Home ព័ត៌មានជាតិ នយោបាយ ​រដ្ឋលេខាធិកា...

​រដ្ឋលេខាធិការ​ប្រចាំការ​វ​ង្សី វិស្សុត ចូលរួម​កិច្ចប្រជុំ​រដ្ឋមន្ត្រី​ហិរញ្ញវត្ថុ​អាស៊ាន​លើក​ទី​២៤ តាម​ប្រព័ន្ធ​វីដេអូ​

​រដ្ឋលេខាធិការ​ប្រចាំការ​វ​ង្សី វិស្សុត ចូលរួម​កិច្ចប្រជុំ​រដ្ឋមន្ត្រី​ហិរញ្ញវត្ថុ​អាស៊ាន​លើក​ទី​២៤ តាម​ប្រព័ន្ធ​វីដេអូ​

ដោយ​:​ស៊ា ថាំង​/​ភ្នំពេញ​:​ក្រសួង​សេដ្ឋ​កិ​ច្ឋ​និង​ហិរញ្ញវត្ថុ​បាន​ឲ្យ​ដឹងថា​លោក​វ​ង្សី វិស្សុត រដ្ឋលេខាធិការ​ប្រចាំការ នៃ​ក្រសួង​សេដ្ឋ​កិ​ច្ឋ​និង​ហិរញ្ញវត្ថុ បាន​ដឹកនាំ​គណៈ​-​ប្រតិភូ​ក្រសួង​សេដ្ឋកិច្ច​និង​ហិរញ្ញវត្ថុ ចូលរួម​កិច្ចប្រជុំ​រដ្ឋមន្ត្រី​ហិរញ្ញវត្ថុ​អាស៊ាន​លើ​ទី​២៤ (24th AFMM), កិច្ចប្រជុំ​រដ្ឋមន្ត្រី​ហិរញ្ញវត្ថុ និង​ទេសាភិបាល​ធនាគារកណ្តាល​អាស៊ាន​លើក​ទី ៦ (6th AFMGM) និង​កិច្ចប្រជុំ​ពាក់ព័ន្ធ កាលពី​ថ្ងៃទី​២ ខែតុលា ឆ្នាំ​២០២០ តាម​ប្រព័ន្ធ​វីដេអូ​។​កិច្ចប្រជុំ​នេះ​មានការ​ចូលរួម​ពី​រដ្ឋមន្ត្រី​ហិរញ្ញវត្ថុ និង​ទេសាភិបាល​ធនាគារ​កណ្តាល​មកពី​បណ្តា​ប្រទេស​ពី​អាស៊ាន​, បណ្តា​ប្រធាន​ស្ថាប័នហិរញ្ញវត្ថុ​អន្តរជាតិ​, ដៃគូ​អភិវឌ្ឍន៍ និង​វិស័យ​ឯកជន​។​


​មន្ត្រី​នាំពាក្យ​នៃ​ក្រសួង​សេដ្ឋ​កិ​ច្ឋ​និង​ហិរញ្ញវត្ថុ​បាន​ប្រាប់ថា​នៅក្នុង​កិច្ចប្រជុំ​រដ្ឋមន្ត្រី​ហិរញ្ញវត្ថុ​អាស៊ាន​លើ​ទី​២៤ នេះ បណ្តា​រដ្ឋមន្ត្រី​ហិរញ្ញវត្ថុ​អាស៊ាន បានធ្វើការ​កត់សម្គាល់​លើ​ការធ្វើ​បទ​បង្ហាញ​របស់​បណ្តា​ស្ថាប័នហិរញ្ញវត្ថុ​អន្តរជាតិ ស្តីពី​ការវិវត្ត​នៃ​ស្ថានភាព និង​ទស្សន វិស័យសេដ្ឋកិច្ច​ពិភពលោក និង​តំបន់​, ហានិភ័យ និង​បញ្ហា​ប្រឈម ក៏ដូចជា​អនុសាសន៍​គោលនយោបាយ​នានា នៅក្នុង​បរិបទ​នៃ​ការរីក​រាលដាល​នៃ​ជំងឺ​កូ​វីដ​១៩​។ បន្ថែម​ពីនេះ បណ្តា​រដ្ឋមន្ត្រី​ហិរញ្ញវត្ថុ​អាស៊ាន ក៏បាន​ពិភាក្សា និង​ផ្លាស់ប្តូរ​យោបល់​លើ​ការដាក់ចេញ​នូវ​វិធានការ និង​គោលនយោបាយ​នានា សំដៅ​ដោះស្រាយ​នូវ​បញ្ហា​ប្រឈម ក៏ដូចជា​កាត់បន្ថយ​នូវ​ហានិភ័យ​ទាំងនោះ​។ ជាពិសេស​ផលប៉ះពាល់​អវិជ្ជមាន​ដែល​បង្កឡើង​ដោយ​ជំងឺ​កូ​វីដ ១៩​មកលើ​សង្គម​និង​សេដ្ឋកិច្ច​របស់​ប្រទេស​ជា​សមាជិក​អាស៊ាន សំដៅ​កាត់បន្ថយ​ការធ្លាក់ចុះ និង​ស្តារឡើងវិញ​នូវ​កំណើនសេដ្ឋកិច្ច​ក្នុង​តំបន់​អាស៊ាន នៅក្នុង​អំឡុងពេល និង​ក្រោយ​វិបត្តិ​ជំងឺ​កូ​វីដ​១៩​។​


