ពូទីនផ្តល់ការគាំទ្រដល់ច្បាប់ដែលអនុញ្ញាតឱ្យគាត់បាញ់អាវុធនុយក្លេអ៊ែរជាមុនដើម្បីឆ្លើយតបទៅនឹងការវាយប្រហារធម្មតាមកលើរុស្ស៊ី

214
ចែករម្លែក

ប្រធានាធិបតីវ្ល៉ាឌីមៀរពូទីនបានគាំទ្រគោលនយោបាយវាយស្កាត់ជាមុនដោយអាវុធនុយក្លេអ៊ែររបស់រុស្ស៊ីដែលអនុញ្ញាតឱ្យគាត់ប្រើអាវុធបរមាណូជាការឆ្លើយតបទៅនឹងការវាយប្រហារធម្មតា ដែលផ្តោតមកលើរដ្ឋាភិបាលនិងហេដ្ឋារចនាសម្ព័ន្ធយោធាដ៏សំខាន់របស់ប្រទេសនេះ។

ដោយរាប់បញ្ចូលការវាយប្រហារមិនមែនអាវុធនុយក្លេអ៊ែរថាអាចជាកត្តាបង្កឱ្យមានការសងសឹកដោយអាវុធនុយក្លេអ៊ែរពីរុស្ស៊ី ឯកសារគោលនយោបាយនេះហាក់ដូចជាបញ្ជូនសញ្ញាព្រមានទៅសហរដ្ឋអាម៉េរិក។

ការគាំទ្រគោលនយោបាយថ្មីនេះឆ្លុះបញ្ចាំងពីការព្រួយបារម្ភរបស់រុស្ស៊ីអំពីការអភិវឌ្ឍអាវុធនាពេលអនាគតដែលអាចផ្តល់ឱ្យរបបក្រុងវ៉ាស៊ីនតោននូវសមត្ថភាពកម្ទេចទីតាំងយោធាសំខាន់ៗនិងទីតាំងរបស់រដ្ឋាភិបាលនានាដោយមិនចាំបាច់ប្រើអាវុធបរមាណូ។

ស្របនឹងគោលលទ្ធិយោធារបស់រុស្ស៊ី ឯកសារថ្មីនេះបានបញ្ជាក់ឡើងវិញថាប្រទេសនេះអាចប្រើអាវុធនុយក្លេអ៊ែរជាការឆ្លើយតបទៅនឹងការវាយប្រហារដោយអាវុធនុយក្លេអ៊ែរឬការឈ្លានពានដែលពាក់ព័ន្ធនឹងអាវុធធម្មតា ដែលគំរាមកំហែងដល់អត្ថិភាពរបស់រដ្ឋ។

ប៉ុន្តែឯកសារគោលនយោបាយនេះឥឡូវក៏ផ្តល់នូវការពិពណ៌នាលម្អិតនៃស្ថានភាពដែលអាចបង្កឱ្យមានការប្រើប្រាស់អាវុធនុយក្លេអ៊ែរផងដែរ។

ពួកវារាប់បញ្ចូលការប្រើប្រាស់អាវុធនុយក្លេអ៊ែរឬអាវុធប្រល័យលោកជាច្រើនទៀតប្រឆាំងនឹងរុស្ស៊ីឬសម្ព័ន្ធមិត្តរបស់ខ្លួននិងការវាយប្រហាររបស់សត្រូវជាមួយនឹងអាវុធធម្មតាដែលគំរាមកំហែងដល់អត្ថិភាពរបស់ប្រទេស។

ក្រៅពីការលើកឡើងខាងលើនេះ ឯកសារនេះឥឡូវចែងថារុស្ស៊ីអាចប្រើប្រាស់ឃ្លាំងអាវុធនុយក្លេអ៊ែររបស់ខ្លួនប្រសិនបើខ្លួនទទួលបានព័ត៌មានដែលអាចទុកចិត្តបានអំពីការបាញ់មីស៊ីលឆ្លងទ្វីបសំដៅមកលើទឹកដីរបស់ខ្លួនឬសម្ព័ន្ធមិត្តរបស់ខ្លួននិងក្នុងករណីមានផលប៉ះពាល់ពីសត្រូវមកលើទីតាំងរបស់រដ្ឋាភិបាលឬយោធាសំខាន់ៗរបស់សហព័ន្ធរុស្ស៊ី ការអសមត្ថភាពរបស់រុស្ស៊ីអាចបណ្តាលឱ្យបរាជ័យក្នុងការសងសឹកតបចំពោះកងកម្លាំងនុយក្លេអ៊ែររបស់សត្រូវ៕ ដោយ៖ កញ្ញាដាលីស

ពូទីនឥឡូវមានសិទ្ធិវាយដោយអាវុធបរមាណូលើការវាយប្រហារធម្មតាៗមកលើប្រទេសរុស្ស៊ី

អាជ្ញាប័ណ្ណចែកចាយផ្តាច់មុខ