នាយក​មូលនិធិ​ជនពិកា​រៈ ស្ថានទូត​អូស្ត្រាលី ចូលរួម​យ៉ាងសកម្ម ជាមួយ​មូលនិធិ​ជនពិការ ក្នុងការ​ការពារ​ជនពិការ​ពី​ជំងឺ​កូ​វីដ​១៩

ដោយៈ មេសា​/ភ្នំពេញៈ លោក ជួរ រតនៈ នាយក​មូលនិធិ​ជនពិការ បាន​ថ្លែង​អំពី​តួនាទី​ដ៏​សកម្ម នៃ ស្ថានទូត អូស្ត្រាលី ប្រចាំ កម្ពុជា ក្នុង​វិស័យ​ពិការភាព ថា “ សូម​ថ្លែងអំណរគុណ​ដល់​រដ្ឋាភិបាល អូស្ត្រាលី ដែល​បាន​ឧបត្ថម្ភ​នូវ​សម្ភារ​នានា សម្រាប់​ការពារ​នូវ​ការឆ្លង​ជំងឺ​កូ​វីដ ១៩ ដល់​មជ្ឈមណ្ឌល​ស្តារ​លទ្ធភាព​ពលកម្ម​កាយសម្បទា នានា ដែល​ពិតជា​បានរួម​ចំណែក​ដល់​ការរក្សា​សុវត្ថិភាព​ដល់​ជនពិការ និង មន្ត្រី​បម្រើសេវា ។ ស្ថានទូត អូស្ត្រាលី គឺជា​ស្ថាប័ន​ដ៏​សកម្ម​បំផុត​មួយ ដែល​តែងតែបាន​រួមចំណែក​ជាមួយ​មូលនិធិ​ជនពិការ ក្នុងការ​ផ្តល់​សម្ភារ​នា​នា ដើម្បី ទប់ស្កាត់​ការរីក​រាលដាល នៃ ជំងឺ​កូ​វីដ ១៩ “ ។


​លោក ជួរ រតនៈ លើកឡើង​ប្រកបដោយ​ភាព​រីករាយ​បែប​នោះ នៅក្នុង​ពិធី​ប្រគល់ និង ទទួល​សម្ភារ​មួយចំនួន​សម្រាប់​ការពារ​ការឆ្លង​ជំងឺ​កូ​វីដ ១៩ ដល់​មជ្ឈមណ្ឌល​ស្តារ​លទ្ធភាព​ពលកម្ម​កាយសម្បទា​ខេត្ត ក្រចេះ ថ្ងៃទី ១ ខែ តុលា ឆ្នាំ ២០២០ ដែល​ពិធី​នោះ​ធ្វើ​នៅឯ មជ្ឈមណ្ឌល​ស្តារ​លទ្ធភាព​ពលកម្ម​កាយសម្បទា​ខេត្ត ក្រចេះ ។​


​ជាការ​កត់សម្គាល់ ត្រឹមតែ​រយៈពេល ២ ថ្ងៃ គឺ​ថ្ងៃទី ៣០ ខែ កញ្ញា និង​ថ្ងៃទី ១ ខែ តុលា ឆ្នាំ ២០២០ សម្ភារ​ការពារ​ជំងឺ​កូ​វីដ​១៩ រួមមាន អាល់កុល​ចំនួន ៨១០ ដប ម៉ាស់​វះកាត់​ចំនួន ៧០ ប្រអប់ ម៉ាស់​ក្រមា ចំនួន ៨១០​ម៉ាស់ ស្រោមដៃ​ចំនួន ៤០ ប្រអប់ ត្រូវបាន​ស្ថានទូត​អូស្ត្រាលី ប្រចាំ កម្ពុជា និង មូលនិធិ​ជនពិការ នាំយកទៅ​ចែក ជូន​ដល់​មជ្ឈមណ្ឌល​ស្តារ​លទ្ធភាព​ពលកម្ម​កាយសម្បទា​ខេត្តព្រៃវែង និង ក្រចេះ សម្រាប់​ផ្តល់ជូន​ដល់​ជនពិការ​ដែល​មក​ទទួល​សេវា​។​


​លោក Pablo Kang ឯកអគ្គរដ្ឋទូត អូស្ត្រាលី ប្រចាំ កម្ពុជា បាន​ថ្លែងថា រដ្ឋាភិបាល នៃ ប្រទេស អូស្ត្រាលី តែងតែ​គាំទ្រ និង ធ្វើការ​យ៉ាង​ជិតស្និត​ជាមួយ​រាជរដ្ឋាភិបាល កម្ពុជា តាមរយៈ​កម្មវិធី ACCESS លើ​សកម្មភាព​ជួយ​អភិវឌ្ឍ​ដល់​ជនពិការ កុមារ និង ស្ត្រី ។ សម្រាប់​ការផ្តល់សេវា​ដល់​ជនពិការ កម្មវិធី ACCESS បាន​ចូលរួម​ជួយ​ជា​ផ្នែក​បច្ចេកទេស និង ថវិកា​ដល់​មូលនិធិ​ជនពិការ ក្នុងការ​រៀបចំ​សកម្មភាព​អភិវឌ្ឍ​សេវា​ស្តារ​លទ្ធភាព​ពលកម្ម​នៅ​កម្ពុជា​។