រដ្ឋមន្ត្រី​ហិរញ្ញវត្ថុ​អាស៊ាន​ក៏បាន​ធ្វើការ​កត់សម្គាល់​និង​វាយតម្លៃ​ខ្ពស់​ចំពោះ​វឌ្ឍនភាព​ដែល​សម្រេចបាន​ចាប់តាំងពី​កិច្ចប្រជុំ​លើក​ទី​២៣​ក្រោម​កិច្ចសហប្រតិបត្តិការ​ហិរញ្ញវត្ថុ​រួមមានៈ​មូលនិធិ​ហេដ្ឋារចនាសម្ព័ន្ធ​អាស៊ាន​,​កិច្ចសហប្រតិបត្តិការ​ធានារ៉ាប់រង​,​ការអភិវឌ្ឍ​ទីផ្សារ​មូល​ប​ត្រ​,​កិច្ចសហប្រតិបត្តិការ​គយ​និង​ពន្ធដារ រួមទាំង​កិច្ចការ​ពាក់ព័ន្ធ​នឹង​សមាហរណកម្ម​ហិរញ្ញវត្ថុ និង​រូបិយវត្ថុ​អាស៊ាន​មួយចំនួនទៀត​ដើម្បី​បន្ត​ពង្រឹង​កិច្ចសហប្រតិបត្តិការ​និង​ការធ្វើសមាហរណកម្ម​តំបន់​ឱ្យ​កាន់តែ​ស៊ីជម្រៅ​លើ​វិស័យ​ហិរញ្ញវត្ថុ សំដៅ​ទទួលបាន​នូវ​ប្រព័ន្ធ​ហិរញ្ញវត្ថុ​តំបន់​មួយ​ដែលមាន​លក្ខណៈ​ធន និង​រឹងមាំ ។​ជាពិសេស​ក្នុងដំណាក់កាល​នៃ​វិបត្តិ​កូ​វីដ​១៩​នាពេល​បច្ចុប្បន្ន​។
​ផ្អែកលើ​ស្ថានភាព​តំបន់ ដែល​កំពុង​ខ្វះខាត​នូវ​ហិរញ្ញប្បទាន​សម្រាប់​ការអភិវឌ្ឍ​ហេដ្ឋារចនាសម្ព័ន្ធ ក៏ដូចជា​ការស្តារ​សេដ្ឋកិច្ច​ពី​វិបត្តិ​កូ​វីដ​កិច្ចប្រជុំ​ក៏បាន​ស្វាគមន៍​លើ​ការបញ្ចប់​របាយការណ៍​ស្តីពី​ការផ្តល់​ហិរញ្ញប្បទាន​ប្រកបដោយ​ចីរភាព​ក្នុង​តំបន់​អាស៊ាន​ដែល​របាយការណ៍​នេះ​គឺជា​ផែនទី​បង្ហាញផ្លូវ​ដ៏​សំខាន់​សម្រាប់​អាស៊ាន​ក្នុងការ​បង្កើន​សមត្ថភាព​ផ្តល់​ហិរញ្ញប្បទាន​តាមរយៈ​ការពង្រឹង​សមត្ថភាព​ក្នុងការ​អភិវឌ្ឍ​សញ្ញា​បណ្ណ​រដ្ឋាភិបាល​និង​បានបញ្ជាក់​អំពី​ការប្តេជ្ញា​ក្នុងការ​រឹតបន្តឹង​កិច្ចសហប្រតិបត្តិការ​បន្ថែម​ដោយ​ឈ​លើ​គោលជំហរ​ជួយ​គ្នា​ទៅវិញទៅមក​ក្នុងការ​ជំរុញ​ការផ្តល់​ហិរញ្ញប្បទាន​ប្រកបដោយ​ចីរភាព​នេះ​។ បន្ថែម​ពីនេះ​បណ្តា​រដ្ឋមន្ត្រី​ហិរញ្ញវត្ថុ​អាស៊ាន​ក៏បាន​សង្កត់ធ្ងន់​លើ​សារសំខាន់​នៃ​ការពង្រឹង​កិច្ចសហប្រតិបត្តិការ​លើ​ការប្រើប្រាស់​បច្ចេកវិទ្យា​ហិរញ្ញវត្ថុ​ក្នុងការ​សម្រួល​ដល់​ប្រតិបត្តិការ​ហិរញ្ញវត្ថុ និង​ពាណិជ្ជកម្ម​ក្នុង​បរិបទ នៃ​ការ​ឆ្ពោះ​រក​សេដ្ឋកិច្ច​ឌីជីថល ។


