខភាព​ច្រើន​ជាពិសេស​ស្ត្រី​តែម្តង ដោយ សារតែ​វា សម្បូរ​ទៅដោយ​អង់​ទី​អុកស៊ីដ​ង់ និង Isoflavones​។ សមាសធាតុ​ទាំងនេះ​នឹង​ជួយ​ការពារ ស្ត្រី​ពី​ជំងឺ​ពុក​ឆ្អឹង និង​ជំងឺមហារីក​ដែល​ទាក់ទង​នឹង​អ័រម៉ូន​។ សណ្តែក សៀង​ក៏មាន​ប្រសិទ្ធភាព ព្យាបាល​ជំងឺ PCOD ដែរ​។

​ត្រី​
ត្រី​សម្បូរ​ច្រើន​បំផុត​គឺ​អាស៊ីត​ខ្លាញ់​អូ​មេ​ហ្គា​បី​ដែលមាន​ប្រយោជន៍​ចំពោះ​សុខភាព​បេះដូង សរសៃឈាម​។

​ទឹក​
​ការ​បង្គ្រប់​ជាតិ​ទឹក​ក្នុង​ខ្លួន​បាន​គ្រប់គ្រាន់​គឺជា​រឿង​ល្អ​ចំពោះ​សុខភាព​។ ការ​ញ៉ាំ​ទឹក​គ្រប់គ្រាន់ នឹង​ជួយ​លាង​សម្អាត​រាងកាយ និង​ថែរក្សា​តម្រងនោម​ឲ្យ​មាន​សុខ​ភាពល្អ​។ ជាមួយគ្នានេះដែរ វា​នឹង​ថែរក្សា​ស្បែក​កាន់តែ​ល្អ ពង្រឹង​ដល់​គុណភាព​នៃ​ការ​គេង​។ ក្រៅពីនេះ​ទឹក​គឺជា​ជម្រើស ដ៏​ឆ្លាត​វៃ​ក្នុង​ការជំនួស​ភេសជ្ជៈ​ផ្អែមៗ​ផ្សេងទៀត​ដែលមាន​កាឡូរី​ខ្ពស់​៕ ដោយ​៖ health.com.kh

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...

បណ្តា​ស្ថានទូត​អ៊ីស្រាអែល...

ប្រែ​សម្រួលៈ​វាសនា​/​ហ្សេ...

​រដ្ឋមន្ត្រី​ពាណិជ្ជកម្ម ...

​ដោយៈ ជា សីហៈ / ភ្នំពេញៈ ...

ករណីពុលទឹកស្លាប់ពីរនាក់និ...

ដោយៈមុនីរ័ត្ន-ទេពកង្រី/កំ...