Home ព័ត៌មានជាតិ សន្តិសុខ ​ម្ចាស់​ហ្វេ​...

​ម្ចាស់​ហ្វេ​ស​បុក​ផេ​ក​ឈ្មោះ Srey Mom Online​បាន​សារភាព​កំហុស​ជា​សាធារណ​:

ដោ​យៈស​.​រិ​ទ្ធ​/​ភ្នំពេញ​៖​បុរស​ម្នាក់​ឈ្មោះ ផន ឌី​ម៉​ង់ ដែល​ប្រើប្រាស់​ហ្វេ​ស​បុក​ផេ​ក​ឈ្មោះ Srey Mom Online មក​ឡាយ​វីដេអូ​ចាស់​ករណី​អគ្គិភ័យ ត្រូវបាន​សមត្ថកិច្ច​កោះហៅ​ឱ្យចូល​ខ្លួន​មក​បំភ្លឺ និង​បាន​សារភាព​កំហុស​ជា​សាធារណ​: នៅ​ព្រឹក​ថ្ងៃទី​៣ ខែតុលា ឆ្នាំ​២០២០​នេះ​។

​ក្រុមការងារ​ព័ត៌មាន និង​ប្រតិកម្ម​រហ័ស​នៃ​ស្នងការដ្ឋាន​នគរបាល​រាជធានី​ភ្នំពេញ សហ​ការណ៍​ជាមួយ​ការិយាល័យ​ប្រឆាំង​បទល្មើស​បច្ចេកវិទ្យា បាន​កោះហៅ​បុរស​ម្នាក់​ឈ្មោះ ផន​ឌី​ម៉​ង់​ដែល​បាន​យក​ព័ត៌មាន​ចាស់​ករណី​អគ្គិភ័យ​មក​ឡាយ​ឡើងវិញ​ដែល​ធ្វើឱ្យ​ប្រជាពលរដ្ឋ​មានការ​យល់ច្រឡំ ជាពិសេស​បង្កឱ្យមាន​ចលាចល​នៅក្នុង​សង្គមជាតិ ។

​បុរស​ម្នាក់​ឈ្មោះ ផន ឌី​ម៉​ង់ ជា​ម្ចាស់​ផេ​ក Facebook ឈ្មោះ Srey Mom Online ដែល​បាន​យក​វីដេអូ​ចាស់​ករណី​ឆេះ​អគារ អិន​៨​ដែល​បាន កើតឡើង​តាំងពី ថ្ងៃទី​២៦ ខែកញ្ញា ឆ្នាំ​២០២០ នៅ​ខណ្ឌ​បឹង​កេងកង យកមក​បង្ហោះ ឡាយ​ជា​វីដេអូ (Live Stream) កាលពី​ថ្ងៃទី​២ ខែតុលា ឆ្នាំ​២០២០ វេលា​ម៉ោង ១៣:៣០ នាទី នៅ​រាជធានី​ភ្នំពេញ​។ ក្នុង​គោលបំណង​ចង់ឱ្យមាន​ភាព​ទាក់ទាញ​ខ្លាំង​មកលើ​ផេ​ក​របស់គាត់ ដែល​ធ្វើឱ្យ​សាធារណជន មានការ​ភ័​ណ្ឌ​ច្រឡំ ជាពិសេស​អាច​បង្កឱ្យមាន​ភាពចលាចល​ក្នុងសង្គម​ជាតិ​ផងដែរ ។​

​ដោយ​ផ្អែក​តាម​ទោស​ប្បញ្ញត្តិ ជំពូក​ទី​៦ មាត្រា​ទី​២៩ ជននេះ​ត្រូវ​មានទោស និង​ទទួល​ការផាកពិន័យ ។​ប៉ុន្តែ​ដោយមាន​ការយោគយល់ និង​អនុគ្រោះ​ពី​ឯកឧត្តម ឧ​ត្ត​ម​សេនីយ៍​ឯក ស​ថេត អគ្គ​ស្នងការរង និង​ជា​ស្នងការ​នគរបាល​រាជធានី​ភ្នំពេញ​ឱ្យ​អនុវត្ត​ត្រឹម​កម្រិត​អប់រំ ណែនាំ ៕S/​

ទីតាំងផ្សាយពាណិជ្ជកម្ម

- Advertisment -

Most Popular