Home ព័ត៌មានជាតិ សេដ្ឋកិច្ច រដ្ឋមន្ត្រី​ក...

រដ្ឋមន្ត្រី​កសិកម្ម​ចុះ​ជួប​កសិករ​តាម​សង្វាក់​ផលិតកម្ម​មួយចំនួន​នៅ​ខេត្តកំពង់ស្ពឺ


ដោយៈជា សីហៈ/ភ្នំពេញៈដើម្បី​បង្កើន​ផលិតភាព​និង​ផលិតកម្ម​នៃ​ខ្សែរ​សង្វាក់​ផលិត​កម្ម​ស្បៀង​នៅក្នុង​ប្រទេស នា​ព្រឹក​ថ្ងៃទី​៣ ខែតុលា ឆ្នាំ​២០២០ លោក វេ​ង សាខុន រដ្ឋ​មន្ត្រី​ក្រសួងកសិកម្ម រុក្ខាប្រមាញ់ និង នេសាទ អមដំណើរ​ដោយ មន្ត្រី​ជំនាញ និង​អាជ្ញា​​ធរ​មូលដ្ឋាន បាន​អញ្ជើញ​មកជួប​សំណេះសំណាល សាកសួរ​សុខទុក្ខ និង​នាំយក​កូន​ត្រី​អណ្តែង កូន​កង្កែប និង​សម្ភារ​ចិញ្ចឹម​មួយ ចំនួន​ទៀត​មក​ចែកជូន​កសិករ​ចំនួន ៥០​គ្រួសារ ដែល​អញ្ជើញ​មកពី​បី​ស្រុក គឺ​ស្រុក​ឧដុង្គ ស្រុក​ឱ​រ៉ា​ល់ និង​ស្រុក​ថ្ពង​។​

​លោក ឈាង តុលា ប្រធាន​មន្ទីរ​កសិកម្ម រុក្ខាប្រមាញ់ និង​នេសាទ​ខេត្ត បាន​រាយ ការណ៍​​ជូន​អង្គ ពិធី​ជ្រាប​ដោយ​សង្ខេប​អំពី​ការងារ​បង្កបង្កើនផល​ជារួម ដោយឡែក​វិស័យ​វារីវប្បកម្ម​នៅ​ទូទាំង​ខេត្ត​ថា ខេត្តកំពង់ស្ពឺ​មាន​បណ្តុំ​អាជីវកម្ម​ត្រី​ចំនួន​១១ (២៧៣​គ្រួសារ​) ដោយបាន​ផ្តល់​កូន​ត្រី​ចម្រុះ​ចំនួន ១៣៦.៥០០​កូន មាន​បណ្តុំ​អាជីវកម្ម​កង្កែប ១១​កន្លែង ចំនួន​២១៦ គ្រួសារ និង​មាន​កសិករ​ចិញ្ចឹម​ត្រី​នៅក្រៅ​បណ្តុំ ៤០២​គ្រួសារ បានដាក់​កូន​ត្រី​ចម្រុះ​ចិញ្ចឹម​ចំនួន ២៥១.៣០០​ក្បាល មាន​បង្កាត់ ភ្ញាស់​កូន​ត្រី និង​កង្កែប​ជា​លក្ខណ​គ្រួសារ​ចំនួន ៤​កន្លែង ដែល​អាច​ផលិត​កូន​បាន ៧២២.០០០​កូន​។ ដោយឡែក​ក្រុមហ៊ុន សុវណ្ណ​ភូមិ ស្រុក​ភ្នំស្រួច អាច​ផលិត​កូន​បាន ១៤០.០០០​កូន​។ ដោយ​ទទួលបាន​បច្ចេកទេស​ចិញ្ចឹម​ពី​មន្ទីរ និង​រដ្ឋបាល​ជល មាន​កសិករ ១២ គ្រួសារ​កំពុង​ចិញ្ចឹម​បង្កង​អូស្ត្រាលី ដោយ​ពួកគេ​មានកូន​បង្កង ៣.៣២០​កូន និង​មាន ១​គ្រួសារ ផ្សេងទៀត​កំពុង​ចិញ្ចឹម​បង្កង​ទឹកសាប​មាន​បង្កង ៧០.០០០​កូន​។
​ក្នុងពេល​ជួប​សំណេះសំណាល លោក រដ្ឋមន្ត្រី បាន​ពាំ​នាំនូវ​ការ​ផ្តាំផ្ញើ​សាកសួរ​សុខទុក្ខ​ពី​ថ្នាក់ដឹកនាំ ជាពិសេស​គឺ​ការងារ​ផលិតកម្ម​ស្បៀង ដើម្បី​ចូលរួម​បង្កើន​ផលិតភាព​ផលិតកម្ម​ស្បៀង បង្កើត​ការងារ តាមរយ​:​ការពង្រឹង និង​ពង្រីក​សកម្មភាព​កសិក​ម្ម​នៅក្នុង​ខេត្ត​។

លោក វេ​ង សាខុន រដ្ឋ​មន្ត្រី​ក្រសួងកសិកម្ម រុក្ខាប្រមាញ់ និង នេសាទ បាន​អញ្ជើញ​នាំយក​កូន​ត្រី​អណ្តែង កូន​កង្កែប និង​សម្ភារ​ចិញ្ចឹម​មួយ ចំនួន​មក​ចែកជូន​កសិករ (រូបថតក្រសួងកសិកម្ម)

