Home ព័ត៌មានអន្តរជាតិ បន្ទាប់​ពី​អា...

បន្ទាប់​ពី​អាម៉េរិក​ដៀមដាម​ចិន ចិន​ថា​យោធា​អាម៉េរិក​អាច​នាំ​វីរុស​ឆ្លង​មក​ក្រុង​វូ​ហាន​

​អ្នកនាំពាក្យ​ម្នាក់​របស់​ក្រសួងការបរទេស​ចិន​ កាលពី​ថ្ងៃ​ព្រហស្បតិ៍​ទី​១២​មីនា​ បាន​លើកឡើង​ថា យោធា​អាម៉េរិក​អាច​នាំ​វីរុស​កូរ៉ូណា​មក​កាន់​ទីក្រុង​វូ​ហាន​របស់​​ចិន ដោយ​វា​កាន់តែ​បន្ថែម​សង្គ្រាម​វោហារ​សាស្ត្រ​រវាង​មហាអំណាច​ទាំងពីរ​។​

​ចិន​បាន​ខិតខំ​និយាយ​ការពារ​ចំពោះ​ការចោទប្រកាន់​របស់​ពួក​មន្ត្រី​អាម៉េរិក​ដែល​ថា​ខ្លួនប្រតិកម្ម​យឺត​ចំពោះ​វីរុស​នេះ​ដែល​ត្រូវបាន​គេ​រកឃើញ​ដំបូង​កាល​​ពី​ចុងឆ្នាំ​មុន និង​ប្រភព​របស់​វា​នៅ​ជា​អាថ៌កំបាំង​។​

​កាលពី​ថ្ងៃ​ពុធ ទីប្រឹក្សា​សន្តិសុខ​ជាតិ​អាម៉េរិក ​លោក រ៉ូ​ប៊ើត អូ ប្រៀ​ន បាន​និយាយថា​ ល្បឿន​ប្រតិកម្ម​របស់​ចិន​ចំពោះ​ការផ្ទុះ​វីរុស​កូរ៉ូ​ណា​នេះ​ស្មើនឹង​ការត្រៀម​រៀប​​ចំ​ខ្លួន​របស់​ពិភពលោក​ដល់​ទៅ​២​ខែ​។​

​ក្នុងការ​បដិសេធ​តាម​បណ្តាញ​សង្គម អ្នកនាំពាក្យ​ក្រសួងការបរទេស​ចិន លោក​ហ្សា​វ លី​ជាន បាន​និយាយថា គឺ​អាម៉េរិក​ខ្លួនឯង​ទេ​ដែល​ខ្វះ​តម្លាភាព​។​

​លោក​ហ្សា​វ​បាន​សរសេរ​បង្ហោះ​ថា​«​តើ​អាម៉េរិក​មិន​មាន​អ្នក​ជំងឺនៅ​ពេល​ជា​?​ តើ​មនុស្ស​ប៉ុន្មាន​ឆ្លង​?​ អ្វី​ជា​ឈ្មោះ​មន្ទីរពេទ្យ​?​ វា​អាច​យោធា​អាម៉េរិក​នាំ​ជំងឺឆ្លង​នេះ​​មក​ទីក្រុង​វូ​ហាន​។​សូមឲ្យមាន​តម្លាភាព​! ផ្តល់​ឲ្យសាធារណជន​ដឹង​អំពី​ទិន្នន័យ​!​អាម៉េរិក​ជំពាក់​យើង​លើ​ការពន្យល់​បកស្រាយ​!»​។​

​ទោះជា​យ៉ាងណា ហ្សា​វ មិន​បាន​ផ្តល់​ភស្តុតាង​ណាមួយ​ដើម្បី​បញ្ជាក់ថា យោធា​អាម៉េរិក​អាច​ជា​អ្នកបង្ក​ជំងឺឆ្លង​នេះ​នៅ​ចិន​។​

​មុន​នេះ​កាលពី​ថ្ងៃ​១២​មីនា សហការី​របស់​ហ្សាវ គឺ​អ្នកនាំពាក្យ ហ្កេ​ង សួង បាន​រិះគន់​ពួក​មន្ត្រី​អាម៉េរិក​ចំពោះ​«​ប្រើ​ពាក្យសម្តី​គ្មាន​សីលធម៌​និង​មិន​ទទួលខុសត្រូវ​»​ដោយសារ​បន្ទោស​ចម្លើយ​តប​របស់​រដ្ឋាភិបាល​ក្រុង​ប៉េកាំង​លើ​ការផ្ទុះ​ជំងឺ​នេះ ថា​កាន់តែ​បង្ក​ផលប៉ះពាល់​អាក្រក់​ឡើង​។​

