Home ព័ត៌មានអន្តរជាតិ អតីត​នាយករដ្ឋ...

អតីត​នាយករដ្ឋមន្ត្រី​ថៃ លោក ថាក់ស៊ីន មាន​ជំងឺ​កូវី​ដ ប៉ុន្តែ​បាន​ជាសះស្បើយ​

​ប្រភពព័ត៌មាន​ដែល​ស្និទ្ធ លោក ថាក់ស៊ីន ស៊ីណា​វ៉ាត អតីត​នាយករដ្ឋមន្ត្រី​ថៃ និង​ជា​មហាសេដ្ឋី​ដែល​និរទេស​ខ្លួន​នេះ បាន​ប្រាប់​សារព័ត៌មាន​AFP នៅ​ថ្ងៃ​សៅរ៍​ទី​០៣​ខែ​តុលា​ថា លោក​ថាក់ស៊ីន ស៊ីណា​វ៉ាត ​បាន​ធ្វើតេស្តិ៍​វិជ្ជមាន​កូវី​ដ​១៩​ហើយ ត្រូវបាន​ព្យាបាល​នៅ​មន្ទីរពេទ្យ​កាលពី​ខែ​មុន ប៉ុន្តែ​ចាប់តាំងពី​ពេលនោះ​មក បាន​ជាសះស្បើយ​វិញ​។​

​ប្រភពត័ត៌​មាននេះ​បាន​និយាយថា លោក ថាក់ស៊ីន អាយុ​៧១​ឆ្នាំ​រស់នៅក្នុង​ទីក្រុង​ឌុ​យបៃប្រទេស​អាមី​រ៉ាត​អា​រ៉ាប់រួម ហើយ​បាន​ចំណាយពេល​អស់​២​សប្តាហ៍​នៅ​មន្ទីរពេទ្យ​នៅ​មុនពេល​ជាសះស្បើយ​​និង​ចេញពី​មន្ទីរពេទ្យ កាលពី​ពាក់កណ្តាល​ខែ​កញ្ញា​។​

​ប្រភពត័ត៌មាន​មួយ​ពី​គណបក្ស​ភឿ​ថៃ ដែល​ជា​គណបក្ស​នយោបាយ​មាន​ទំនាក់ទំនង​ជាមួយ​លោក​ថាក់ស៊ីន ស៊ីណា​វ៉ាត បាន​និយាយប្រាប់​សារព័ត៌មាន​AFP ថា លោក​បាន​ឆ្លង​ជំងឺ​នេះ​កាលពី​ពីរ​​បី​សប្តាហ៍​កន្លងទៅ ប៉ុន្តែ​ឥឡូវ​បាន​ជា​ហើយ​”​។

​គេ​ជឿ​ថា​លោក​បាន​ឆ្លង​ជំងឺ​នៅ​បន្ទាប់ពី​បាន​ទៅ​កន្លែង​ផ្សារ​ទំនើប​មួយ​។​

​លោក ថាក់ស៊ីន ស៊ីណា​វ៉ាត ត្រូវ​បាន​ទម្លាក់​ចេញ​ពី​អំណាច​ក្នុង​រដ្ឋប្រហារ​យោធា​កាលពី​ឆ្នាំ ២០០៦ ហើយ​បាន​រត់​ភៀសខ្លួន​ចេញពី​ប្រទេស​ថៃ កាលពី​ឆ្នាំ ២០០៨ ។​

​លោក​ត្រូវបាន​ផ្តន្ទាទោស​នៅ​ប្រទេស​ថៃ​ពី​បទ​ប្រព្រឹត្ត​អំពើពុករលួយ​៕​ប្រែ​សម្រួល​៖​សុខា​/sn

លោក ថាក់ស៊ីន ស៊ីណា​វ៉ាត អតីត​នាយករដ្ឋមន្ត្រី​ថៃ

ទីតាំងផ្សាយពាណិជ្ជកម្ម

- Advertisment -

Most Popular