លោកសាយ សំអាល់ ទទួលជួបប្រតិភូក្រុមហ៊ុនជប៉ុនលើការងារគ្រប់គ្រងបរិស្ថាន

86
ចែករម្លែក

ដោយៈមូលសម្បត្តិ/ភ្នំពេញ ៖ សាយ សំអាល់ រដ្ឋមន្រ្តីក្រសួងបរិស្ថាន បានទទួលជួបលោក Kei NISHIHARA អនុប្រធានក្រុមហ៊ុនMinebeaMitsumi នាព្រឹកថ្ងៃទី២ ខែកក្កដា ឆ្នាំ២០២០ នាទីស្តីការក្រសួងបរិស្ថាន។ ជំនួបរវាងភាគីទាំងពីរនេះបានពិភាក្សាផ្តោតជាសំខាន់លើការចូលរួមប្រតិបត្តិការងារគ្រប់គ្រងបរិស្ថារបស់ជប៉ុននៅកម្ពុជា។នេះតាមការផ្សាយគេហទំពរ៌(website)របស់ក្រសួងអោយដឹងនៅថ្ងៃទី2ខែកក្កដានេះ។

ក្នុងឱកាសនោះ លោក Kei NISHIHARAបានសំដែងការរីករាយដោយឃើញកម្ពុជារីកចម្រើនលើគ្រប់វិស័យ ជាពិសេសការគ្រប់គ្រងបរិស្ថាន និងបានថ្លែងអំណរគុណលោករដ្ឋមន្រ្តីក្រសួងបរិស្ថាន ដែលផ្តល់កិច្ចសហការល្អជាមួយក្រុមហ៊ុនជប៉ុនMinebea លើវិស័យបរិស្ថាន។ ក្នុងឱកាសនោះ លោកសាយ សំអាល់ មានប្រសាសន៍លើកឡើងពីកិច្ចសហប្រតិបត្តិការល្អរវាងកម្ពុជា និងជប៉ុន។

លោករដ្ឋមន្រ្តី បានបញ្ជាក់ថាប្រទេសជប៉ុនបានចូលរួមចំណែក ដល់ការងារគ្រប់គ្រង បរិស្ថាននៅកម្ពុជា ជាពិសេសក្រុមហ៊ុន Minebea បានគាំទ្រផលិតសម្ភារៈនិងបរិក្ខាប្រើប្រាស់ជួយដល់បរិស្ថាន ផលិតផលបញ្ចេញកាបូនតិច តម្លៃសមរម្យ ដូចជាអំពូលភ្លើង LED កំពុងប្រើប្រាស់នៅកម្ពុជា។

លោកសាយ សំអាល់ បានលើកទឹកចិត្តឱ្យមហ៊ុនMinebea បន្តពង្រឹងកិច្ចសហប្រតិបត្តិល្អថែមទៀតជាមួយក្រសួងបរិស្ថាន ជាពិសេសការចូលរួមក្នុងសកម្មភាពប្រតិបត្តិល្អក្នុងវិស័យបរិស្ថាននៅកម្ពុជា៕/B