នៅថ្ងៃទី២ ខែតុលា នឹងមានភ្លៀង​ធ្លាក់ច្រើននៅតំបន់មាត់សមុទ្រ

162
ចែករម្លែក

ដោយៈប.ខុនភ្នំពេញៈសម្ពាធទាបនៅក្បែរឆ្នេរភាគអគ្នេយ៍ប្រទេសវៀតណាមខាងត្បូង នឹងបង្កឱ្យមានភ្លៀងធ្លាក់រាយប៉ាយច្រើនដល់ប្រទេសកម្ពុជាជាពិសេសតំបន់មាត់ សមុទ្រនៅថ្ងៃទី២ខែតុលាជាមួយនឹងខ្យល់បក់បោកខ្លាំងនិងរលកសមុទ្រខ្ពស់ៗ។ក្រសួងធនធានទឹកនិងឧតុនិយម កាលពីថ្ងៃទី២៩ខែកញ្ញាឆ្នាំ២០២០បាន ជូន​ដំណឹងស្តីពីការព្យាករស្ថានភាពអាកាសធាតុថា ចាប់ពីថ្ងៃទី៣០ខែកញ្ញា ដល់ ថ្ងៃទី៦ខែតុលាប្រព័ន្ធសម្ពាធទាបនៅតែបន្តអូសបន្លាយឆ្លងកាត់លើកម្ពុជា ដោយ ភ្ជាប់ជាមួយសម្ពាធទាបមួយ នៅលើសមុទ្រចិនខាងត្បូង ។


ក្នុងសេចក្តីជូនដំណឹងបានសរសរទៀតថាស្ថានភាពបែបនេះធ្វើឱ្យបណ្តាខេត្តនៅតំបន់វាលទំនាបកណ្តាលចាប់ពីថ្ងៃទី ៣០ខែកញ្ញាដល់ថ្ងៃទី៣ខែតុលា អាចនឹងមាន​ភ្លៀងធ្លាក់រាយប៉ាយក្នុង កម្រិតពី តិចទៅមធ្យម ជាពិសេសនៅភាគពាយ័ព្យអាច​មានធ្លាក់រាយប៉ាយនៅក្នុងកម្រិតពីបង្គួរទៅច្រើន។
សម្រាប់បណ្តាខេត្តនៅតំបន់ជួរភ្នំដងរែក និងខ្ពង់រាបឦសាន អាចនឹងមាន​ភ្លៀង​ធ្លាក់រាយប៉ាយក្នុងកម្រិតពីតិចទៅបង្គួរ ។ តំបន់មាត់សមុទ្រនៅអំឡុងពីថ្ងៃ ទី៣០ខែកញ្ញាដល់ថ្ងៃទី០២ខែតុលា អាចនឹងមានភ្លៀងធ្លាក់រាយប៉ាយ ក្នុងកម្រិត​កម្រិតពីបង្គួរ ទៅច្រើន។

នៅក្នុងសេចក្តីជូនដំណឹងបានប្រាប់ដល់សាធារណជនឱ្យ ជ្រាបជា ព័ត៌មាន និងមានការប្រុង ប្រយ័ត្នខ្ពស់ ចំពោះបាតុភូត ផ្គរ រន្ទះ ខ្យល់កន្ត្រាក់ និងជំនន់ទឹកភ្លៀង ជាពិសេសប្រជាពលរដ្ឋ រស់នៅទីទំនាបក្បែរផ្លូវទឹក ជាប់តំបន់ភ្នំនៃបណ្តា​ខេត្តភាគ​ពាយ័ព្យជាប់ប្រទេសថៃ បណ្តាខេត្តនៅតំបន់ មាត់សមុទ្រ និងបណ្តាខេត្តជាប់ជួរ​ភ្នំក្រវាញ ។ ជាមួយគ្នានោះអ្នកនេសាទ និងអ្នកដំណើរសមុទ្រ សូមប្រុងប្រយ័ត្ន​ចំពោះភ្លៀងខ្យល់ បក់ខ្លាំង និងរលកសមុទ្រខ្ពស់ៗ ចាប់ពីថ្ងៃទី ៣-៦ ខែតុលា ។

មន្ត្រីជំនាញឧតុនិយមក្រសួងធនធានទឹកនិងឧតុនិយមមួយរូបបានប្រាប់ឱ្យរស្មីកម្ពុជាដឹងនៅថ្ងៃទី១ខែតុលាថាសម្ពាធទាបនៅភាគអគ្នេយ៍នៃ ឆ្នេរប្រទេសវៀត​ណាម​ខាងត្បូង​នឹងធ្វើឱ្យមានភ្លៀងធ្លាក់រាយប៉ាយច្រើននៅក្នុង ប្រទេសកម្ពុជានាថ្ងៃទី២ខែ​តុលា ពិសេសនៅភាគឦសាន និង តំបន់មាត់ សមុទ្រ ជាមួយនឹងខ្យល់ខ្លាំងរលក​សមុទ្រ​ខ្ពស់ៗពេលដែលសម្ពាធទាបនេះដើរទៅភាគអគ្នេយ៍ឆ្ងាយពីឆ្នេរនៃប្រទេសវៀតណាម។

ប្រភពខាងលើបន្តថា ប្រទេសកម្ពុជាពេលនេះនៅតែស្ថិត ក្រោមឥទ្ធិពលនៃ​ប្រព័ន្ធ​សម្ពាធទាបដែលរំកឹលឡើងចុះ។ អំឡុងពីថ្ងៃទី១ដល់ ថ្ងៃទី៦ខែតុលា ទាំងនៅក្នុង​សមុទ្រប៉ាស៊ីហ្វិកនិងក្នុងសមុទ្រចិនខាងត្បូង មាន សម្ពាធទាបច្រើនតែមិនបានវិវត្ត​បន្តទៅជាបាតុភូធអ្វីខ្លាំងជាងនេះទេ រហូតដល់ ក្រោយថ្ងៃទី៦ខែតុលាទើបមាន​សញ្ញាព្យុះថ្មីកើតឡើងនៅក្នុងសមុទ្រចិនខាង ត្បូងក្រោមភាគកណ្តាលប្រទេស​វៀតណាម៕/b/សរន

ទីតាំងផ្សាយពាណិជ្ជកម្ម