Home ព័ត៌មានអន្តរជាតិ ដូ​ណា​ល់ ត្រា...

ដូ​ណា​ល់ ត្រាំ​ឆ្លងកូវី​ដ​១៩ ​ប្រឈម​កើត​ជំងឺ​ធ្ងន់​និង​សេចក្តីស្លាប់​ខ្ពស់​ដោយសារ​អាយុ​និង​ទម្ងន់​

​ប្រធានាធិបតី​អាម៉េរិក លោក ដូ​ណា​ល់ ត្រាំ បាន​ឆ្លង​វីរុស​កូរ៉ូណា​និង​កំពុង​ដាក់ខ្លួន​នៅ​ដាច់ពីគេនៅ​សេត​វិមាន តែ​លោក​កំពុង​ប្រឈម​ការចូល​ដេកពេទ្យ​និង​សេចក្តីស្លាប់​ពី​ជំងឺ​ផ្លូវដង្ហើម​កូវី​ដ​១៩ ដោយសារ​តែ​អាយុ​និង​ទម្ងន់​រួមទាំង​ភេទ​របស់លោក​។​

​យោង​តាម​អ្នកជំនាញ មេដឹកនាំ​វ័យ​៧៤​ឆ្នាំ​រូប​នេះ ត្រូវ​ចាត់​ចូល​ក្នុង​ក្រុម​ប្រឈម​ខ្ពស់​ដោយ​សារ ភេទ​ប្រុស ព្រោះ​ប្រុស​មាន​អត្រា​មរណៈ​ខ្ពស់​ជាង​ស្រី​ដល់​ទៅ​២​ដង​ពី​ជំងឺ​កូវី​ដ​១៩​។​ទោះជា​យ៉ាងណា កក្តា​​ប្រឈម​បំផុត​គឺ​អាយុ​របស់លោក ដោយ​អ្នកជំនាញ​សុខភាព​សន្និដ្ឋានថា អាយុ​ជា​ការព្រួយបារម្ភ​ធំ​បំផុត​សំរាប់​អ្នកជំងឺ​កូវី​ដ​១៩​នេះ គឺថា​វីរុស​កូរ៉ូណា ឆក់យក​ជីវិត​អ្នកជំងឺ​វ័យចាស់​ច្រើន​បំផុត​។​

​បើ​តាម​មជ្ឈមណ្ឌល​គ្រប់គ្រង​និង​បង្ការ​ជំងឺ​អាម៉េរិក អ្នក​ឆ្លង​វីរុស​កូរ៉ូណា​អាយុ​៦៥​ទៅ​៧៤​ឆ្នាំ​ចូល​ដេកពេទ្យ​ខ្ពស់​ជាង​អ្នក​ឆ្លង​អាយុ​១៨​ទៅ​២៩​ឆ្នាំ​ដល់​ទៅ​៥​ដង និង​ប្រឈម​ការស្លាប់​ដល់​ទៅ​៩០​ភាគរយ​។​​ចំណែក​អ្នក​ឆ្លង​វីរុស​នេះ​វ័យ​៧៥​ដល់​៨៤​ឆ្នាំ ចូល​ដេកពេទ្យ​ខ្ពស់ជាង​អ្នក​ឆ្លង​វ័យក្មេង​ដល់​ទៅ​៨​ដង និង​អត្រា​ស្លាប់​ខ្ពស់ជាង​ដល់​ទៅ​២២០​ដង​ឯណោះ​។​

​លោក​ត្រាំ​ក៏​ជា​មនុស្ស​លើស​ទម្ងន់ តែ​គ្រូពេទ្យ​ផ្ទាល់​របស់​លោក​បាន​ប្រាប់​អ្នកយក​ព័ត៌មាន​កាលពី​ខែ​មិថុនា​ថា លោក​មាន​សុខភាព​ល្អ​ទេ​។​វេជ្ជបណ្ឌិត ស៊ីន ខុន​លី បាន​និយាយថា លោក​ត្រាំ​មាន​ទម្ងន់​១១០,៧​គីឡូក្រាម​។​

​ត្រាំ បាន​ប្រកាស​តាម​បណ្តាញ​សង្គម​ទ្វី​ត​ធឺ នៅ​ថ្ងៃ​សុក្រ​ទី​០២​តុលា​ថា លោក​និង​ភរិយា ជំទាវ​ទី​១ មេ​ឡានៀ ត្រាំ (​អាយុ​៥០​ឆ្នាំ​)​បាន​ធ្វើតេស្តិ៍​វិជ្ជមាន​វីរុស​កូរ៉ូណា និង​ពួក​លោក​កំពុង​ដាក់ខ្លួន​នៅ​ដាច់​ពី​​គេ​នៅ​ក្នុង​សេត​វិមាន​។​

​វា​ជា​ការ​ស៊យ​ធំ​មួយ​សំរាប់​ត្រាំ ដោយសារ​សល់​ពេល​តែ​មួយ​ខែ​គត់​លោក​នឹង​ហក់​ចូល​ការប្រកួតប្រជែង​យក​តំណែង​សេត​វិមាន​ជា​លើក​ទី​២ ជាហេតុ​នាំ​អោយ​លោក​ត្រូវ​លុបចោល​ដំណើរ​ធ្វើ​យុទ្ធនាកា​របោះ​​ឆ្នោត​នៅ​ជុំវិញ​ប្រទេស​ដោយ​មិនបាច់​ពាក់​ម៉ាស់​ការពារ​។​

​គូ​ប្រជែង​របស់​ត្រាំ លោកចូ បៃ​ដិន ដែល​កំពុង​នាំមុខ​នៅក្នុង​ការស្ទង់មតិ បាន​ធ្វើ​ការរិះគន់​រដ្ឋាភិបាលត្រាំ​ជាប្រចាំ​ចំពោះ​ការដោះស្រាយ​វិបត្តិ​កូ​វីដ​១៩​និង​ភាព​ផ្គើន​របស់​លោក​ត្រាំ​នឹង​សត្រូវ​មើលមិនឃើញ​​នេះ​៕​ប្រែ​សម្រួល​៖​វាសនា

​តាម​បច្ចេកទេស ភាពធាត់​និង​វ័យ​របស់​ត្រាំ ធ្វើអោយ​គាត់​ប្រឈម​នឹង​ការ​កើត​ជំងឺ​កូវី​ដ​ធ្ងន់​

ទីតាំងផ្សាយពាណិជ្ជកម្ម

- Advertisment -

Most Popular

មន្ត្រី​អភិរក្ស​សត្វព្រៃ ...

​ដោយៈ ដេប៉ូ / មណ្ឌលគិរីៈ ...

អាជ្ញាធរ​ខណ្ឌចំការមន និង​...

​ដោយៈ រ៉ា​ម៉ន ភ្នំពេញៈ អា...

​សមត្ថកិច្ច ឲ្យ​ម្ចាស់​ហា...

​ដោយៈ ស​រិ​ទ្ធ / កណ្តាលៈ ...

​ក្រុមការងារ​សុខាភិបាល​ខេ...

ដោយៈ ទេ​ពក​ង្រី / កំពង់ឆ្...