Home ព័ត៌មានជាតិ សេដ្ឋកិច្ច ​ម្ចាស់​ឧទ្យា...

​ម្ចាស់​ឧទ្យាន​ដងព្រែក​បង្កើន​ការយកចិត្តទុកដាក់​ក្នុង​កិច្ច​បង្ការ​ការ​រាតត្បាត​ជំងឺ​កូ​វីដ​១៩

​ដោយ​បូកគោ​/​កំ​ពតៈ​ឧទ្យាន​ដងព្រែក​ជា​ផ្នែក​មួយ​នៃ​បណ្តុំ​ទេសចរណ៍​នៅ​តំបន់​ទឹកឈូ​មាន​ទីតាំង​ជាប់​ដងស្ទឹង​កំចាយ​ស្ថិត​ក្នុងភូមិ​បត់​ក្បាលដំរី​ឃុំ​ម៉ាក់​ប្រា​ង​ស្រុក​ទឹកឈូ​ខេត្តកំពត​។​ម្ចាស់​រមណីយដ្ឋាន​បែប​ច្នៃ​ប្រឌិដ្ឋ​មួយ​នេះ​បាននិងកំពុង​កែលម្អ​សោភ័ណភាព​ក៏ដូចជា​ពង្រីក​សេវាកម្ម​របស់ខ្លួន​ឱ្យ​កាន់តែ​សម្បូរបែប​ដើម្បី​ទាក់ទាញ​ភ្ញៀវទេសចរ​។


​ការយកចិត្តទុកដាក់​ចម្បង​សម្រាប់​មណ្ឌល​កម្សាន្ត​ទាំងមូល​គឺ​ការគិតគូរ​ផ្នែកអនាម័យ​សុខភាព​ភ្ញៀវ និង​ក្រុមការងារ​នា​ដំណាក់កាល​នៃ​ការ​រាតត្បាត​ជំងឺ​កូ​វីដ​១៩​នេះ​។​កញ្ញា​សុខា​តំណាងឱ្យ​ម្ចាស់​រមណីយដ្ឋាន​ឧទ្យាន​ដងព្រែក​បាន​រៀបរាប់ថាៈ​តាម​គំនិត​ជនបរទេស​ម្នាក់​ឧទ្យាន​ដងព្រែក​ត្រូវបាន​បង្កើតឡើង​កាលពី​ជាង​៥​ឆ្នាំមុន​។​ដំបូង​ឡើយ​កន្លែង​នេះ​ធ្វើឡើង​សម្រាប់​តម្រូវ​ចិត្ត​ទេសចរ​បរទេស​ដោយមាន​ការ​អុំទូក​កៃ​យ៉ាក់ ជិះ​ខ្សែ​រ៉​ត និង​ដាក់តាំង​លក់​ភេសជ្ជៈ​បន្តិចបន្តួច​ប៉ុណ្ណោះ​។

​ប៉ុន្តែ​ជាមួយនឹង​កំណើនសេដ្ឋកិច្ច​របស់​ប្រជាជន​ខ្មែរ​ដែលមាន​លទ្ធភាព​ដើរ​កម្សាន្ត​ច្រើនជាង​ជនបរទេស​អ្នកគ្រប់គ្រង​បាន​ពង្រីក​សេវាកម្ម​តាមរយៈ​ការកែសម្រួល​បច្ចេកទេស​ដោយ​បង្កើត​បន្ទប់​ទឹកជា​លក្ខ​ណៈ​ស្តងដារ​ការធ្វើ​ចំណត​យានយន្ត​កាន់តែ​ធំ​ទូលាយ​ដើម្បី​ឱ្យស្រប​នឹង​បរិមាណ​ភ្ញៀវ​តាម​ក្តី​រំពឹងទុក​នោះ​។