​ក្រៅពីជួបប្រជុំ​នេះ​លោក​រដ្ឋលេខាធិការ​ប្រចាំការ វ​ង្សី វិស្សុត ក៏បាន​ចូលរួម​កិច្ចប្រជុំ​រវាង​រដ្ឋមន្ត្រី​ហិរញ្ញវត្ថុ និង​ទេសាភិបាល​ធនាគារកណ្តាល​អាស៊ាន ជាមួយ​វិស័យ​ឯកជន ដើម្បី​ពិភាក្សា លើ​ចំណុច​សំខាន់ៗ​មួយចំនួន​ដូចជា ការផ្តល់​ហិរញ្ញប្បទាន​ក្នុង​តំបន់​អាស៊ាន​ប្រកបដោយ​ចីរភាព​, ហិរញ្ញវត្ថុ​ឌីជីថល​, បរិ​យា​ប័ន្ន​ហិរញ្ញវត្ថុ និង​ការតភ្ជាប់​ពាណិជ្ជកម្ម​ឌីជីថល​ក្នុង​តំបន់​អាស៊ាន​ជាដើម ។​
ចំពោះ​កិច្ចប្រជុំ​ជាមួយ​វិស័យ​ឯកជន​នេះ​លោក​រដ្ឋលេខាធិការ​ប្រចាំការ​បានលើកឡើង​ពី​កិច្ចខិតខំ​ប្រឹងប្រែង​រប​ស់រាជ​រដ្ឋាភិបាល​កម្ពុ​ជា ដែល​បាន​ដាក់ចេញ​នូវ​យុទ្ធសាស្ត្រ និង​គោលនយោបាយ​នានា សំដៅ​ធានា​នូវ​ស្ថេរភាព​សេដ្ឋកិច្ច និង​ហិរញ្ញវត្ថុ និង​ផ្តល់​បរិយាកាស​វិនិយោគ​ល្អប្រសើរ​ដើម្បី​លើកស្ទួយ​ការចូលរួម​របស់​វិស័យ​ឯកជន​ក្នុងការ​អភិវឌ្ឍ​សេដ្ឋកិច្ច​ប្រកបដោយ​ចីរភាព និង​បរិ​យ្នា​ប័ន​របស់​កម្ពុជា។ ជាពិសេស​ការដាក់ចេញ​នូវ​វិធានការ​ទាំង ៦​ជុំ​របស់​រដ្ឋាភិបាល សំដៅ​ជួយ​រក្សា​លំនឹង​ផលិតកម្ម និង​អាជីវកម្ម​ចំពោះ​វិស័យ​ដែល​ទទួលរង​ផលប៉ះពាល់​ធ្ងន់ធ្ងរ​ពី​ការរីក​រាលដាល​នៃ​ជំងឺ​កូ​វីដ​១៩​និង​ជួយ​រក្សា​លំនឹង​ជីវភាព​ប្រជាជន​ក្នុង​កម្រិត​អប្បបរមា​មួយ (​មិនឱ្យ​អត់បាយ​) ពិសេស​សម្រាប់​ប្រជាជន​ក្រីក្រ និង​ក្រុម​ជន​ងាយ​រងគ្រោះ ព្រមទាំង​អ្នក​បាត់បង់​ការងារ ដើម្បី​ធ្វើឱ្យ​ពួកគេ​អាចមាន​លទ្ធភាព​វិល​ទៅរក​ជីវភាព​ជាធម្មតា​វិញ​នៅពេល​ផុតពី​ជំងឺ​នេះ ក៏ដូចជា​ការស្តារ និង​ជំរុញ​កំណើនសេដ្ឋកិច្ច នៅពេល​ជំងឺ​កូ​វីដ​-១៩ មានការ​ថមថយ និង​ផុតរលត់​៕សរន

ទីតាំងផ្សាយពាណិជ្ជកម្ម

- Advertisment -

Most Popular

ម៉ាឡេស៊ី​តំរូវអោយ​និយោជក​...

​ប្រែ​សម្រួលៈ​វាសនា​/​គូ​...

សមត្ថកិច្ច ឃាត់ខ្លួន​ជនសង...

ដោយៈ ស​រិ​ទ្ធ / ភ្នំពេញៈ ...

ឃាត់ខ្លួន​ស្ត្រី​ម្នាក់ ក...

ដោយៈ ស​រិ​ទ្ធ / ត្បូងឃ្មុ...

ឯកអគ្គរដ្ឋទូត​ឥណ្ឌា​ថ្មី​...

ដោយ​: ជា សីហ​:/​ភ្នំពេញ​:...