​លោក Pablo Kang បន្តថា សម្រាប់​បរិបទ នៃ ការរីក​រាលដាល នៃ ជំងឺ​កូ​វីដ ១៩ នេះ ស្ថានទូត អូស្ត្រាលី ពិតជា​មាន​ក្តី​សោមនស្ស​ជាមួយនឹង​សមិទ្ធផល និង​កិច្ចខិតខំ​ប្រឹងប្រែង​រប​ស់រាជ​រដ្ឋាភិបាល កម្ពុជា ដែល​បាន​ទប់ស្កាត់​ជំងឺ​នេះ​បានល្អ ។ ដើម្បី​ចូលរួម និង​បង្កើន​កិច្ចសហការ​ល្អ​រវាង​ប្រទេស​ទាំង​២ រាជរដ្ឋាភិបាល អូស្ត្រាលី តាមរយៈ​ស្ថានទូត​អូស្ត្រាលី ប្រចាំ កម្ពុជា បាន​ផ្តល់នូវ​សម្ភារ​ការពារ​ជំងឺ​កូដ ១៩ ជូន​មជ្ឈមណ្ឌល​ស្តារ​លទ្ធភាព​ពលកម្ម​កាយសម្បទា ចំនួន ៣ រួចមកហើយ គឺ​នៅ​ខេត្ត សៀមរាប ខេត្ត តាកែវ និង មណ្ឌល​គៀន​ឃ្លាំង ភ្នំពេញ ។


​លោក ជួរ រតនៈ បាន​បន្ថែមថា រយៈពេល ៩ ខែ​ដើមឆ្នាំ ២០២០ នេះ ដោយសារ​មាន​ផលប៉ះពាល់​នៃ​ជំងឺ​កូ​វីដ ១៩ មជ្ឈមណ្ឌល​ខេត្តព្រៃវែង និង ក្រចេះ បានផ្តល់​សេវា​ស្តារ​លទ្ធភាព​ពលកម្ម​កាយសម្បទា​ជូន​ជនពិការ​ចំនួន ៩៧៩ នាក់ គឺមាន​ការធ្លាក់ចុះ​ប្រមាណ ១៤ ភាគ ធៀប​នឹង​ការផ្តល់សេវា​ក្នុង​ឆ្នាំ ២០១៩ ។ ដោយ​អនុវត្តតាម​ការណែនាំ​ពី​ក្រសួងសុខាភិបាល និ ង​មាន​ការជួយ​គាំទ្រ​ពី​ក្រសួង​អាណាព្យាបាល​របស់ខ្លួន មូលនិធិ​ជនពិការ​បាន​រក្សាបាន​នូវ​ការផ្តល់សេវា​ប្រកបដោយ​គុណភាព និង សុវត្ថិភាព​ជូន​ជនពិការ តាមរយៈ​ការរៀបចំ​ឱ្យមាន​ឧបករណ៍​ការពារ ការធ្វើ​អនាម័យ​ជាប្រចាំ ការផ្តល់​ជា​ម៉ាស់​និង​ទឹក​អាកុល និង​ការណែនាំ​អប់រំ​នានា​ដល់​ជនពិការ ៕ Kh

បន្ទាប់ពី​ការប្រគល់ និង ទទួល​សម្ភារ​ការពារ​ជំងឺ​កូ​វីដ ១៩ រួច ប្រតិភូ ក៏បាន​អញ្ជើញ​ទស្សនា​ដំណើរ​ការផ្តល់សេវា​ដល់​ជនពិការ​ផងដែរ ( រូបៈ ថុ​នា​)

ទីតាំងផ្សាយពាណិជ្ជកម្ម

- Advertisment -

Most Popular

អភិបាល​ខេត្តកំពត រក​ដំណោះ...

​ដោយៈ បូកគោ / កំ​ពតៈ នា​អ...

​ការិយាល័យ​ឥណទាន​កម្ពុជា​...

​ដោយៈ​សុផល​/​ភ្នំពេញ​៖​ជា...

មន្ត្រី​នាំពាក្យ​ក្រសួង​អ...

ដោយ​: ដេប៉ូ / ភ្នំពេញ​: ល...

បញ្ជូន​ជនសង្ស័យ​បីនាក់មក​...

ដោយៈ ស​រិ​ទ្ធ ,មុនីរ័ត្ន/...