Home ព័ត៌មានជាតិ សន្តិសុខ ១៥៦​ថ្ងៃៈ មនុ...

១៥៦​ថ្ងៃៈ មនុស្ស​៦៤៧​នាក់​ស្លាប់ និង​របួស​ជាង ២​ពាន់​នាក់ នៅក្នុង​គ្រោះថ្នាក់​ចរាចរណ៍​

ដោយៈ មុនី​រ័ត្ន / ភ្នំពេញៈ មនុស្ស​ចំនួន​ជាង ៦៤០ នាក់ បាន​បាត់​បង់ជីវិត និង​រងរបួស​ធ្ងន់​ស្រាល ជាង ២​ពាន់​នាក់ នៅក្នុង​គ្រោះថ្នាក់​ចរាចរណ៍ នៅ​ទូទាំងប្រទេស រយៈពេល ១៥៦ ថ្ងៃ និង​ត្រួតពិនិត្យ​ផាកពិន័យ យានយន្ត​ជាង ១៨ ម៉ឺន​គ្រឿង​។​

​លោក​ឧ​ត្ត​ម​សេនីយ៍​ឯក ឆាយ គឹម​ខឿន អ្នកនាំពាក្យ អគ្គស្នងការដ្ឋាន នគរបាលជាតិ បាន​ថ្លែងប្រាប់​រស្មី​កម្ពុជា កាលពី​ល្ងាច ថ្ងៃទី​៣ ខែតុលា​ថាៈ គ្រោះថ្នាក់​ចរាចរណ៍ រយៈពេល ១៥៦ ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​៣ ខែតុលា ឆ្នាំ​២០២០ បានកើត​ឡើង ១.២៨៦ លើក ស្លាប់​មនុស្ស ចំនួន ៦៤៧ នាក់ របួស​ចំនួន ២.០០៤ នាក់ ក្នុងនោះ​របួសធ្ងន់ ១.១៩៨ នាក់ ។​

លោក​ឧ​ត្ត​ម​សេនីយ៍​ឯក ឆាយ គឹម​ខឿន

​ដោយឡែក សម្រាប់​គ្រោះថ្នាក់​ចរាចរណ៍ នៅ​ថ្ងៃទី​៣ ខែតុលា ឆ្នាំ​២០២០ កើតឡើង​ចំនួន ១២ លើក ស្លាប់ ៤​នាក់ និង​របួស ១៥​នាក់ ក្នុងនោះ របួសស្រាល ៨ នាក់ និង​ធ្ងន់ ៧​នាក់​។​

​អ្នកនាំពាក្យ អគ្គស្នងការដ្ឋាន​នគ​របាល​ជាតិ បាន​បន្តទៀតថាៈ សម្រាប់​លទ្ធផល​រឹតបន្តឹង ការអនុវត្ត​ច្បាប់​ចរាចរណ៍​ផ្លូវគោក តាម​ស្មារតី​អនុក្រឹត្យ លេខ​៣៩ រយៈពេល ១៥៦ ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​៣ ខែតុលា ឆ្នាំ​២០២០ យានយន្ត​ដែល​ត្រូវបាន ត្រួតពិនិត្យ និង​ផាកពិន័យ សរុប​ចំនួន ១៨៣.២១៧ គ្រឿង ក្នុងនោះ​ម៉ូតូ​មាន ចំនួន ១៣៥.៥៧៤ គ្រឿង និង​រថយន្ត​មាន​ចំនួន ៤៧.៦៤៣ គ្រឿង (​រថយន្ត​តូច ៤០.៨៨៨ គ្រឿង និង​រថយន្ត​ធំ ៦.៧៥៥ គ្រឿង​)​។​

​លោក​ឧ​ត្ត​ម​សេនីយ៍​ឯក ឆាយ គឹម​ខឿន បានបញ្ជាក់​ថាៈ បទល្មើស​ភាគច្រើន សម្រាប់​ម៉ូតូ និង​រថយន្ត គឺ​អត់​ពាក់មួក​សុវត្ថិភាព ល្មើស​សញ្ញា បត់​ជែង លើស​ចំណុះ ស្រវឹង អត់​ផ្លាកលេខ ល្មើស​ល្បឿន អត់​ប័ណ្ណបើកបរ អត់​ខ្សែក្រវាត់ គ្មាន​ស្លាក​លេខ និង​និយាយ​ទូរស័ព្ទ ពេល​បើកបរ ៕/V

ករណីគ្រោះថ្នាក់ចរាចរណ៍ផ្លូវគោក
ករណីគ្រោះថ្នាក់ចរាចរណ៍ផ្លូវគោក
ករណីគ្រោះថ្នាក់ចរាចរណ៍ផ្លូវគោក
ករណីគ្រោះថ្នាក់ចរាចរណ៍ផ្លូវគោក
ករណីគ្រោះថ្នាក់ចរាចរណ៍ផ្លូវគោក

ទីតាំងផ្សាយពាណិជ្ជកម្ម

- Advertisment -

Most Popular

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...

ប្រធានាធិបតី​ប្រេ​ស៊ីល​ថា...

​ប្រែ​សម្រួល : កញ្ញា​ដា​ល...

បន្ទាប់​ពី​ម៉ាឡេស៊ី​ទិញ​វ...

​ប្រែ​សម្រួលៈ​វាសនា​/​គូ​...

រដ្ឋបាល​ខណ្ឌ​កំបូល ត្រួតព...

ដោយៈ រ៉ា​ម៉ន / ភ្នំពេញៈ ក...