ជើង​ខ្លាំង​ទាំង ៥ រូប កក់​កៅអី​ជុំ​ទី​២ TV5 ការប្រកួត​ប្រដាល់ កំពូល​ជើងឯក TV5


ដោយៈ បូ​រិ​ន / ភ្នំពេញៈ មក​ស្គាល់​ជើង​ខ្លាំង កីឡាករ​គុន​ខ្មែរ ដែល​ចូលរួម​ប្រកួត​ប្រដាល់ កំពូល​ជើងឯក TV5 Knock Out Series by Cellcard ដោយ​យកឈ្នះ​ដៃគូ ប្រកួត​ឡើង​កក់​កៅអី ជុំ​ទី​២ រួចហើយនោះ​។

​ទី​១. កីឡាករ​ប្រដាល់​គុន​ខ្មែរ ធន់ អៀន​ឡៃ បានបង្ហាញ​វត្តមាន ជាថ្មី​ម្តងទៀត ក្នុង​ស​ង្វ្រៀ​ន​ស្ថានីយទូរទស្សន៍​ប៉ុស្តិ៍​លេខ​៥ ក្នុងការ​ប្រកួត​ប្រដាល់ កំពូល​ជើងឯក Cell Card Champion ដោយបាន​យកឈ្នះ​ជើង​ខ្លាំង លើ​កីឡាករ សេក សារ៉ាន់ កាលពី​ល្ងាច​ថ្ងៃទី​២៩ ខែសីហា ឆ្នាំ​២០២០​។​

កីឡាករប្រដាល់គុនខ្មែរ ធន់ អៀនឡៃ

​ទី​២. កីឡាករ ស៊ឺន ថៃ​សាន់ ឈ្នះ​ដោយ​ពិន្ទុ​ដដែល លើ​កីឡាករ​ជើង​ខ្លាំង នូវ សុខ​ទី មក​ក្លិប​រាជសីហ៍ ខេត្ត​រតន​គិ​រ​នី កាលពី​ល្ងាច​ថ្ងៃទី​៥ ខែកញ្ញា ឆ្នាំ​២០២០​។ អ្វីដែល​អស្ចារ្យ​នោះ ស៊ឺន ថៃ​សាន់ នឹង​ឡើង​មកជួប ធន់ អៀន​ឡៃ ដែលជា​អតីត​ជើងឯក​រង ឈរ​ចាំ​តាំងពី​សប្តាហ៍​ទី​១ មកម្ល៉េះ នាពេល​ខាងមុខនេះ​។​

កីឡាករ ស៊ឺន ថៃសាន់

​ទី​៣. ក្រោយពី​កីឡាករ រិ​ន ដេវីត វាយបំបាក់​ទៅលើ​កីឡាករ រឿន សុខលី ត្រឹមតែ​ទឹក​ទី​២ ប៉ុណ្ណោះ ដោយ រឿន សុខលី ទប់ទល់​លែងរួច​នឹង​កណ្តាប់ដៃរ​បស់ រិ​ន ដេវីត ប្រាប់​​អាជ្ញាកណ្តាល តាមរយៈ​ការ​គ្រវីក្បាល សុំ​ចុះចាញ់ កាលពី​ថ្ងៃ​១២ ខែកញ្ញា ឆ្នាំ​២០២០ នោះ ជើង​ខ្លាំង រិ​ន ដេវីត ក៏​ក្លាយជា​កីឡាករ ប្រជាប្រិយ លើ​ក្រសែភ្នែក អ្នកគាំទ្រ​ជាច្រើន​។​

កីឡាករ រិន ដេវីត

​ទី​៤. អ្វីដែល​ល្អមើល និង​ធ្វើឱ្យ​ទស្សនិកជន ចាប់អារម្មណ៍​នោះ ពេជ្រ ប៊ុន​សិ​ដ្ឋ និង ភួ​ន ឡាំង​កូស៊ីន ដែល​គូប្រកួត​នេះ ធ្លាប់​ជួបគ្នា ដឹង​បទពិសោធន៍ រៀងៗ​ខ្លួន​។ ប៉ុន្តែ​សោក​ស្តាយ ភួ​ន ឡាំង​កូន​ស៊ីន មិន​ទប់​ទល់នឹង​រន្ទះ​ជើង​របស់ ប៊ុន​សិ​ដ្ឋ រហូត​ចាញ់ បោះបង់​ការប្រកួត ត្រឹម​ទឹក​២ ធ្វើ​អ្នកគាំទ្រ​នាំគ្នា​ខកចិត្ត ចំពោះ ឡាំង​កូន​ស៊ីន មិនអាច​ឡើង​ជុំ​ទី​២​។​

កីឡាករ ពេជ្រ ប៊ុន​សិ​ដ្ឋ

​ទី​៥. កីឡាករ បាង កា​នុ​ន មិន​ធ្វើឱ្យ​ទស្សនិកជន ខកចិត្ត​ឡើយ ដោយបាន​ប្រើ​កណ្តាប់​ដៃ​របស់ខ្លួន បំ​បុក​ខ្លាំងៗ បំបាក់​ទៅលើ​កីឡាករ សូ​ដា សុវណ្ណ​ម៉ា​យ សម្រេច​ឡើង ទៅ​ជុំ​ទី​២ ក្នុង​កម្មវិធី TV5 Knock Out Series By Cellcard កាលពី​ថ្ងៃទី​២៦ ខែកញ្ញា ឆ្នាំ​២០២០​។

កីឡាករ បាង កា​នុ​ន

​សូម​រំលឹក​ផងដែរ​ថា ការប្រកួត​ប្រដាល់​កំពូល​ជើងឯក TV5 Knock Out Series by Cellcard នឹង​ជម្រើស​ជើង​ខ្លាំង​ថ្មី​បន្តទៀត ដោយ​ប្រើ​រយៈពេល​៤​ខែ និង រាល់​ការប្រកួត ធ្វើឡើង​ថ្ងៃ​សៅរ៍ នៅ​សង្វៀន​ប្រដាល់ ស្ថានីយទូរទស្សន៍ ៥ ព្រែកកំពឹស​៕R

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...