Home ព័ត៌មានជាតិ សន្តិសុខ ព​រចៅ​ឆ្លង​អូ...

ព​រចៅ​ឆ្លង​អូរ​ព្រំដែន រអិល​ជើង​ដួល របូត​ចៅ ធ្លាក់ចូល​អូរ ហូរ​តាម​ទឹក​ទៅ​បាត់​


​ដោយៈ ភ្នំ​ខៀវ / បាត់ដំបងៈ ស្ត្រី​ម្នាក់ បាន​ព​រចៅ ឆ្លង​អូរ​ព្រំដែន ក៏​រអិល​ជើង​ដួល របូត​ចៅ​ចេញពី​ដៃ ធ្លាក់ចូល​អូរ ហូរ​តាម​ទឹក​ទៅ​បាត់ នៅវេលា​ម៉ោង​ប្រមាណ ៧ យប់ ថ្ងៃទី​១ ខែតុលា ឆ្នាំ​២០២០ ត្រង់ចំណុច​ច្រករបៀង​ចាន់​គី​រី ឋិត​នៅក្នុង​ភូមិ​ដូង ឃុំ​បឹងរាំង ស្រុក​កំរៀង ខេត្តបាត់ដំបង​។​

​អ្នកស្រី អ៊ុន រ៉ែ​ម អាយុ ៤១ ឆ្នាំ ត្រូវជា​ជីដូន​របស់​កុមារា​រងគ្រោះ រស់នៅក្នុង​ភូមិ​ថ្មី ឃុំ​ត្រាង ស្រុក​កំរៀង បាន​ប្រាប់​ឲ្យ​ដឹងថាៈ នៅវេលា​កើតហេតុ ខាងលើ គាត់​បានបញ្ចប់​ការងារ ស៊ីឈ្នួល​ឲ្យ​ថៃ នៅតាម​ព្រំដែន ហើយ​បានធ្វើ​ដំណើរ ដោយ​ថ្មើរជើង វិលត្រឡប់​មកកាន់ ទីលំនៅ​ក្នុង​ទឹកដី​កម្ពុជា​វិញ ដោយ​ព​រចៅ ដើរ​ឆ្លងកាត់​អូរ ដែលមាន​ទឹក​ជន់ និង​ហូរ​ផង​នោះ គាត់​បាន​រអិល​ជើង​ដួល របូត​ចៅ​ចេញពី​ដៃ ធ្លាក់ចូល​អូរ ហូរ​រសាត់ តាម​ទឹក​បាត់ស្រមោល រក​មិនឃើញ​។ កុមារា​រងគ្រោះ​នោះ ឈ្មោះ ភូ អាយុ​ជិត ២ ខួប រស់នៅ​ជាមួយ​ជីដូន ក្នុងភូមិ ឃុំ កើតហេតុ​ខាងលើ​។​

​លោក គឹម ពន្លក អធិការនគរបាល ស្រុក​កំរៀង បាន​ឲ្យ​ដឹង​ដែរ​ថាៈ ករណី​ក្មេង​លង់ទឹក ខាងលើ ភ្លាមៗ ទាំង​ក្រុមគ្រួសារ ក៏ដូចជា ប្រជាពលរដ្ឋ រួមទាំង​កងកម្លាំង ប្រចាំការ​តំបន់​ព្រំដែន មួយចំនួនទៀត បាន​ចុះ​ទឹក​រាវរក​កុមារា​រងគ្រោះ ជាច្រើន​ម៉ោង​ដែរ នៅតែ​រក​មិនឃើញ ទើបតែ​នៅវេលា​ម៉ោង ១១​និង​២៣ នាទី ថ្ងៃត្រង់ ថ្ងៃទី​២ ខែតុលា ឆ្នាំ​២០២០ នេះ ទើប​រក​សាកសព​កុមារា​រងគ្រោះ ស្ថិតនៅ​ចម្ងាយ​ប្រមាណ ៣០០ ម៉ែត្រ ពី​កន្លែងកើតហេតុ​៕R

​រូបថត​: សាកសព​កុមារា ពេល​សាច់ញាតិ រកឃើញ ក្រោយ​កើតហេតុ (​រូប​:​ភ្នំ​ខៀវ​)​
សាច់ញាតិ អ្នកជិតខាង ព្រមទាំងកងកម្លាំងប្រចាំការ​តំបន់​ព្រំដែនកំពុងជួយគ្នារាវរកសាកសពកុមារា​​ (​រូប​:​ភ្នំ​ខៀវ​)​
សាច់ញាតិ អ្នកជិតខាង ព្រមទាំងកងកម្លាំងប្រចាំការ​តំបន់​ព្រំដែនកំពុងជួយគ្នារាវរកសាកសពកុមារា(​រូប​:​ភ្នំ​ខៀវ​)​
សាច់ញាតិ អ្នកជិតខាង ព្រមទាំងកងកម្លាំងប្រចាំការ​តំបន់​ព្រំដែនកំពុងជួយគ្នារាវរកសាកសពកុមារា (​រូប​:​ភ្នំ​ខៀវ​)​

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...