Home ព័ត៌មានជាតិ សេដ្ឋកិច្ច ការងារ​ស្រែ​ស...

ការងារ​ស្រែ​ស្រូវវស្សា​របស់​កសិករ​ខេត្តកំពត​សម្រេចបាន​ជាង​១០០​ភាគរយ​នៃ​ផែនការ​

ដោយៈ​បូកគោ​/​កំ​ពតៈ​ការងារ​បង្កបង្កើន​ស្រូវវស្សា​របស់​ប្រជាកសិករ​ទូទាំង​ខេត្តកំពត​បានបញ្ចប់​ជា​ស្ថាពរ ដោយ​សម្រេច​លទ្ធផល ១០៦,៥២ ភាគរយ នៃ​ផែនការ នូវ​ទំហំ​ផ្ទៃដី ១៣៣.០០០ ហិកតា​។​

​លោក ចាន់ រិ​ទ្ធ ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ ខេត្តកំពត បានបញ្ជាក់​ថាៈ គិត​ត្រឹម​ថ្ងៃទី​១ ខែតុលា ឆ្នាំ​២០២០ ការ​បង្កបង្កើនផល​ស្រូវវស្សា របស់​ប្រជាកសិករ នៅ​ទូទាំង​ខេត្តកំពត បានបញ្ចប់​ជា​ស្ថាពរ​ហើយ​។ លទ្ធផល​នៃ​ការ​សាបព្រោះ ដក​ស្ទូង សម្រេចបាន ១០៦,៥២ ភាគរយ នៃ​ផែនការ នូវ​ទំហំ​ផ្ទៃដី ១៣៣.០០០ ហិកតា ដោយ​បងប្អូន​ប្រជាកសិករ ធ្វើបាន​រហូតដល់ ១៤១.៦៧៤ ហិកតា​។​


​លោក​ប្រធាន​មន្ទីរ បាន​បន្តថាៈ ក្នុងនោះ ការ​ភ្ជួរ​រាស់​ដោយ​គ្រឿងយន្ត មាន​ផ្ទៃដី ១៤០.២៧៤ ហិកតា និង​ប្រើប្រាស់​កម្លាំង​គោក្របី លើ​ទំហំ ១.៤០០ ហិកតា​។ លោក ចាន់ រិ​ទ្ធ បានបញ្ជាក់​ទៀតថាៈ ប្រភេទ​ស្រូវវស្សា ដែល​សាបព្រោះ ដក​ស្ទូង​បាន រួមមាន ស្រូវស្រាល លើ​ផ្ទៃដី ១៦.៣៦៩ ហិកតា ស្រូវកណ្តាល ៨៦.៩០៤ ហិកតា និង​ស្រូវធ្ងន់ មាន​ទំហំ ៣៨.៤០១ ហិកតា​។

​ដោយឡែក ស្រូវ​បង្កើន​រដូវ​អនុវត្តបាន ១៦.៣១៦ ហិកតា​។ ជាមួយគ្នានេះ កសិករ​ទូទាំង​ខេត្ត សម្រេចបាន​នូវ ដំណាំ​សាកវប្បកម្ម ចំនួន ៣.២៧៤ ហិកតា គឺ​បន្លែ ១.៨៥៦ ហិកតា ឪឡឹក ១៩១ ហិកតា ដំឡូងជ្វា ៥៦៦ ហិកតា ពោតស ៦២២ ហិកតា និង​ម្ទេស ៣៩ ហិកតា​។ ចំណែក​ដំណាំ​ឧស្សាហកម្ម សម្រេចបាន​ទំហំ ១.៧៨២ ហិកតា ក្នុងនោះ ដំឡូង​មី ២៥៩ ហិកតា សណ្តែកបាយ ៤៨៨ ហិកតា អំពៅ ៥៥៩ ហិកតា សណ្តែកដី ២៧១ ហិកតា និង​ពោតក្រហម ២០៥ ហិកតា​៕S/


ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...