ធ្លាយ​រឿង​ថ្មី​៖ កាឡាក់ស៊ី ចំណាយ​ជិត​កន្លះ​លាន​ដុល្លារ យក ពេជ្រ សោភា​

719
ចែករម្លែក

ដោយៈ បូ​រិ​ន​/​ភ្នំពេញ​៖ ជា​រឿង​ថ្មី​ដែល​ទើប​បែកធ្លាយ រហូត​បង្កឱ្យមាន​ការ​ភ្ញាក់ផ្អើល​ដល់ បណ្តាសារ​ព័ត៌មាន​ក្នុងស្រុក នាំគ្នា​ចុះផ្សាយ និង​ចាប់អារម្មណ៍​នោះ គឺ​ផលិតកម្ម កាឡាក់ស៊ី ណា​វ៉ា​ត្រា ចំណាយ​ទឹកប្រាក់​ប្រមាណ ជិត​កន្លះ​លាន​ដុល្លារ ក្នុង​ការ អញ្ជើញ​តារាចម្រៀង ពេជ្រ សោភា មក​ធ្វើជា​តារា ប្រចាំ​ផលិតកម្ម​មួយរូប​ថែមទៀត​។

​ស្របពេល​តារាចម្រៀង ពេជ្រ សោភា មិន​បញ្ចេញ​បទ​ចម្រៀង​ថ្មី នៅ​ផលិតកម្ម​ហង្ស​មាស បាន​ក្លាយជា​ក្តី​មន្ទិល សម្រាប់​អ្នកគាំទ្រ ខណៈ​លេចដំណឹង​ល្ហៀ​ងៗ មក​ថា តារាចម្រៀង​រូបនេះ ត្រូវបាន​ផលិតកម្ម Galaxy Navatra ត្រៀម​ជះ​ទ្រព្យ​ថ្លៃ​កន្លះ​លាន​ដុល្លារ អូសទាញ ពេជ្រ សោភា ឲ្យ​ចូល​ច្រៀង ក្នុង​ផលិត​កម្មនេះ​។

​ទាំង​ព័ត៌មាន​ក្រៅផ្លូវការ និង​ប្រភពពី​សិល្បៈ​ជាច្រើន បាន​ទម្លាយ​ឲ្យ​ដឹងថាៈ តារា ចម្រៀង ពេជ្រ សោភា ដែល​ជ្រក​ក្រោម​ដំបូល​ផលិតកម្ម​ហង្ស​មាស​អស់​ជាង ១៥ ឆ្នាំ មកហើយ​នោះ​នឹង​ក្លាយ ជា​មុខសញ្ញា​បន្ទាប់​របស់​ផលិតកម្ម Galaxy Navatra ។ ការអូសទាញ​នេះ​ក៏ត្រូវ​បាន​គេ​បញ្ជាក់ ដែរ​ថា ទ្រព្យ​ជាច្រើន​មាន​ទាំង​លុយ ឡាន វីឡា នឹង​ក្លាយជា​កម្មសិទ្ធិ​របស់​នា​ង​ភ្លាម​ដោយ​មិន បូក​បញ្ចូល​ពី​ប្រាក់ខែ និង​ផលចំណេញ​មួយចំនួន​។
​ ​
​ប្រភព បានលើកឡើង​ថាៈ Galaxy Navatra បាន​ព្រលយ​ពី​ការជួយ​លើកមុខ​មាត់​នាង ឲ្យ​កាន់តែ​ល្បី​ជាថ្មី​ឡើងវិញ ដោយ​ចាប់​គូ​ច្រៀង​រួមគ្នា​ជាមួយ​ដៃគូ​ចាស់​លោក ព្រាប សុវត្ថិ នោះ​។​

​ក៏មាន​ការលើកឡើង​ដែរ​ថា Galaxy Navatra ក៏​នឹង​ផ្តល់​សិទ្ធិ​ឲ្យ​នាង​ស្វ័យ​សម្រេច​លើ​ការ ជ្រើសរើស​បទ​ចម្រៀង ហើយ​សមត្ថភាព​និពន្ធ​បទ​ចម្រៀង និង​ធ្វើ​ភ្លេង​ខ្លួនឯង​នោះ ក៏​ជា​ហេតុផល ដែល Galaxy Navatra ចង់បាន​ផងដែរ​។ ​

​តាម​ការផ្ទុះ​ព័ត៌មាន​មួយ​នេះ ក៏បាន​បង្ហើប​ឱ្យដឹងថាៈ កញ្ចប់​ដែលមាន​តម្លៃ​ថ្លៃ​ដល់ក​ន្លះ​លាន ដុល្លារ​អាមេរិក​នេះ គឺជា​រឿង​ថ្មី​ដែល​គេ​នៅ​រង់ចាំ​បន្ត​តាមដាន ខណៈ​កន្លងទៅ ផលិត​កម្មនេះ ត្រូវបាន​លេចចេញ​ដំណឹង​ថា វិធីសាស្ត្រ​ស្រដៀង​គ្នា​នេះ បាន​អូសទាញ​លោក ព្រាប សុវត្ថិ បាន​ដោយ​ជោគជ័យ ផងដែរ​។ មានការ​លើកឡើង​ដែរ​ថា ថ្មីៗ​នេះ ផលិតកម្ម​ទាំងពីរ​បាន​នឹង កំពុង​ប្រជែង​គ្នា​ខ្លាំង ទាំង​ការអូសទាញ​តារាចម្រៀង និង​អ្នកនិពន្ធ​គ្នា ទៅវិញទៅមក​។

ប៉ុន្តែ​ទោះជា​យ៉ាងណា ការសម្រេចចិត្ត​របស់ តារាចម្រៀង ពេជ្រ សោភា នៅ​មិនទាន់​ច្បាស់ នៅឡើយ ខណៈ​កន្លងមក នាង​ក៏មាន​រឿងរ៉ាវ​អាក់អន់ ស្រពន់ចិត្ត​មួយចំនួន​នៅ​ផលិតកម្ម ចាស់​ផងដែរ ហើយ​ការសម្រេចចិត្ត ដើរ​ចេញពី​ផលិតកម្ម​ធំ​មួយ​នេះ​អាច​នឹង​ជា​ជម្រើស ចុងក្រោយ សម្រាប់​នាង​។

​រស្មី​កម្ពុជា នៅតែ​មិនទាន់​អាច​ទំនាក់ទំនង ស្វែងរក​ការបញ្ជាក់​ណាមួយ ពី​តារាចម្រៀង ពេជ្រ សោភា បាន​នៅឡើយ​ទេ ខណៈ​នាង​ក៏​ធ្លាប់​ទទួលស្គាល់ថា ផលិតកម្ម Galaxy Navatra ពិតជា​ធ្លាប់​ទំនាក់​ទំ​ន ង​មកកាន់​នាង​មែន​។ ទោះបីជា​មានការ​ចុះផ្សាយ ជា​ហូរហែរ​ក៏ដោយ ក៏​នាង​នៅតែ​បន្ត​ភាពស្ងប់ស្ងាត់ មិន​ចេញ​បកស្រាយ​ឡើយ​៕

ទីតាំងផ្សាយពាណិជ្ជកម្ម