ហុងដា​ឌ្រី​ម​ព្រលះ​គ្នា ស្លាប់​ម្នាក់ របួស​២​នាក់​

128
ចែករម្លែក

ដោយ​: គូលែន / សៀមរាប​: យុវតី​ម្នា​ក់បាន​ស្លាប់​ភ្លាមៗនៅ​កន្លែងកើតហេតុ និង​មាន​មនុស្ស​២​នាក់​ទៀត​បាន​រងរបួស ហើយ​ត្រូវបាន​សមត្ថកិច្ច​បញ្ជូន​ទៅ​សង្គ្រោះ​នៅ​មន្ទីរពេទ្យបង្អែក​ស្រុក​សូទ្រនិគម បន្ទាប់ពី​ពួកគាត់​បាន​ជួប​គ្រោះថ្នាក់​ចរាចរណ៍​រួចមក​។ ករណីនេះបាន​កើតឡើង​នៅវេលា​ម៉ោង​៦​និង​៣០​នាទី​ល្ងាច ថ្ងៃទី​២២ ខែឧសភា ឆ្នាំ​២០២០ ស្ថិតនៅ​ចំណុច​ភូមិ​តា​អួ​ស ឃុំ​កំពង់​ឃ្លាំង ស្រុក​សូទ្រនិគម ខេត្តសៀមរាប​។​

​សមត្ថកិច្ច​នគរបាល​ស្រុក​សូទ្រនិគម បាន​និយាយថា ករណី​គ្រោះថ្នាក់​ចរាចរណ៍​ខាងលើ បានកើត​ឡើង​រវាង​ម៉ូតូ​ម៉ាក C125 ហុងដា​ឌ្រី​ម​ពណ៌​ខ្មៅ ពាក់​ផ្លាកលេខ កំពង់ធំ 1E 2325 ជិះ​គ្នា​២​នាក់ និង​ម៉ូតូ ម៉ាក​C125 ហុងដា​ឌ្រី​ម ពណ៌​ខ្មៅ ពាក់​ផ្លាកលេខ ភ្នំពេញ 1CV 8899 បណ្ដាល​ឲ្យ​ស្លាប់​មនុស្ស​១​នាក់ និង​របួស​២នាក់​។​

​សមត្ថកិច្ច​បាន​បន្តថា អ្នកស្លាប់​មានឈ្មោះ ឡូ​ន ធា​វី ភេទ​ស្រី អាយុ​១៧​ឆ្នាំ ទីលំនៅ​ភូមិ​ព្រែក​ស្រ​ម៉ោ​ច ឃុំ​កំពង់​ឃ្លាំង ស្រុក​សូទ្រនិគម ខេត្តសៀមរាប ជា​អ្នកបើកបរ​ម៉ូតូ​ម៉ាក​C125 ពាក់​ផ្លាកលេខ​កំពង់ធំ 1E 2325​។ ចំណែក​អ្នករបួស​មានឈ្មោះ ឡៃ សារី ភេទ​ស្រី អាយុ​២០​ឆ្នាំ ទីលំនៅ​ភូមិ​ព្រែក​ស្រ​ម៉ោ​ច ឃុំ​កំពង់​ឃ្លាំង ស្រុក​សូទ្រនិគម ខេត្តសៀមរាប​(​ជា​អ្នករួមដំណើរជាមួយ​សាកសព​), និង​ម្នាក់ទៀត​ឈ្មោះ រុន សូ​ជី​អូរ ភេទ​ប្រុស​អាយុ​១៩​ឆ្នាំ នៅ​ភូមិ​ព្រះ​ត្រពាំង ឃុំ​ដំ​ដែក ស្រុក​សូទ្រនិគម ខេត្តសៀមរាប (​ជា​អ្នកបើកបរ​ម៉ូតូ​C125 ពាក់​ផ្លាកលេខ​ភ្នំពេញ​1CV8899)​។​

​សាកសព​ត្រូវ​បានប្រគល់​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​, អ្នករបួស​បញ្ជូនទៅ​មន្ទីរពេទ្យបង្អែក​ស្រុក​សូទ្រនិគម ។ ចំណែក​ម៉ូតូ​ទាំង​២​ត្រូវបាន​យកទៅ​រក្សា​ទុក​នៅ​អធិការដ្ឋាន​នគរបាល​ស្រុក​សូទ្រនិគម ដើម្បី​ដោះស្រាយ​តាម​នីតិវិធី​៕ ល​/Ha

អាជ្ញាប័ណ្ណចែកចាយផ្តាច់មុខ