Home កម្សាន្ត អ្នកនិពន្ធ​បទ...

អ្នកនិពន្ធ​បទ​ភ្លេង​ដែលជា​ជើង​ខ្លាំង​របស់​កាឡាក់ស៊ី​ពិតជា​ចូល​ផលិតកម្ម​ហង្ស​មាស​ជា​ផ្លូវការ​

ដោយ​: បូ​រិ​ន​/​ភ្នំពេញ​: ពិត​ដូច​ការសង្ស័យ​របស់​ម​ហា​ជន​និង​អ្នកសារព័ត៌មាន​មែន​គឺថា អ្នកនិពន្ធ​បទ​ភ្លេង​ដែល ជា​ជើង​ខ្លាំង​របស់​ផលិតកម្ម​កាឡាក់ស៊ី​លោក​ថូ មី​ត​( Tho Meet) ពិតជា​ចូល​ផលិតកម្ម​ហង្ស​មាស ជា​ផ្លូវការ​មែន ។​

​កាលពី​ព្រឹក​ថ្ងៃទី​១ ខែតុលា ឆ្នាំ​២០២០ ទំព័រ​ហ្វេ​ស៊​បុក​ផ្លូវការ​របស់​ផលិតកម្ម​ហង្ស​មាស បានប្រកាស​នូវ​សមាសភាព​ថ្មី អ្នកនិពន្ធ​បទ​ភ្លេង​ថ្មី​គឺ​លោក Tho Meet ធ្វើឱ្យ​មហាជន​មាន​ភ្ញាក់ ផ្អើល និង​ចាប់អារម្មណ៍​យ៉ាងខ្លាំង​ចំពោះ​ការ​ដើរចេញ​របស់លោក​ពី​ផលិតកម្ម​កាឡាក់ស៊ី​។

​ជាក់ស្តែង​ករណី​អ្នកនិពន្ធ​ល្បីឈ្មោះ​លោក Tho Meet ដែល​គេ​ធ្លាប់​ស្គាល់​ថា​ជាម​នុស្ស​ជំនិត របស់លោក​យឹម តា​ស្រង់ និង​ជា​អ្នកនិពន្ធ​បទ​ភ្លេង​ល្បីៗ​ជាច្រើន​នៅ​ផលិតកម្ម Galaxy Navatra នោះ​។​លោក​ត្រូវបាន​គេ​ចាត់ទុកថា​ជា​មនុស្ស​ដែលមាន​ចំណែក​ជួយ​ឲ្យ​ផលិត​កម្មនេះ​លេចមុខ​មាត់​ខ្លាំង​នឹង​ស្នាដៃ​បទ​ចម្រៀង​ផ្ទុះ​ជាច្រើន​បទ​របស់​តន់ ចន្ទ​សី​ម៉ា​ជាដើម​។ លោក​ក៏​ត្រូវបាន ផលិតកម្ម​ហង្ស​មាស​ប្រកាស​ទទួល​ស្វាគមន៍​ជា​ផ្លូវការ​ហើយ​កាលពី​ព្រឹក​ថ្ងៃទី​១ ខែតុលា​នេះ​។​

​សូម​រំលឹក​ផ​ថា លោក Tho Meet ពី​ដើមឡើយ​ជា​អតីត​អ្នកនិពន្ធ​បទ​ភ្លេង​នៅ​ផលិតកម្ម ថោ​ន និង សាន់​ដេ រួច​ក៏​ចាប់​ដៃគូ​ធ្វើ​ការងារ​0​ជាមួយ​លោក យឹម តា​ស្រង់​នៅពេល​ឈរជើង​នៅ​កា​ឡាក់ ស៊ី​ដែល​ប្រើពេល​អស់​ជិត​១​ឆ្នាំ​។ ស្នាដៃ​របស់លោក​ដែល​នៅ​កាឡាក់ស៊ី​ផ្ទុះ​ការគាំទ្រ​ចុង ក្រោយ​នោះ មាន​បទ​ចម្រៀង “​គេ​នោះ​ជា​ស្រី​កាប់​ដាវ​” “​ខ្ញុំ​ជា​អ្នកជំងឺ​ស្នេហា​” “​កាក​សង្សារ​” “​ចង់​លក់​ផ្ទះ​ចោល​” និង​បទ “​ដណ្ដឹង​អូន​ទៅ​”៕srn

ទីតាំងផ្សាយពាណិជ្ជកម្ម

- Advertisment -

Most Popular