រុស្ស៊ី​គាំទ្រ​កម្ពុជា​ចូល​ជា​សមាជិក​សម្ព័ន្ធ​នៃ​សេដ្ឋកិច្ច​រវាង​អាស៊ី និង​អឺរ៉ុប​

190
ចែករម្លែក

ដោយៈ មុនី​រ័ត្ន​/​ភ្នំពេញៈ សហព័ន្ធរុស្ស៊ី​បានបង្ហាញ​នូវ​ជំហរ​គាំទ្រ​កម្ពុជា​ចូល​ជា​សមាជិក​សម្ព័ន្ធ​នៃ​សេដ្ឋកិច្ច​រវាង​អាស៊ី និង​អឺរ៉ុប ។ នេះ​បើតាម​ការបញ្ជាក់​របស់​លោក Anatoly Borovik ឯកអគ្គរដ្ឋទូត​រុស្ស៊ី​ថ្មី​ប្រចាំ​កម្ពុជា នៅក្នុង​ជំនួប​ពិភាក្សា​ការងារ​ជាមួយ​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហ​ប្រតិ​បប​ត្តិ​ការ​អន្តរជាតិ កាលពី​ព្រឹក​ថ្ងៃទី​១ ខែតុលា ឆ្នាំ​២០២០ នៅ​ទីស្តីការ​ក្រសួងការបរទេស​។

លោក Anatoly Borovik ឯកអគ្គរដ្ឋទូត​រុស្ស៊ី​ថ្មី​ប្រចាំ​កម្ពុជា នៅក្នុង​ជំនួប​ពិភាក្សា​ការងារ​ជាមួយ​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហ​ប្រតិ​បប​ត្តិ​ការ​អន្តរជាតិ


​ ​លោក​ណី សំអុល អគ្គនាយក នៃ​អគ្គនាយកដ្ឋាន​អឺរ៉ុប អាមេរិក អា​ព្រិច មជ្ឈិមបូព៌ា និង​ជា​អ្នកនាំពាក្យ​រង​ក្រសួងការបរទេស​កម្ពុ​ជា បាន​ថ្លែងប្រាប់​ក្រុមអ្នកកាសែត​បន្ទាប់ពី​ជំនួប​ចប់​ថា “​តាមរយៈ​ឯកឧត្តម​ទូត សហព័ន្ធរុស្ស៊ី​បានបង្ហាញ​ជំហរ​ច្បាស់លាស់​ថា រុស្ស៊ី​គាំទ្រ​ឲ្យ​កម្ពុជា​ក្នុង​ការចូល​ចរចា​ទៅក្នុង​សម្ព័ន្ធ​នៃ​សេដ្ឋកិច្ច​រវាង​អាស៊ី និង​អឺរ៉ុប ដែល​ក្នុង​នឹង​រុស្ស៊ី​ជា​តួអង្គ​ចម្បង ហើយ​រុស្ស៊ី​គាំទ្រ​កម្ពុជា​ដើម្បី​ឲ្យ​បាន​ចូលក្នុង​នឹងមាន​កិច្ចព្រមព្រៀង​ពាណិជ្ជកម្ម​សេរី ហើយ​រុស្ស៊ី​បាន​សន្យាថា ជួយ​កម្ពុជា​យើង ហើយ​និង​វេទិកា​ផ្សេងៗ​ទៀត គឺ​រុស្ស៊ី​បាន​ជួយ​គាំទ្រ​កម្ពុជា​”​។​

លោក​ណី សំអុល អ្នកនាំពាក្យ​រង​ក្រសួងការបរទេស​កម្ពុ​ជា (​រូប​ថ​តៈមុនីរ័ត្ន)


​ ​លោក​ណី សំអុល បាន​បន្តថា លោក​ឧបនាយករដ្ឋមន្ត្រី ប្រាក់ សុខុន បាន​អរគុណ​រុស្ស៊ី​ដែល​បានបង្ហាញ​ជំហរ​គាំទ្រ​កម្ពុជា​ចូល​ជា​សមាជិក​សម្ព័ន្ធ​នៃ​សេដ្ឋកិច្ច​រវាង​អាស៊ី និង​អឺរ៉ុប​។ ហើយ​រុស្ស៊ី​ក៏បាន​អរគុណ​កម្ពុជា​ផងដែរ ដែល​បាន​ជួយ​រុស្ស៊ី​លើ​ការជួយ​គាំទ្រ​រុស្ស៊ី​លើ​បញ្ហា​ផ្សេងៗ​។​
​សូមជម្រាបថា ក្រសួងពាណិជ្ជកម្ម​កម្ពុ​ជា​បានបញ្ចប់​ការចរចា​កិច្ចព្រមព្រៀង​ពាណិជ្ជកម្ម​សេរី​ជាមួយ​ចិន កាលពីពេល​កន្លងទៅ​ថ្មីៗ​នេះ នៅ​ត្រៀម​ការចុះហត្ថលេខា​ជា​ផ្លូវការ​ក្នុងពេល​ឆាប់ៗ​ខាងមុខ​។ ក្រៅពី​ប្រទេស​ចិន កម្ពុជា​បាន​បើ​កិច្ចចរចា​ជាមួយ​កូរ៉េខាងត្បូង ហើយ​គ្រោង​នឹង​ចរចា​បង្កើត​ព្រមព្រៀង​ពាណិជ្ជកម្ម​សេរី​ជាមួយ​ប្រទេស​អង់គ្លេស​, អាម៉េរិក​, ជប៉ុន​, ម៉ុង​ហ្គោ​លី​, ឥណ្ឌា និង​សហភាព​សេដ្ឋកិច្ច​អឺ​រ៉ា​ស៊ាន ឬ​សម្ព័ន្ធ​សេដ្ឋកិច្ច​អាស៊ី​-​អឺរ៉ុប​៕​សរន​

លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហ​ប្រតិ​បប​ត្តិ​ការ​អន្តរជាតិ
លោក Anatoly Borovik ឯកអគ្គរដ្ឋទូត​រុស្ស៊ី​ថ្មី​ប្រចាំ​កម្ពុជា

ទីតាំងផ្សាយពាណិជ្ជកម្ម