​កម្ពុជា ទទួល​កំណើន​ជាង ៥,៨ លាន​តោន ពី​ការនាំចេញ​ផលិតផល​កសិកម្ម​

ដោយៈ ពៅ​និមល / ភ្នំពេញៈ ទោះបីជា​កម្ពុជា​ទទួលរ​ង​ផលប៉ះពាល់ ពី​ការរីក​រាលដាល នៃ​ជំងឺឆ្លង​កូ​វីដ ១៩ ក្តី ក្នុងនោះ ការនាំចេញ ផលិតផល​កសិកម្ម របស់​កម្ពុជា ក្នុង​រយៈពេល ៩ ខែ ឆ្នាំ​២០២០ នេះ មានការ​កើនឡើង ល្អប្រសើរ គឺមាន​បរិមាណ​សរុប ចំនួន​ជាង ៥,៨ លាន​តោន​។​

​យោងតាម​របាយការណ៍​ការងារ របស់​ក្រសួងកសិកម្ម រុក្ខាប្រមាញ់ និង​នេសាទ នៅ​ថ្ងៃទី​៣ ខែតុលា ឆ្នាំ​២០២០ នេះ បានឱ្យដឹងថាៈ សម្រាប់​លទ្ធផល នៃ​ការងារ​បង្កបង្កើនផល​ស្រូវ រដូវវស្សា ឆ្នាំ​២០២០ គិត​ត្រឹម​ចុងខែ​កញ្ញា សម្រេច​ធ្វើការ​ស្ទូង និង​ព្រួស​សរុប ២.៧១៤.២១៦ ហិកតា ស្មើនឹង ១០៤,៨៧ ភាគរយ នៃ​ផែនការ ចំនួន ២.៥៨៨.១៣០ ហិកតា លើស​កាលពី​ឆ្នាំ​២០១៩ ចំនួន ៧០.២១៧ ហិកតា​។ តាមរយៈ​លទ្ធផល ដែល​សម្រេចបាន​នេះ រួមមានៈ ស្រូវស្រាល ចំនួន ៨២៨.៧៣៣ ហិកតា​, ស្រូវកណ្តាល ចំនួន ១.៣៨៥.០៦៦ ហិកតា​, ស្រូវធ្ងន់​ចំនួន ៤៤៦.៣០១ ហិកតា​, ស្រូវចម្ការ​ចំនួន ២០.៦៦៨ ហិកតា និង​ស្រូវ​ឡើង​ទឹក ចំនួន ៣៣.៤៤៨ ហិកតា​។ ទន្ទឹមនឹងនេះ យើង​បាន​ប្រមូល​ផល​ស្រូវស្រាល ដើមរដូវ​វស្សា បានជា​បណ្តើរៗ បាន​ចំនួន ៤៣៦.២៨៧ ហិកតា ទទួល​បរិមាណ​ផល​សរុប ចំនួន ១.៦៦២.០៦១ តោន លើស​ឆ្នាំមុន​ចំនួន ២៤៦.៦១៨ តោន ទិន្នផល​គិត​ជា​មធ្យម ទទួលបាន ៣,៨១០ តោន ក្នុង​មួយ​ហិកតា​។​

ផ្លែក្រូចពោធិសាត់

​ដោយឡែក ការនាំចេញ​ផលិតផល​កសិកម្ម ឆ្លងកាត់​ច្រកចេញចូល​តែមួយ និង​មិនបាន​ឆ្លងកាត់ ក៏មាន​ការកើនឡើង ល្អប្រសើរ គឺមាន​បរិមាណ​សរុប ចំនួន​ជាង ៥,៨ លាន​តោន ដែល​ក្នុងនេះ មាន​ផលិតផល សំខាន់ៗ​មួយចំនួន ដូចជា អង្ករ​សម្រេចបាន ៤៨៨.៧៧៥ តោន មាន​កំណើន ២២,៦៣ ភាគរយ ធៀប​រយៈពេល​ដូចគ្នា ឆ្នាំ​២០១៩ (៣៩៨.៥៨៦ តោន​) បាន​នាំចេញ​ទៅកាន់​៦០​ប្រទេស​។ ស្រូវ​សម្រេចបាន ១.៣៩២.៣០៦ តោន ថយចុះ​ប្រមាណ​ជា ១៧ ភាគរយ ប្រៀបធៀប​ទៅ​ឆ្នាំ​២០១៩ នាំចេញ​ទៅកាន់​ប្រទេស​វៀតណាម (​ក្រៅផ្លូវការ​)​។ គ្រាប់ស្វាយចន្ទី​សម្រេចបាន ២០៤.២០៨ តោន មាន​កំណើន ២០,៥ ភាគរយ​, នាំចេញ​ទៅកាន់​ប្រទេស​វៀតណាម​, ជប៉ុន​, រុស្សី​, ចិន​, ហុងកុង​, បារាំង​, កូរ៉េ​, តួ​ក​គី​, បង់​ក្លា​ដេ​ស និង ថៃ ។ ចំណែក​គ្រាប់ពោត សម្រេចបាន ១៩៣.៩៥០ តោន បាន​នាំចេញ​ទៅកាន់​ប្រទេស​ថៃ​, កូរ៉េ និង​កោះ​តៃវ៉ាន់​, ចេក​ស្រស់ សម្រេចបាន ២៣៥.១៧១,៦៣ តោន មាន​កំណើន ២២៥,៦៩ ភាគរយ បាន​នាំចេញ​ទៅកាន់​ប្រទេស​ចិន វៀតណាម និង ជប៉ុន ។​

ផ្លែចេកពណ៌លឿង

​ដោយឡែក ផលិតផល​ក្រូចថ្លុង សម្រេចបាន ១៥.១៥០ តោន​។ ដំណាប់​ស្វាយ សម្រេចបាន ៤.៩៩៨,៦៤ តោន​, ដំឡូង​មី​ស្រស់ សម្រេចបាន ១.៧៨០.៤៩៦ តោន​, ចំណិត​ដំឡូង​មី​ក្រៀម សម្រេចបាន ១.២០២.៦៤៤,៨១ តោន​, ម្សៅដំឡូង​មី សម្រេចបាន ១២.០០២ តោន បាន​ថយចុះ ៥៦,៧២ ភាគរយ​, បាន​នាំចេញ​ទៅកាន់​ប្រទេស​ឥណ្ឌា​, ចិន​, ប៊ែ​ល​ហ្សិ​ក​, ហូ​ឡង់​, ប៉ា​គី​ស្ថាន​, ឆេ​ក​, ក្រូ​អាត និង អ៊ីតាលី និង​ម្រេច​សម្រេចបាន ៤.១២១ ,៩៥ តោន មាន​កំណើន ១២៣,៧៦ ភាគរយ​។​ល​។ ៕​/V

ផលិតផលកសិកម្ម ដែលនាំយកមក ដាក់លក់នៅទីផ្សារ
ផលិតផលកសិកម្ម ដែលនាំយកមក ដាក់លក់នៅទីផ្សារ

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...