​ចុះ​ណែនាំ​អ្នក​ប្រកប​អាជីវកម្ម​វេជ្ជសាស្ត្រនានា​ត្រូវ​រាយការណ៍​បន្ទាន់​ករណី​សង្ស័យ​ពលរដ្ឋ​មាន​រោគសញ្ញា Covid-19

ដោយៈ​សៅ​វ៉ាន់ឌី​/​ព្រះវិហារ​៖​ប្រធាន​មន្ទីរ​សុខាភិបាល​ខេត្តព្រះវិហារ​លោក​វេជ្ជបណ្ឌិត​គួ​ង​ឡូ​បាន​ដឹកនាំ​មន្ត្រី​ចុះ​ណែនាំ​ដល់​អ្នក​ប្រកប​អាជីវកម្ម​វេជ្ជសាស្ត្រ​ឯកជន​នៅតាម​ក្រុង​/​ស្រុក​នានា​ក្នុង​ខេត្ត​ត្រូវ​សហការ​ជាមួយ​មន្ទីរ​សុខាភិបាល​ខេត្ត​។​ដោយ​រាយការណ៍​មកជា​បន្ទាន់​ក្នុងករណី​សង្ស័យថា​ពលរដ្ឋ​ក្នុង​មូលដ្ឋាន​របស់ខ្លួន​ណា​ម្នាក់​មាន​រោគសញ្ញា​វីរុស​កូ​រ៉ូ​ណា ឬ Covid-19​។​

​ការណែនាំ​របស់លោក​ប្រធាន​មន្ទីរ​សុខាភិបាល​ខេត្តព្រះវិហារ​ក្នុងឱកាស​ដែល​លោក​និង​សហការី​អញ្ជើញ​ចុះ​អប់រំ​ផ្សព្វផ្សាយ​ស្តីពី​ជំងឺ​Covid19​ដល់​អ្នក​ប្រកប​អាជីវកម្ម​វេជ្ជសាស្ត្រ​ឯកជន​នៅតាម​បណ្តា​ស្រុក​៤ ក្នុង​ខេត្តព្រះវិហារ រួមមាន​៖ ស្រុក​ជាំ​ក្សាន្ត​, ស្រុក​គូលែន​, ស្រុក​ជ័យ​សែន​,​និង​ស្រុក​ឆែប​,​កាលពី​ថ្ងៃទី​១១ ខែមីនា ឆ្នាំ​២០២០​។​

លោក​វេជ្ជបណ្ឌិត​គួ​ង​ឡូ​បាន​បន្តថា​ការចុះ​អប់រំ​ផ្សព្វផ្សាយ​ស្តីពី​ជ​ងឺ​Covid19​នេះ​គឺមាន​ការចូលរួម​ពី​អ្នក​ប្រកប​អាជីវកម្ម​វេជ្ជសាស្ត្រ​ឯកជន មកពី​ស្រុក​ជាំ​ក្សាន្ត​ចំនួន ៣០​សេវា​ឯកជន​, ស្រុក​គូលែន​ចំនួន ៣១​សេវា​ឯកជន​,​ស្រុក​ជ័យ​សែន​ចំនួន​១៥​សេវា​ឯកជន​,​និង​ស្រុក​ឆែប​ចំនួន​១៧​សេវា​ឯកជន​,​។​ការផ្សព្វផ្សាយ​នេះ​ចង់ឱ្យ​ពួកគាត់​ជួយ​ផ្សព្វផ្សាយ​បន្ត​និង​សហការ​ជាមួយ​មន្ទីរ​សុខាភិបាល​ខេត្ត​ក្នុងករណី​សង្ស័យ​មាន​រោគសញ្ញា​ជំងឺ​Covid19​ត្រូវ​រាយការណ៍​មក​មន្ទីរ​សុខាភិបាល​ខេត្ត​ជាបន្ទាន់​។​

​លោក​បាន​គូសបញ្ជាក់​ទៀតថា ដោយ​អនុវត្តតាម​ការណែនាំរ​បស់​លោក​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល និង​លោក ប្រាក់ សុវណ្ណ អភិបាលខេត្ត​ព្រះវិហារ មន្ទីរ​សុខាភិបាល​ខេត្ត បាន​ចុះ​អប់រំ​ផ្សព្វផ្សាយ​ដល់​អ្នក​ប្រកប​សេវា​សុខាភិបាល​ឯកជន នៅតាម​ស្រុក​នានា​ក្នុង​ខេត្ត និង​បាន​ចុះ​អប់រំ​ផ្សព្វផ្សាយ​ស្តីពី​ជំងឺ Covid-19 ដល់​បងប្អូន​ប្រជាពលរដ្ឋ​នៅតាម​ភូមិ ឃុំ​នានា​ក្នុង​ខេត្ត​ឱ្យ ពួកគាត់ បាន​យល់​និង​មាន​វិធា​នា​ការការពារ​ផងដែរ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...