Home កម្សាន្ត អ្នកនិពន្ធបីរ...

អ្នកនិពន្ធបីរូប រួមគ្នាធ្វើបទ​​ថ្មីអោយ ឆាយ វីរៈយុទ្ធ ស្តាប់ហើយ ពិតជាប្លែកអារម្មណ៍

ភ្នំពេញ៖ /ដោយ៖បញ្ញាសាស្រ្ត-កំពូល​តារា​ចម្រៀង លោក ឆាយ វីរៈយុទ្ធ បាន​បញ្ចេញ​បទ​​ថ្មី ​មួយ​បទ​ទៀត​ហើយ ដែល​មាន​ចំណង​ជើង​ថា «ស្រឡាញ់គេ ជារឿងអូន ស្រឡាញ់អូន ជារឿងបង» ដែល​បទ​ចម្រៀង ​កំពុង​តែ​ផ្ទុះ និងចាក់ដោត​បេះ​ដូង​យុវវ័យ ​​​មួយ​បទ​​នេះ មាន​ការ​ចូល​រួម​ផលិត ដោយ​អ្នក​និពន្ធ ​រួម​គ្នា​ធ្វើ​រហូត​ដល់​ទៅ​ ៣ នាក់​ឯណោះ។

តាម​ការ​បង្ហាញ​បទ ​«ស្រឡាញ់​គេ​ជា​រឿងអូន ស្រឡាញ់​អូន​ជារឿងបង» ​​និពន្ធ​របៀប​ច្រៀង ដោយ​អ្នកនាង សែ ចាន់ឌី ដែល​ជាភរិយា​របស់​លោក និពន្ធ​ទំនុកច្រៀង ដោយ Memories និង​អ្នកនិពន្ធ​បទ​ភ្លេង​ម្នាក់ទៀត ។ អ្វី​ដែល​ជា​​ការ​ចាប់​អារម្មណ៍​នោះ ជា​ធម្មតា​បទ​ ចម្រៀង​​១បទ ធ្វើ​ឡើង​ត្រឹម​តែ​​​អ្នក​និពន្ធ​២នាក់​ឬ អ្នក​ម្នាក់​ទេ គឺ​អ្នក​និពន្ធ​ទំនុក​ច្រៀង និងអ្នក​​និពន្ធ​មេឡូឌី​ច្រៀងម្នាក់ និងអ្នកនិពន្ធបទភ្លេងម្នាក់ទៀត ប៉ុន្តែ​​សម្រាប់​បទ​ចម្រៀង ​១បទ​​នេះ និពន្ធ​រហូត​ដល់​ទៅ​ ៣ នាក់​ឯណោះ ទម្រាំ​ផលិត​មក ​សម្រាប់​បម្រើ​អារម្មណ៍ ​ជូន​ទស្សនិកជន។

បទ​«ស្រឡាញ់គេជារឿងអូន ស្រឡាញ់អូនជារឿងបង»​ បាន​បង្កប់​អត្ថន័យ​ស្នេហា របស់​បុរស​ម្នាក់ ​ស្រឡាញ់​គេ​តែ​ម្ខាង ទោះ​បី​ឈ​ចាប់យ៉ាងណា ក៏ទ្រាំឲ្យតែបានក្បែរកាយ ពេលគេត្រូវការ ឬមើលគេពីចំងាយ ក៏សប្បាយ​ចិត្តដែរ។ ជា​មួយ​នឹង​សំនៀង​របស់ លោក ឆាយ វីរៈយុទ្ធ បង្កប់​នៅ​អត្ថន័យ ​នៃ​ការឈឺ​ចាប់នោះ វា​​ពិត​​ជាដាស់​​អារម្មណ​ ប្លែក​មួយ ដល់​ប្រិយមិត្ត ដែល​បាន​ស្ដាប់​បទ​ចម្រៀង​នេះ។

ជា​ការ​កត់សម្គាល់ អ្នកនៅក្នុងមជ្ឈដ្ឋានសិល្បៈចម្រៀង បើ​និយាយ​​ពី គូស្នេហ៍​របស់​លោក ឆាយ វីរៈយុទ្ធ គឺ​ដឹង​ថា ភរិយា​របស់​លោក ​ជាអ្នក​និពន្ធ​មួយ​រូប​ផង​ដែរ ដោយ​អ្នក​នាង ធ្លាប់​និពន្ធ​បទ​ចម្រៀង ​ឲ្យ​តារា​ចម្រៀង ​ក្នុង​ផលិតកម្ម​សាន់​ដេរ ​រូប​នេះ តាំង​តែពីមិន​ទាន់​រៀប​ការ ​ជា​មួយ​គ្នា​មក​ម្ល៉េះ៕

ទីតាំងផ្សាយពាណិជ្ជកម្ម

- Advertisment -

Most Popular

វៀតណាម​បញ្ឈប់​ជើងហោះហើរ​ច...

​ប្រែ​សម្រួលៈ​វាសនា​/​ហាណ...

សម្តេចតេជោ សម្រេចបញ្ចេញម៉...

ដោយ៖រ៉ាម៉ន/ភ្នំពេញ៖ ប្រ...

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...