ក្លិប​យក្ស​បារាំង PSG គ្រោង​ខ្ចី​ជើង​ខ្សែការពារ ធី​ម៉ូ បាក​យ៉ូ​កូ របស់​ក្លិប​ឆេ​ល​ស៊ី

234
ចែករម្លែក

​ក្លិប Paris Saint Germain(PSG) កំពុងតែ​ចរចា ដើម្បី​សម្រេច​កិច្ចព្រមព្រៀង​ខ្ចី​ជើង​កីឡាករ ធី​ម៉ូ បា​កា​យ៉ូ​កូ (Tiemoue Bakayoko) ខ្សែបម្រើ​របស់​ក្លិប ឆេ​ល​ស៊ី​(Chelsea) ។
​ ​
​លោក ហ្វ្រែ​ង ឡាំ​ផាត (Frank Lampard) កំពុង​ត្រៀម​ជម្រុះ​ចោល​កីឡាករ​មួយចំនួន​ដែល ជា​ចំនួន​លើស​តម្រូវការ ហើយ​កីឡាករ​វ័យ​២៦​ឆ្នាំ​មិនបាន​បង្ហាញមុខ​សម្រាប់​ក្រុម ឆេ​ល​ស៊ី (Chelsea) ចាប់តាំងពី​ឆ្នាំ​២០១៨ បន្ទាប់ពី​លេង​ខ្ចី​ជើង​មួយរយៈ​នៅ​ក្លិប​អា​សេ​មី​លេន​( AC Milan) និង​មូ​ណា​កូ​( Monaco) ។​
​ ​
​ក្លិប AC Milan សង្ឃឹមថា នឹង​យល់ព្រម​ផ្តល់​កិច្ចសន្យា​លេង​អចិន្ត្រៃយ៍​សម្រាប់​កីឡាករ បា​កា​យ៉ូ​កូ ប៉ុន្តែ​មានការ​ខកចិត្ត​ដោយសារតែ​ការទាមទារ​តម្លៃ​របស់​ក្លិប Chelsea ស្របពេល​ក្លិប PSG ជា​ក្លិប​នាំមុខគេ​ក្នុង​សម្រេច​កិច្ចព្រមព្រៀង​ផ្ទេរ​កីឡាករ​រូបនេះ​។​
​ ​
​មាន​សេចក្តីរាយការណ៍​ថា លោក ឡេ​អូ​ណា​ដូ នាយក​បច្ចេកទេស​រប​ស់​ក្លិប PSG កំពុង​នាំមុខ ក្នុងការ​ពិភាក្សា​ជាមួយ​ប្រធាន​បច្ចេកទេស ម៉ា​រី​ណា ហ្គា​ណូ​វ​ស្កា​អៀ (Marina Granovskaia) ជុំវិញ​កិច្ចសន្យា​ដែល​អាច​ខ្ចី​ជើង​ពេញ​មួយ​រដូវ កាល​និង​លក្ខខណ្ឌ​ទិញ​ផ្តាច់​ផងដែរ​។​
​ ​
​ក្លិប Chelsea ប្រហែលជា​បើក​ចិត្ត​ទទួលយក​កិច្ចព្រមព្រៀង​ខ្ចី​ជើង​តម្លៃ​២,៧៥​លាន​ផោន ប៉ុន្តែ​នឹង​ពេញចិត្ត​លក់​ខ្សែបម្រើ​រូបនេះ​តែម្តង​។​
​ ​
​ក្លិប PSG ក៏ត្រូវ​បាន​ភ្ជាប់​ទៅនឹង​កិច្ចព្រមព្រៀង​ផ្ទេរ​ខ្សែការពារ អែន​តូ​នី​ញ៉ូ រូ​ឌី​ជ័រ (Antonio Rudiger ) ផងដែរ ប៉ុន្តែ​ហាក់ដូចជា​មិនទាន់​ច្បាស់​នៅឡើយ​ទេ​នៅពេល​សួរនាំ​អំពី​ការ​ប៉ាន់ ប្រមាណ​កាលពី​សប្តាហ៍​មុន​៕ ប្រែ​សម្រួល​: ពិសិដ្ឋ​

កីឡាករ ធី​ម៉ូ បា​កា​យ៉ូ​កូ (Tiemoue Bakayoko)

ទីតាំងផ្សាយពាណិជ្ជកម្ម