Home ព័ត៌មានជាតិ សេដ្ឋកិច្ច ​ប៉េអឹម​ចុះ​ឃ...

​ប៉េអឹម​ចុះ​ឃាត់​គ្រឿងចក្រ​លួច​ជីក​យក​ដី​របស់​ប្រជាពលរដ្ឋ​គ្មាន​ការអនុញាត​

ដោយៈ​ទេ​ពក​ង្រី​/​កំពង់ឆ្នាំង​៖​គ្រឿងចក្រ​រួម​និង​រថយន្ត​ដឹក​ដី​ធុន​ធំ​ជាច្រើន​គ្រឿង​ត្រូវ​សមត្ថកិច្ច​កងរាជអាវុធហត្ថ​ខេត្ត​ដឹកនាំ​ដោយ​ព្រះរាជអាជ្ញា​លោក​អ៊ិត​សុធា​និង​ព្រះរាជអាជ្ញារង​អម​សាលាដំបូង​ខេត្តកំពង់ឆ្នាំង ។​
កិច្ចប្រតិបត្តិការ​បង្ក្រាប​គ្រឿងចក្រ​នេះ​បានធ្វើ​ឡើង​កាលពី​រសៀល​ថ្ងៃទី​១២​ខែមីនា​ឆ្នាំ​២០២០​ខណៈដែល​គ្រឿងចក្រ​និង​រថយន្ត​ទាំងអស់នេះ​កំពុង​ធ្វើ​សកម្មភាព​លួច​ជីក​កកាយ​យក​អាចម៍ដី​របស់​ប្រជាពលរដ្ឋ​មួយកន្លែង​ស្ថិតក្នុង​ភូមិ​ដំបូក​កកោះ​ឃុំ​ស្វាយជ្រុំ​ស្រុក​រលាប្អៀរ​ខេត្តកំពង់ឆ្នាំង​។​ខណៈដែល​ម្ចាស់​ដី​មិនដឹង​និង​ពុំមាន​ការ​អនុ​ញ្ញា​ត្ត​ពី​ម្ចាស់​ដី​ឡើយ ។

​កិច្ច​ប្រតិ​ប​ត្ត​ការឃាត់​គ្រឿងចក្រ​និង​រថយន្ត​ដឹក​ដី​ធុន​ធំ​ជាច្រើន​គ្រឿង​នេះ​គឺ​បាន​ធ្វើឡើង​យោងទៅតាម​បណ្ដឹង​របស់​ម្ចាស់​ដី​ដែល​បាន​ប្ដឹងទៅ​ព្រះរាជអាជ្ញា​អម​សាលាដំបូង​ខេត្តកំពង់ឆ្នាំង​។​ប្រភពព័ត៌មាន​ពេល​ម្ចាស់​ដី​ដែល​បានដាក់​ពាក្យបណ្ដឹង​ទៅកាន់​សាលាតំបូង​ខេត្ត​ដោយបាន​បញ្ជាក់ថា​រូបគាត់​មា​ឈ្មោះ​មិន​ពុធ​ជេដ្ឋា​ន​វណ្ណ​ភេទ​ប្រុស​អាយុ​៥១​ឆ្នាំ​។​

​ម្ចាស់​ដី​បានបញ្ជាក់​ឱ្យដឹងទៀតថា​ក្រោយមក​គាត់​បានធ្វើ​ពាក្យ​ប្ដឹងទៅ​កាន់​លោក​មេឃុំ​ស្វាយជ្រុំ​ឱយជួយ​ដោះស្រាយ​លោក​មេឃុំ​ក៏បាន​កោះហៅ​ឈ្មោះ​បួ​យ​មិន​តាំ​ជនជាតិ​វៀតណាម​ប្រើ​ឈ្មោះ​ខ្មែរ​រូបនេះ​ទៅ​ដោះស្រាយ​ចំនួន​៣​លើក​នៅ​សាលាឃុំ​។​ប៉ុន្តែ​ឈ្មោះ​នេះ​មិន​ចូលខ្លួន​ទៅ​ដោះស្រាយ​នោះឡើយ​។​

