Google ចេញទូរស័ព្ទ Pixcel ថ្មីមានប្រព័ន្ធអ៊ីនធឺណេត 5G

424
ចែករម្លែក

កាលពីថ្ងៃពុធទី៣០កញ្ញា ក្រុមហ៊ុន Google បានបង្ហាញស្មាតហ្វូនស៊េរីថ្មីចំនួនពីរដែលមានសមត្ថភាពអ៊ីនធឺណេតឥតខ្សែ 5G នៅក្រោមម៉ាកសញ្ញា Pixcel របស់ខ្លួន ដែលប្រើប្រព័ន្ធ Android ដែរ ប៉ុន្តែមានចំណែកទីផ្សារតូច។

ក្រុមហ៊ុនបច្ចេកវិជ្ជាយក្សនៅរដ្ឋកាលីហ្វ័រញ៉ាមួយនេះបានប្រកាសនៅក្នុងព្រឹត្តិការណ៍ផ្សាយផ្ទាល់ថា ទូរស័ព្ទថ្មី Pixcel 5 នឹងចាប់ផ្តើមពីតម្លៃ ៦៩៩ ដុល្លារសម្រាប់អតិថិជនអាម៉េរិក និង Pixcel 4a ជាមួយប្រព័ន្ធ 5G លក់ក្នុងតម្លៃ ៤៩៩ ដុល្លារ។

ទូរស័ព្ទទាំងពីរនឹងមានលក់ចាប់ពីថ្ងៃទី ១៥ ខែតុលានៅសហរដ្ឋអាម៉េរិកនិងទីផ្សារផ្សេងទៀត។

លោក ប្រាយអែន រ៉ាកូវស្គី​ អនុប្រធានក្រុមហ៊ុន Google បាននិយាយថា ស្មាតហ្វូនស៊េរីថ្មីនេះ “កំពុងវេចខ្ចប់នូវលក្ខណៈពិសេសដែលមានប្រយោជន៍ជាច្រើនរបស់ Google ទៅក្នុងទូរស័ព្ទ ដែលគាំទ្រដោយប្រព័ន្ធអ៊ីនធឺណេតលឿននិងខ្លាំងក្លា 5G”។

ការប្រកាសនេះធ្វើឱ្យ Google នាំមុខក្រុមហ៊ុន Apple ក្នុងការប្រណាំងប្រជែងស្មាតហ្វូន 5G ខណៈទូរស័ព្ទ iPhone មាន 5G រំពឹងដាក់បង្ហាញនៅក្នុងប៉ុន្មានសប្តាហ៍ខាងមុខ៕ ដោយ ៖ កញ្ញាដាលីស

ទូរស័ព្ទថ្មី Pixcel 5 នឹងចាប់ផ្តើមពីតម្លៃ ៦៩៩ ដុល្លារសម្រាប់អតិថិជនអាម៉េរិក និង Pixcel 4a ជាមួយប្រព័ន្ធ 5G លក់ក្នុងតម្លៃ ៤៩៩ ដុល្លារ

ទីតាំងផ្សាយពាណិជ្ជកម្ម