​តំណាង​ដដែល​បាន​បន្តថា​បន្ថែម​លើ​នេះ​ក៏មាន​ការបង្កើន​ខ្យូ​ស​អង្គុយ​ការបង្កើត​សួន​សម្រាប់​លម្ហែ​កម្សាន្ត និង​ថតរូប​អនុស្សាវរីយ៍ ស្ថាបនា​សួន​បណ្តែត​ទឹក ការបង្កើន​ទូក​កៃ​យ៉ាក់ ទា​ទឹក អូប័រ កង់​ធាក់​លើទឹក ព្រមទាំង​កន្លែង​លក់​វត្ថុ​អនុស្សាវរីយ៍​ជាច្រើន​ទៀត​។​ក្នុងអំឡុងពេល​ប៉ុន្មាន​ខែ​ចុង​ក្រោយនេះ​ចំនួន​ភ្ញៀវ​នៅតែ​កើនឡើង​ដដែល​។​

​កញ្ញា​សុខា​បាន​បញ្ជាក់ថា​ហេតុផល​ដែល​ឧទ្យាន​ដងព្រែក​អាច​រក្សា​និង​មាន​កំណើន​ភ្ញៀវ​ជា​លំដាប់​ដោយសារ​ម្ចាស់​រមណីយដ្ឋាន​អនុវត្តបាន​តាម​សេចក្តីណែនាំ​ពី​ក្រសួងសុខាភិបាល​ក៏ដូចជា​ចំណាត់ការ​របស់​រាជរ​ដ្ឋា​ភិ​បាល​ពាក់ព័ន្ធ​នឹង​ជំងឺ​កូ​វីដ​១៩​។ ជាក់ស្តែង​នៅតាម​ច្រកចូល ព្រមទាំង​បណ្តា​បន្ទប់ទឹក​ទាំងអស់​សុទ្ធ​តែមាន​ជែ​ល​និង​សាប៊ូ​សម្រាប់​លាង​សម្អាត​ដៃ​គ្រប់គ្រាន់​។​ម្យ៉ាងទៀត​កន្លែង​អង្គុយ​ក៏បាន​រៀបចំ​លក្ខណៈ​ជា​ខ្យូ​ស​ដាច់ដោយឡែក​ពីគ្នា​ទើប​ធ្វើឱ្យ​ភ្ញៀវ​មិន​ព្រួយបារម្ភ​ពី​ការឆ្លង​រាលដាល​នូវ​ជំងឺ​ដ៏​កាច​សហាវ​នោះ​។

​លោក​សយ​ស៊ី​ណុល​ប្រធាន​មន្ទីរ​ទេសចរណ៍​បាន​បញ្ជាក់ថា​ឧទ្យាន​ដងព្រែក​ជា​ចំណែក​សំខាន់​ក្នុងការ​ទាក់ទាញ​ភ្ញៀវ​ឱ្យ​ចូលមក​ខេត្តកំពត​។​ទីនោះ​មាន​លក្ខណៈ​កែច្នៃ​បានល្អ​តាម​បច្ចេកទេស​ស្តង់ដារ​ទាំង​ទីតាំង សេវាកម្ម អនាម័យ​បរិស្ថាន និង​ធានាបាន​សម្រាប់​សុវត្ថិភាព​ភ្ញៀវ​៕S/


ទីតាំងផ្សាយពាណិជ្ជកម្ម

- Advertisment -

Most Popular

រថយន្ត​វ៉ា​ជែង​ទាំង​កម្រោ...

ដោយ​៖ ប​.​ជ័យ / បន្ទាយមាន...

ក្រសួង​ប្រកាសៈ​ប្រភពដើម​ន...

ដោយៈ​មុនីរ័ត្ន​/​ភ្នំពេញៈ...

អភិបាល​រាជធានី​៖ មិន​ឱ្យម...

​ដោយ​: រ៉ា​ម៉ន / ភ្នំពេញ​...

នៅ​ក្រុង​សៀមរាប ម្ចាស់​ហា...

ដោយ​: បាយ័ន / សៀមរាប​: នៅ...