Home កម្សាន្ត ករុណា ពេជ្រ ប...

ករុណា ពេជ្រ បកស្រាយ​រឿង​មាន​លុយ​ធ្វើ​ផ្ទះ​វីឡា​ស្កឹមស្កៃ​តម្លៃ​ជិត​មួយ​លាន​ដុល្លារ​

ដោយៈ បូ​រិ​ន​/​ភ្នំពេញៈ ក្រោយពី​មានការ​ភ្ញាក់ផ្អើល​យ៉ាងខ្លាំង​ក្នុង​ចង្កោម​អ្នកសិល្បៈ ឃើញ​តារាចម្រៀង និង​ជា​អ្នកជំនួញ លោក ករុណា ពេជ្រ បានបង្ហាញ​ផ្ទះ​វីឡា​យ៉ាង​ស្កឹមស្កៃ​មួយ​កំពុង​សាងសង់ នោះ ដោយ​ត្រូវបាន​ប៉ាន​ប្រមាណ​ថា​ចំណាយ​ក្បែរ​លាន​ដុល្លារ​នោះ តារា​ប្រុស​រូបនេះ ចេញមុខ​បកស្រាយ​និយាយ​រឿង​ពិត​។

​តារាចម្រៀង​លោក ករុណា ពេជ្រ បាន​ប្រាប់​រស្មី​កម្ពុជា​កាលពី​ថ្ងៃទី​៣០ ខែកញ្ញា ឆ្នាំំ​២០២០ ដឹងថា លោក​អំពាវនាវ​ដល់​ម​ហា​ជន​សូមកុំ​យល់ច្រឡំ​ថា ផ្ទះ​វីឡា​ដែល​លោក​បង្ហាញ​នោះ បានមកពី​ការលក់​ឡេ​អី​។ ការលើកឡើង​បែបនេះ​គឺ​មិន​ចង់​ឲ្យ​មហាជន​យល់ថា​ឲ្យ​តែ​អ្នកលក់ ឡេ​អាចជួយ​ឲ្យ​មាន​ជីវភាព​ធូរធា​ទាំងអស់នោះ​។ លោ​កថាមុខ​ជំនួញ​ថ្មី​លក់​ឡេ​បំបាត់​មុន លើ​ដងខ្លួន ផលិតផល​សម្រក​ទម្ងន់ ហ្វូ​ម​លាងមុខ និង​ផលិតផល​ពង្រីក​ដើមទ្រូង​ក្រោម​ឈ្មោះ ក្រុមហ៊ុន B-Karona រួមជាមួយ​សាច់ញាតិ​នេះ​ទើបនឹង​បើក​ដំណើរការបាន​ពីរ​ខែ​ប៉ុណ្ណោះ​។

​លោក​បាន​និយាយទៀតថា បើទោះបីជា​មុខ​ជំនួញ​ថ្មី​មានការ​រីកចម្រើន​មែន​ប៉ុន្តែ​ដំណាក់ កាល​ដំបូង​នេះ​គឺជា​ការ​វ​បង្វិលប្រាក់​សម្រាប់​ទិញ​លក់​ប៉ុណ្ណោះ​មិនទាន់បាន​ដក​មក​ចាយ​សូម្បី​តែមួយ​រៀល​នៅឡើយ​។ លោ​កថា​ផ្ទះ​របស់លោក​គឺ​ចាប់ផ្តើម​ធ្វើជា​ច្រើន​ខែ​កន្លងមកហើយ​បើ គិតតែ​សាច់​ផ្ទះ​ចំណាយ​ប្រមាណ​ជិត​៤០​ម៉ឺន​ដុល្លារ ខណៈ​តម្លៃ​ដី​ផ្ទះ​លោក​នា​តំបន់​វត្ត​សំរោង អណ្តែត​ទំហំ​២០​ម៉ែត្រ​គុណ​នឹង​៣០​ម៉ែត្រ​គឺ​ប្រមាណ​ជាង​៤០​ម៉ឺន​ដុល្លារ​ទៀត​។​លោ​កថា​មុន​មក​លក់​ឡេ​និង​ផលិតផល​ថែរក្សា​សម្រស់​នេះ​លោក​ក៏មាន​មុខ​ជំនួញ​លើ​ការទិញ​លក់​អចលនទ្រព្យ​មួយចំនួន​។

​តារាចម្រៀង ករុណា ពេជ្រ បាន​បញ្ជាក់ថា លោ​កថា​ផ្ទះ​វីឡា​ខាងលើ​គ្រោង​នឹង​សាងសង់ រួចរាល់​នៅក្នុង​អំឡុង​ចុង​ឆ្នាំនេះ​។​

​ទោះជា​យ៉ាងណា​កន្លងទៅ​តារាចម្រៀង​រូបនេះ​ធ្លាប់​បានធ្វើ​ឲ្យ​គេ​ភ្ញាក់ផ្អើល​ខ្លាំង​ក្រោយពី​លោក​បានប្រកាស​លក់​ផ្ទះ​ជាច្រើន​កន្លែង​ផ្សេងគ្នា​កាលពីពេល​កន្លង​ម​ដែល​គិត​ជា​ប្រាក់​ខ្ទង់លាន​ដុល្លារ​នោះ​ផងដែរ​៕

ទីតាំងផ្សាយពាណិជ្ជកម្ម

- Advertisment -

Most Popular

គណៈបញ្ជាការ​ឯកភាព​រដ្ឋបាល...

​ដោយៈ​រ៉ា​ម៉ន​/​ភ្នំពេញៈ​...

ចុះ​ចាប់​និង​កាត់​ទ្រុង​រ...

​ដោយៈ​គ្រញូង​/​បាត់ដំបងៈ​...

ក្រុម​អ្នកបើក​តាក់ស៊ី​ចោទ...

​ដោយ​:​កញ្ញា​ឌី​/​ភ្នំពេញ...

តុលាការ​សាកសួរ​បុរស​ជនជាត...

​ដោយៈ​ស​រិ​ទ្ធ​/​កណ្តាលៈ​...