ដោយ​មើលឃើញ​សកម្មភាព​គឃ្លើន​បែបនេះ​ទើប​រូបគាត់​ដាក់ពាក្យ​ប្ដឹង​ចូលទៅ​តុលាការ​ដើម្បី​ចាត់ការ​តាមផ្លូវ​ច្បាប់​ដោយ​ទាមទារ​សំណង​ការខូចខាត​ចំនួន​២​រយ​លាន​រៀល​ទាមទារ​ចាក់ដី​លុបរណ្ដៅ​ឱយ​ដូចដើម​វិញ​និង​សូម​តុលាការ​អនុវត្ត​ទៅតាម​ផ្លូវច្បាប់ ។

​នៅក្នុងពេល​ឃាត់​គ្រឿងចក្រ​នេះដែរ លោក អ៊ិត សុធា ព្រះរាជអាជ្ញា​អម​សាលាដំបូង​ខេត្តកំពង់ឆ្នាំង បាន​បញ្ជាក់ថា​៖ ក្រោយពី​ទទួល​ពាក្យបណ្ដឹង​ហើយ​រូបលោក និង​លោក ទី មុនិន្ទ ព្រះរាជអាជ្ញារង បាន​ដឹកនាំ​កម្លាំង​កងរាជអាវុធហត្ថ​ខេត្ត​ចុះ​ឃាត់​គ្រឿងចក្រ​មាន​អេស្កាវ៉ាទ័រ​ចំនួន​២​គ្រឿង​និង​រថយន្ត​ជាច្រើន​គ្រឿង នៅនឹងកន្លែង​បទល្មើស​ជាក់ស្ដែង​តែម្ដង ។​ព្រមជាមួយ​គ្នា​នោះ​លោក​បាន​ឃាត់​មេការ​ម្នាក់ ផងដែរ​ដើម្បី​យកទៅ​សាក​សួរថា​តើន​រណា​ជា​អ្នកបញ្ជា​ពីក្រោយ​ខ្នង​ឱ្យមាន​ការជីក​កកាយ​ដី​របស់គេ​ដោយ​គ្មាន​ច្បាប់​អនុញ្ញាត​បែបនេះ​។

​លោក​បាន​បញ្ជាក់ថា​៖ ការឃាត់​គ្រឿងចក្រ​នេះ អភិបាលខេត្ត​កំពង់ឆ្នាំង បាន​ប្រាប់​មក​លោ​កថា​៖ លោក​មិនមាន​ជាប់​ពាក់ព័ន្ធ​នឹង​រឿងនេះ​ទេ នរណា​ធ្វើ​ខុស​សូមឱ្យ​ចាត់ការ​តាមផ្លូវ​ច្បាប់​ចុះ ។​
​គួ​រំលឹក​ដែរ​ថា​ឈ្មោះ​ប៊ួ​យ​មិន​តាំង​បាន​ទិញ​ដី​នៅ​តំបន់​នោះ​ដើម្បី​អភិវឌ្ឍ​ឱ្យ​ប្រជាពលរដ្ឋ​រស់នៅ​ផ្ទះ​បណ្ដែត​ទឹក​ឡើងគោក​តាម​គោល​ការ​របស់​ខេត្ត​។​ប៉ុន្តែ​ឈ្មោះ​នេះ​តែង​បាន​រំលោភ​បំពា​ន្ត​លើ​ប្រជាពលរដ្ឋ ដូច​ករណី​ខាងលើនេះ​ជាដើម​៕S/​

ទីតាំងផ្សាយពាណិជ្ជកម្ម

- Advertisment -

Most Popular

​ក្រសួងពាណិជ្ជកម្ម គ្រោង​...

​ដោយៈ ពៅ​និមល / ភ្នំពេញៈ ...

​មន្ត្រី​៩​រូប​ត្រូវបាន​ព...

​ដោយ​:​ដេប៉ូ​/​ភ្នំពេញ​: ...

រាជរដ្ឋាភិបាល​កំពុង​តែ​ខិ...

​ដោយៈ ជា សីហៈ​/​ភ្នំពេញ...