​បន្ទាប់មក លោក រដ្ឋមន្ត្រី​ក៏បាន​អញ្ជើញ​បន្តដំណើរ​មក​ពិនិត្យ​កសិដ្ឋាន​តា​អ៊ី ៦១៩ ចិញ្ចឹម​មាន់​ស្រែ នៅ​ភូមិ​សុ​ភី ឃុំ​សំ​រោងទង ស្រុក​សំរោង​ទង ដែល​កំពុងតែ​ដំណើរការ​ដោយ លោក ឡេង ស៊ី​វុទ្ធី អតីត​ពលករ​មកពី​កូរ៉េ​។
​កសិដ្ឋាន​នេះ​បានចាប់ផ្តើម​ចិញ្ចឹម​មាន់​ស្រែ​តាំងពី​ឆ្នាំ​២០១៧ ជា​បណ្តើរៗ​ដោយ​មានការ​ជ្រោមជ្រែង​ពី​មន្ទីរ និង​បទពិសោធន៍​ចិញ្ចឹម​ដែល​ទទួលបាន​ពី​ប្រទេស​កូរ៉េ កសិដ្ឋាន​មានការ​វិវឌ្ឍន៍​ជា​បន្តបន្ទាប់ បច្ចុប្បន្ន​មាន​មេ​ពូជ​ចំនួន ៣០០ ទុក​បង្កាត់ ភ្ញាស់​យក​កូន​លក់ ៤៥០០-៥០០០​រៀល​/​ក្បាល ហើយ​ក៏មាន​ចិញ្ចឹម​មាន់​សាច់​ផងដែរ​។ បច្ចុប្បន្ន​អាច​រកចំណូលបាន​ពី ១៥០០-២០០០​ដុល្លារ​/​ខែ​។

លោក វេ​ង សាខុន រដ្ឋ​មន្ត្រី​ក្រសួងកសិកម្ម រុក្ខាប្រមាញ់ និង នេសាទ បាន​អញ្ជើញ​នាំយក​កូន​ត្រី​អណ្តែង កូន​កង្កែប និង​សម្ភារ​ចិញ្ចឹម​មួយ ចំនួន​មក​ចែកជូន​កសិករ (រូបថតក្រសួងកសិកម្ម)

​ចេញពី​កសិដ្ឋាន​ចិញ្ចឹម​មាន់ លោក រដ្ឋមន្ត្រី​ក៏បាន​ឆ្លៀត​ចូល​សួរសុខទុក្ខ​សហគមន៍​កសិកម្ម​​អភិវឌ្ឍន៍​ឃុំ​រលាំងចក ដែល​នៅ​ទីនោះ​ត្រូវបាន​ស្វាគមន៍​ដោយ កញ្ញា វង្ស ចំប៉ា ប្រធាន​សហគមន៍ ។
​នៅ​ទីនោះ លោក រដ្ឋមន្ត្រី បាន​កោតសរសើរ គាំទ្រ និង​លើកទឹកចិត្ត​ឲ្យ​សហគមន៍​ខិតខំ​ប្រឹង ប្រែង​បន្ថែម ទៀត​ទាំង​លើ​អាជីវកម្ម​ធាតុ​ចូល​កសិកម្ម និង​អាជីវកម្ម​ផ្សេងៗ​ទៀត ព្រមជាមួយ​ការចិញ្ចឹម​ត្រី កង្កែប និង​មាន់​។ ចំណូល​ដែល​ទទួលបាន​ពី​ប្រភព​អាជីវកម្ម​ទាំងអស់​នឹងធ្វើ​ឲ្យ​សហគមន៍​កាន់តែ​អភិវឌ្ឍន៍​ខ្លួន​ជា​បណ្តើរៗ ក្លាយជា​សហគ្រិន​នាពេល​អនាគត​។

​ដើម្បី​ជាការ​បំពេញបន្ថែម និង​បង្កើត​ការងារ លោក​រដ្ឋមន្ត្រី​បាន​ណែនាំ​ឲ្យ​មន្ត្រី​ជំនាញ​រដ្ឋបាល​ជលផល​មក​សហការ​ដើម្បី​សិក្សា​ពី​លទ្ធភាព​បង្កើត​កន្លែង​ភ្ញាស់​កូន​ត្រី​សម្រាប់​ផ្គត់ផ្គង់​ឲ្យ​សមាជិក ដោយសារ​ភូមិសាស្ត្រ​អំណោយផល​។R

ទីតាំងផ្សាយពាណិជ្ជកម្ម

- Advertisment -

Most Popular

​ ​ហោរាសាស្ត្រ​

​ប្រចាំថ្ងៃ​ពុធ ទី២ ខែធ្ន...

អន្តេវាសិក​,​អន្តេវាសិន​,...

ដោយៈ​ដកស្រង់​ពី​វចនានុក្រ...

រដ្ឋាភិបាល​កម្ពុជា​ជួយ​ម៉...

​ដោយៈ​បាយ័ន​/​ភ្នំពេញ...

ជួសជុល​លុប​ជង្ហុក សំបុកមា...

​ដោយ​:​រ៉ា​ម៉ន​/​ភ្នំពេញ​...