ស្រូវវស្សា​ខេត្តកំពត​សម្រេចបាន​ជាង​១០០​ភាគរយ​នៃ​ផែនការ​

ដោយៈ​បូកគោ​/​កំ​ពតៈដោយ​យោងតាម​ការបញ្ជាក់​របស់លោក ចាន់ រិ​ទ្ធ ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ​ខេត្តកំពត ថា​គិត​ត្រឹម​ថ្ងៃទី​០១ តុលា ការងារ​បង្ក​បង្កើន​​ស្រូវវស្សា​របស់​ប្រជាកសិករ​ទូទាំង​ខេត្តកំពត​បានបញ្ចប់​ជា​ស្ថាពរ​ហើយ ដោយ​សម្រេច​លទ្ធផល​ជាង​១០០​ភាគរយ​នៃ​ផែនការ​។
​ លោក ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ​ខេត្តកំពត​បានបញ្ជាក់​ថា លទ្ធផល​នៃ​ការ​សាបព្រោះ​ដក​ស្ទូង​សម្រេចបាន​១០៦,៥២​ភាគរយ​នៃ​ផែនការ​នូវ​ទំហំ​ផ្ទៃដី​១៣៣.០០០​ហិកតា​ដោយ​បងប្អូន​ប្រជាកសិករ​ធ្វើបាន​រហូតដល់​១៤១.៦៧៤​ហិកតា​។ លោក បន្តថា​ក្នុងនោះ​ការ​ភ្ជួរ​រាស់​ដោយ​គ្រឿងយន្ត​មាន​ផ្ទៃដី​១៤០.២៧៤​ហិកតា និង​ប្រើប្រាស់​កម្លាំង​គោក្របី​លើ​ទំហំ​១.៤០០​ហិកតា​។

ស្រូវវស្សា​ខេត្តកំពត​សម្រេចបាន​ជាង​១០០​ភាគរយ​នៃ​ផែនការ​
ស្រូវវស្សា​ខេត្តកំពត​សម្រេចបាន​ជាង​១០០​ភាគរយ​នៃ​ផែនការ​


​ លោក​ចាន់ រិ​ទ្ធ​បានបញ្ជាក់​បន្ថែមថា​ប្រភេទ​ស្រូវវស្សា​ដែល​សាបព្រោះ​ដក​ស្ទូង​បាន រួមមាន ស្រូវស្រាល​លើ​ផ្ទៃដី​១៦.៣៦៩​ហិកតា ស្រូវកណ្តាល​៨៦.៩០៤​ហិកតា​និង​ស្រូវ ធ្ងន់​មាន​ទំហំ​៣៨.៤០១​ហិកតា​។ ដោយឡែក​ស្រូវ​បង្កើន​រដូវ​អនុវត្តបាន​១៦.៣១៦​ហិក​តា​។​ជាមួយគ្នានេះ កសិករ​ទូទាំង​ខេត្ត​សម្រេចបាន​នូវ​ដំណាំ​សាកវប្បកម្ម​ចំនួន​៣.២៧៤​ហិកតា​គឺ​បន្លែ​១.៨៥៦​ហិកតា ឪឡឹក​១៩១​ហិកតា​ដំឡូងជ្វា​៥៦៦​ហិកតា​ពោតស​៦២២​ហិកតា​និង​ម្ទេស​៣៩​ហិកតា​។​ចំណែក​ដំណាំ​ឧស្សាហកម្ម​សម្រេចបាន​ទំហំ​១.៧៨២​ហិកតា​ក្នុងនោះ​ដំឡូង​មី​២៥៩​ហិកតា​សណ្តែកបាយ​៤៨៨​ហិកតា​អំពៅ​៥៥៩​ហិកតា​សណ្តែកដី​២៧១​ហិកតា​និង​ពោតក្រហម​២០៥​ហិកតា​៕R

ប្រជាកសិករកំពុងបំពេញការងារដកស្ទូង
ប្រជាកសិករកំពុងបំពេញការងារដកស្ទូង



ទីតាំងផ្សាយពាណិជ្ជកម្ម

- Advertisment -

Most Popular

​សម្ពាធ​ទាប​បង្ក​ឱ្យ​ផ្ទៃ...

ដោយ​: ប​.​ខុន / ភ្នំពេញ​:...

ក្រសួងប្រកាសការផ្អាកដំណើរ...

ដោយ:វិវឌ្ឍន៍/ភ្នំពេញ: ដើម...

ត្រាំ​ចាញ់​បណ្តឹង​បោះឆ្នោ...

ប្រែ​សម្រួលៈ​វាសនា​/​វ៉ាស...

នាយករដ្ឋមន្ត្រី​ឥណ្ឌា​ធ្វ...

​ប្រែ​សម្រួលៈ​វាសនា​/​អាម...