Home ព័ត៌មានអន្តរជាតិ ស្ត្រី​​ឥណ្ឌា...

ស្ត្រី​​ឥណ្ឌាក្រីក្រ​ម្នាក់ទៀត​ស្លាប់​ដោយ​ការចាប់រំលោភបូក​

​ប៉ូលិស​បាន​និយាយ​កាលពី​ថ្ងៃ​ព្រហស្បតិ៍​ទី​០១ ខែ​តុលា​ថា​ស្ត្រី​វណ្ណៈ​ទាប​ម្នាក់​មក​ពី​សហគម​ន៍​ក្រីក្រ​នៅ​ប្រទេស​ឥណ្ឌា បាន​ស្លាប់​បន្ទាប់ពី​ត្រូវ​បាន​រំលោភ​ជា​ក្រុម​(​រំលោភ​បូក​)​នៅ​ពេល​តែ​ប៉ុន្មាន​ថ្ងៃ​បន្ទាប់​​ពី​ការស្លាប់​ក្មេង​ជំទង់​ម្នាក់​ដែល​មក​ពី​សហគមន៍​ក្រីក្រ​ឬ​វណ្ណៈ​ទាប​បំផុត​នោះ​ផងដែរ បាន​ស្លាប់​ដោត​របួស​ក្រោយ​ត្រូវ​បុរស​ក្នុង​វណ្ណៈ​ខ្ពស់​៤​នាក់​ចាប់​រំលោភ​នាង ដែល​បាន​បណ្តាលឱ្យ​មាន​កំហឹង​តវ៉ា​​ទូទៅ​នៅ​ឥណ្ឌា​។​

​ប៉ូលិស​នៅ​រដ្ឋ​អ៊ុត​តា ប្រា​ដែស បាន​និយាយថា​ស្រី​អាយុ ២២ ឆ្នាំនេះ ត្រូវបាន​បុរស ២ នាក់​ចាប់​រំលោភ កាលពី​ថ្ងៃ​អង្គារ ហើយ​បាន​ស្លាប់ ពេល​បញ្ជូន​ដល់​មន្ទីរពេទ្យ​។​

​ការស្លាប់​របស់​នាង​កើតឡើង​ប៉ុន្មាន​ខែ​បន្ទាប់​ពី​បុរស​៤​នាក់​ត្រូវបាន​កាត់ទោស​ប្រហារជីវិត​ដោយ​ព្យួ​រក​ពី​បទ​ចាប់រំលោភ​ជា​ក្រុម​កាលពី​ឆ្នាំ​២០១២​និង​សម្លាប់​និស្សិត​ម្នាក់​នៅលើ​រថយន្ត​ក្រុង​ក្នុង​​ទីក្រុង​ញូវដែលី​។​

​ម្តាយ​របស់​ក្មេងស្រី​រងគ្រោះ​នេះ​បាន​ប្រាប់​ទូរទស្សន៍​NDTV ថា​កូនស្រី​របស់​គាត់​ត្រូវបាន​គេ​នាំយក​មក​ផ្ទះ​ហើយ​បោះចោល​នៅ​ខាង​មុខ​ផ្ទះ​បន្ទាប់ពី​​ការចាប់រំលោភ​នោះ​។​

​គាត់​បាន​បន្ថែមថា​”​កូន​របស់​ខ្ញុំ​ឈរ​ឬ​និយាយ​បាន​យ៉ាង​លំបាក​”​។​

​ក្រុមមន្ត្រី​បាន​និយាយថា​បុរស​២​នាក់​ត្រូវបាន​ចាប់ខ្លួន​ពី​បទ​ចាប់រំលោភ​និង​សម្លាប់ ដោយ​បន្ថែម​ថា​ជនសង្ស័យ​អាច​ត្រូវបាន​កាត់ទោស​នៅ​តុលាការ​យ៉ាង​លឿន​។​

​ហេតុការណ៍​នេះ​បាន​កើត​ឡើង​នៅ​ទីក្រុង​បាល់​រ៉ា​ម​ពួរ ចម្ងាយ​ប្រហែល ៥០០ គីឡូម៉ែត្រ​ពី​កន្លែង​ដែល​ស្ត្រី​វណ្ណៈ​ទាប​ម្នាក់​ផ្សេងទៀត​ត្រូវបាន​ចាប់​រំលោភ​ជា​ក្រុម​ដោយ​បុរស​វណ្ណៈ​ខ្ពស់​៤​នាក់​កាលពី​ខែ​មុន​។​

​បន្ទាប់​ត្រូវបាន​ចាប់រំលោភ ជនរងគ្រោះ​អាយុ ១៩​ឆ្នាំ​នេះ​ត្រូវបាន​ពិការ​ដោយសា​ការរង​របួស​ក​និង​ចង្កេះ​ហើយ​ត្រូវបាន​បញ្ជូន​ទៅ​មន្ទីរពេទ្យ​នៅ​ទីក្រុង​ញូវដេលី ប៉ុន្តែ​បាន​ស្លាប់​កាលពី​ថ្ងៃ​អង្គារ​។​

​នាង​បាន​បាត់​ខ្លួន​កាលពី​ព្រឹក​ថ្ងៃទី ១៤ ខែកញ្ញា​ហើយ​ត្រូវបាន​គេ​ប្រទះ​ឃើញ​ប៉ុន្មាន​ម៉ោង​ក្រោយមក​នៅ​ក្បែរ​ដីស្រែ​របស់​គ្រួសារ​នាង​។​ក្រោយមក​បុរស​៤​នាក់​ត្រូវបាន​ចាប់ខ្លួន​ពី​បទ​រំលោភ​ជា​ក្រុម​​និង​សម្លាប់​។​

​ការស្លាប់​របស់​នាង​បាន​បណ្តាលឱ្យ​មាន​ការតវ៉ា​នៅ​ទីក្រុង​ញូវដែលី​និង​នៅ​ជុំវិញ​រដ្ឋ​អ៊ុត​តា ប្រា​ដែស​៕​ប្រែ​សម្រួល​៖​សុខា​/sn

​ក្រុម​សកម្មជន កាន់​បដា​តវ៉ា​ក្នុងអំឡុង​ធ្វើការ​តវ៉ា​ចំពោះ​ការស្លាប់​ក្មេងស្រី​វណ្ណៈ​ទាប​អាយុ​១៩​ឆ្នាំ​ដែល​ត្រូវបាន​ចាប់​រំលោភ​ដោយ​បុរស​៤​នាក់​

ទីតាំងផ្សាយពាណិជ្ជកម្ម

- Advertisment -

Most Popular

ស្រីលង្កា​កំពុង​ព្យាយាម​ទ...

​ប្រែ​សម្រួល : កញ្ញា​ដា​ល...

ក្រោយ​លែង​មាន​​៣​ខែ ឥឡូវ​...

​ប្រែ​សម្រួលៈ​វាសនា​/​ហាណ...

ក្រុមហ៊ុន Moderna ដាក់​ពា...

​ប្រែ​សម្រួល : កញ្ញា​ដា​ល...