​នៅពេល​ត្រូវ​បាន​សួរ​អំពី​សម្តី​របស់​លោក​អូ ប្រៀ​ន លោក​ហ្កេ​ង​បាន​និយាយថា សម្តី​ដូច្នេះ​ពី​មន្ត្រី​អាម៉េរិក​នឹងមិន​ជួយ​អី​បាន​ដល់​កិច្ចខិតខំ​ទប់ស្កាត់​ការឆ្លង​រាល​​ដាល​នៃ​ជំងឺនេះ​នៅ​អាម៉េរិក​ទេ​។​

​លោក​បាន​បន្ថែមថា កិច្ចខិតខំ​របស់​ចិន​ក្នុងការ​ពន្យឺត​ការឆ្លង​រាលដាល​នេះ​ទុក​ពេល​សមល្មម​ឲ្យ​ពិភពលោក​ត្រៀមខ្លួន​ប្រឆាំង​នឹង​ជំងឺឆ្លងកូវី​ដ​១៩​។​«​យើង​​ចង់​ឃើញ​មន្ត្រី​អាម៉េរិក​យក​ពេល​នេះ​ផ្តោតលើ​ការឆ្លើយតប​នឹង​វីរុស និង​ជំរុញ​កិច្ចសហការ​គ្នា និង​កុំ​បន្ទោស​ចិន​»​។​

​មុននេះ ពួក​មន្ត្រី​ចិន​ក៏​បាន​ត​តប​នៅ​ពេល​រដ្ឋមន្ត្រី​ការបរទេស​អាម៉េរិក​លោក​ម៉ៃ ផ​ម​ផេវ បាន​ហៅ​វីរុស​កូរ៉ូណា​ថ្មី​នេះ​ថា «​វីរុស​វូ​ហាន​» និង​ក៏​បាន​ថ្កោលទោស​នៅ​​ពេល​ប្រធានាធិបតី​ត្រាំ ហៅ​វា​ថា​ជា​«​វីរុស​បរទេស​» ដែល​ចាប់ផ្តើម​«​នៅ​ចិន​»​។​

​សូមបញ្ជាក់​ថា វីរុស​កូរ៉ូណា​បានលេចខ្លួន​ឡើង​នៅ​ខែ​ធ្នូ​ឆ្នាំ​២០១៩ នៅ​ទីក្រុង​វូ​ហាន​នៃ​ខេត្ត​ហ៊ូ​ប៉ី តែ​នៅ​ប៉ុន្មាន​សប្តាហ៍​មក​នេះ​នៅ​ចិន​មាន​ការឆ្លង​និង​ស្លាប់​ដោយ​​វីរុស​នេះ​ធ្លាក់ចុះ​ខ្លាំង​និង​បែរជា​ផ្ទុះ​ការឆ្លង​នៅ​ក្រៅប្រទេស​ចិន​ទៅវិញ​។​ក្នុងពេល​ជាមួយគ្នា អាជ្ញាធរ​ចិន​ចាប់ផ្តើម​ទទួលបាន​ការសរសើរ​អំពី​វិធានការ​មានប្រ​​សិទ្ធ​ភាព​នៅក្នុង​ការទប់ស្កាត់​ជំងឺនេះ តែ​មន្ត្រី​អាម៉េរិក​ពី​ម្នាក់​ទៅ​ម្នាក់​បាន​និយាយ​ដៀមដាម​ឲ្យ​ចិន​ថា​ជា​ប្រភព​នៃ​ការផ្ទុះ​ជំងឺឆ្លង​៕​ប្រែ​សម្រួល​៖​វាសនា​/Ha

​វីរុស​កូរ៉ូណា ផ្ទុះ​ឡើង​ដំបូង​នៅ​ផ្សារ​លក់​អាហារ​សមុទ្រ​និង​សត្វព្រៃ​មួយ​ក្នុង​ក្រុង​វូ​ហាន

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...