Home ព័ត៌មានជាតិ សេដ្ឋកិច្ច ក្រុមការងារ​ក...

ក្រុមការងារ​ក្រសួង​ចុះ​ពិនិត្យ​និង​ជំរុញ​ការអនុវត្ត​វិធាន​សុវត្ថិភាព​និង​ពង្រឹងគុណភាព​សេវាកម្ម​ទេសចរណ៍

ដោយៈ មូល​សម្បត្តិ / ភ្នំពេញៈ ដើម្បី​ធានា​ឱ្យបាន​ថា ការគ្រប់គ្រង តាម​បណ្តា​គោលដៅ តំបន់​ទេសចរណ៍​នានា ប្រកបដោយ​សុវត្ថិភាព និង​ការទទួលខុសត្រូវ ផ្តល់​ការទុកចិត្ត ដល់​ភ្ញៀវទេសចរ ក៏ដូចជា ជួយ​ជំរុញ​ដល់​កំណើន ចលនា​ទេសចរណ៍​ក្នុងស្រុក ប្រកបដោយ​និរន្តរភាព ក្រសួងទេសចរណ៍ បានដាក់​ចេញ​នូវ វិធាន​សុវត្ថិភាព​ទេសចរណ៍ ក្នុងនោះ ក៏មាន​ការបង្កើត​ក្រុមការងារ ទទួលបន្ទុក​ចុះ​ត្រួតពិនិត្យ និង​ជំរុញ​ការអនុវត្ត វិធាន​សុវត្ថិភាព តាម​បណ្តា​រាជធានី​-​ខេត្ត ទូទាំងប្រទេស​។​

​ថ្មីៗ​នេះ អនុ​ក្រុមការងារ ទទួលបន្ទុក ចុះ​ជំរុញ​ការអនុវត្ត វិធាន​សុវត្ថិភាព​ទេសចរណ៍ តាម​គោលដៅ​ខេត្ត តំបន់ឆ្នេរ​សមុទ្រ និង​ខេត្ត​ភូមិ​ភា​ឦ​សាន្ត ដឹកនាំ​ដោយ​លោក នី ផល្លី អនុរដ្ឋលេខាធិការ តំណាង​លោក​បណ្ឌិត ថោង ខុន រដ្ឋមន្ត្រី​ក្រសួងទេសចរណ៍ បាន​សហការ​ជាមួយ រដ្ឋបាលខេត្ត ដែលមាន​មន្ទីរ​ទេសចរណ៍ ជា​សេនាធិការ ដោយមាន​ការចូលរួម​ពី រដ្ឋបាល​ក្រុង​-​ស្រុក មន្ទីរ​អង្គភាព​ជំនាញ និង​អាជ្ញាធរ​មូលដ្ឋាន។ .

ចុះ​ជំរុញ​ការអនុវត្ត វិធាន​សុវត្ថិភាព​ទេសចរណ៍ ទាំង​៦ នៅតាម​បណ្តា​គោលដៅ​ខេត្ត ទាំង​៨ រួមមានៈ តំបន់ឆ្នេរ (​ទិសនិរតី​) ខេត្តកំពត ខេត្ត​កែប ខេត្តកោះកុង និង​ខេត្ត​ព្រះសីហនុ (​ចាប់ពី​ថ្ងៃទី​៧ ដល់​ថ្ងៃទី​៩ ខែកញ្ញា ឆ្នាំ​២០២០) និង​តំបន់​អេកូ​ទេសចរណ៍ (​ទិស​ឦ​សាន្ត​) ខេត្តក្រចេះ ខេត្តស្ទឹងត្រែង ខេត្តរតនគិរី និង​ខេត្តមណ្ឌលគិរី (​ចាប់ពី​ថ្ងៃទី​២៩ ខែកញ្ញា ដល់​ថ្ងៃទី​២ ខែតុលា ឆ្នាំ​២០២០) ។​

