Home កីឡា អង់គ្លេស ប្រក...

អង់គ្លេស ប្រកាសថា ការប្រកួត​មិត្តភាព ជាមួយ​ក្រុម​អ៊ីតាលី នៅ Wembley នឹង​នៅ​បន្តធ្វើ​ដដែល​

មន្ត្រី​បាល់ទាត់​អង់គ្លេស បាន​អះអាង​ដ៏​គួរ​ឲ្យ​ភ្ញាក់ផ្អើល​ថា ការប្រកួត​មិត្តភាព​របស់​ពួកគេ ជាមួយ​ក្រុម​អ៊ីតាលី នឹង​នៅ​បន្ត​ទៅមុខ នៅ​ចុងខែ​នេះ​។​
​ ​
​ប្រទេស​អ៊ីតាលី រងគ្រោះ​ខ្លាំង ដោយសារ​វីរុស​ដ៏​គ្រោះថ្នាក់ ក្នុង​រយៈពេល​ប៉ុន្មាន​ខែ​ចុងក្រោយ ហើយ​មាន​ករណី​ឆ្លង ១០.០០០ ករណី និង​ស្លាប់​៦៣១​នាក់​ដោយសារ​វីរុស​ខូ​វីដ ១៩​នេះ​។​
​ ​
បើទោះបីជា​វីរុស​នេះ នៅតែ​រីក​រាលដាល យ៉ាង​ឆាប់រហ័ស​ក៏ដោយ ក៏​ការប្រកួត​មិត្តភាព រវាង​ក្រុម​អង់គ្លេស និង​ក្រុម​អ៊ីតាលី​របស់លោក រ៉ូ​បឹ​តូ មែន​ស៊ី​នី (Roberto Mancini) នឹង​នៅតែ​កើតឡើង នៅ​ពហុ​កីឡដ្ឋាន Wembley ។​
​ ​
សេចក្តីថ្លែងការណ៍ បានសរសេរថា “​បច្ចុប្បន្ន និង​ស្របតាម​ការណែនាំ​បច្ចុប្បន្ន​របស់ រដ្ឋាភិបាល គ្មានអ្វី​កែប្រែ​ទេ ទាក់ទិន​ស្ថានភាព នៃ​ការប្រកួត​របស់ខ្លួន ជាមួយ​ក្រុម​អ៊ីតាលី និង​ក្រុម Denmark នៅ​ចុងខែ​នេះ​”​។​

​សេចក្តីថ្លែងការណ៍​នេះ បាន​បន្តថា ការប្រកួត​ទាំងពីរ​លើក ដែល​ត្រូវធ្វើ​នៅ​ពហុ​កីឡដ្ឋាន Wembley គ្រោង​នឹងធ្វើ​នៅ​ថ្ងៃទី​២៧ និង ៣១ ខែមីនា​នេះ​។ អ៊ីតាលី​គឺជា​ប្រទេស​ដែល​រង​ផល ប៉ះពាល់​ខ្លាំង​បំផុត នៅក្រៅ​ប្រទេស​ចិន ហើយ​មានការ​សម្រេចចិត្ត កាលពីដើម​សប្តាហ៍ ក្នុងការ​ផ្អាក​រាល់​សក​ម្ម​ភាព​កីឡា​នៅ​ទូទាំងប្រទេស រហូតដល់​ថ្ងៃទី​៣១ ខែមេសា​។​
​ ​
មជ្ឈដ្ឋាន​ជាច្រើន រំពឹងថា ការប្រកួត​មិត្តភាព ជាមួយ​អ៊ីតាលី នឹងត្រូវ​លុបចោល ដោយសារ តែ​ប្រជាពលរដ្ឋ ៦០ លាន​នាក់ នៅក្នុង​ប្រទេស​នេះ ត្រូវដាក់​ឲ្យ​នៅ​ដាច់ដោយឡែក​ហើយ ការប្រកួត​សំខាន់ៗ មួយចំនួន នឹងធ្វើ​ឡើង​នៅ​ពហុ​កីឡដ្ឋាន Wembley​នៅ​ចុងរដូវ​កាល​នេះ​៕ ប្រែ​សម្រួល​: ពិសិដ្ឋ​

ការប្រកួត​មិត្តភាព​រវាង​ក្រុម​អង់គ្លេស និង ក្រុម​អ៊ីតាលី

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...