​ជា​លទ្ធផល​នៃ​ការចុះ​ត្រួតពិនិត្យ លោក នី ផល្លី បានកត់សម្គាល់​ឃើញថាៈ រដ្ឋបាលខេត្ត ក្នុង​គោលដៅ​ខាងលើ ដែលមាន​អង្គភាព​មន្ទីរជំនាញ ជា​សេនាធិការ មានការ​យកចិត្តទុកដាក់​ខ្ពស់ និង​ខិតខំ​ប្រឹងប្រែង យ៉ាងសកម្ម ក្នុងការ​ផ្សព្វផ្សាយ អប់រំ និង​ជំរុញ​ដល់ មូលដ្ឋាន​អាជីវកម្ម​ទេសចរណ៍ ក្នុង​ដែន​សមត្ថកិច្ច​របស់ខ្លួន ក្នុងការ​អនុវត្ត​វិធាន​សុវត្ថិភាព​ទេសចរណ៍ ឲ្យ​បាន​ខ្ជាប់ខ្ជួន​។ ក្នុងនោះ ក៏​សង្កេតឃើញថា មូលដ្ឋាន​អាជីវកម្ម មួយចំនួន បាន​យល់ និង​អនុវត្តតាម​បាន​ត្រឹមត្រូវ ធ្វើ​ឲ្យ​មាន​ទំនុកចិត្ត ពី​ភ្ញៀវទេសចរ​។​

​ទន្ទឹមនេះ លោក​អនុរដ្ឋលេខាធិការ បាន​សំណូមពរ ឲ្យ​មានការ​ចូលរួម​ពី ប្រជាពលរដ្ឋ ឲ្យ​បាន​ផុលផុស និង​បានស្នើ​ដល់ មូលដ្ឋាន​អាជីវកម្ម និង​រមណីយដ្ឋាន ទេសចរណ៍​ទាំងអស់ បន្ត​អនុវត្ត​វិធាន សុវត្ថិភាព​ទេសចរណ៍ ឲ្យ​បានជា​ប្រចាំ ដើម្បី​ចូលរួម​ទប់ស្កាត់ ការរីក​រាលដាល នៃ​ជំងឺ​កូ​វីដ ១៩ ។​

​គួរ​បញ្ជាក់ដែរថា វិធាន​សុវត្ថិភាព​ទេសចរណ៍​ទាំង ៦ ត្រូវបាន​ដាក់ចេញ ដោយ​ក្រសួងទេសចរណ៍ ដើម្បី​ទប់ស្កាត់​ជំងឺ​កូ​វីដ ១៩ នោះ រួមមាន​៖ ១. វិធាន​សុវត្ថិភាព​ទេសចរណ៍ សម្រាប់​សេវាកម្ម ស្នាក់នៅ​ទេសចរណ៍​។ ២. វិធាន​សុវត្ថិភាព​ទេសចរណ៍ សម្រាប់​សេវាកម្ម ភោជនីយដ្ឋាន និង​អាហារ​ដ្ឋា​ន​ទេសចរណ៍​។ ៣. វិធាន​សុវត្ថិភាព​ទេសចរណ៍ សម្រាប់​សេវាកម្ម ដឹកជញ្ជូន​ទេសចរណ៍​ផ្លូវគោក​។ ៤. វិធាន​សុ​វត្តិភាព​ទេសចរណ៍ សម្រាប់​សេវាកម្ម ដឹក​ជ​ញ្ចូ​ន​ទេសចរណ៍​ផ្លូវទឹក​។ ៥. វិធាន​សុ​វត្តិភាព​ទេសចរណ៍ សម្រាប់​សេវាកម្ម រមណីយដ្ឋាន​ទេសចរណ៍​។ ៦. វិធាន​សុ​វត្តិភាព​ទេសចរណ៍ សម្រាប់​សហគមន៍​ទេសចរណ៍​៕S/​

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ស ខេង ៖ ម...

ដោយ​:​មុនី​រ័ត្ន / ភ្នំពេ...

សាលាឧទ្ធរណ៍​ទាត់ចោល​ពាក្យ...

​ប្រែ​សម្រួល : កញ្ញា​ដា​ល...

សួន​បណ្ដុំ​សហគ្រាស​ធុន​តូ...

​ដោយៈ ញ៉ែម សុផល​/​ភ្នំពេញ...

អ៊ីរ៉ង់​ចោទ​អ៊ីស្រាអែល​ថា...

​ប្រែ​សម្រួល : កញ្ញា​ដា​ល...