ក្រសួងបរិស្ថាននិងក្រុមអ្នកសារព័ត៌មានចុះស្វែងយល់ការងារគ្រប់គ្រងដែនជម្រកសត្វព្រៃកែវសីមា ខេត្តមណ្ឌលគិរី

ដោយ៖ដេប៉ូ/ភ្នំពេញ ៖ លោកនេត្រ ភក្ត្រាមន្រ្តីនាំពាក្យនិងជារដ្ឋលេខាធិការក្រសួងបរិស្ថានបានដឹកនាំក្រុមអ្នកសារព័ត៌មានមកពីចំនួន១៨ស្ថាប័ន ចុះពិនិត្យនិងស្វែងយល់ការងារ​រៀប​​ចំគម្រោងរេដបូកនិងការគ្រប់គ្រងដែនជម្រកសត្វព្រៃកែវសីមាស្ថិតក្នុងភូមិសាស្ត្រខេត្តមណ្ឌលគិរី ពីថ្ងៃទី ៣-៥ ខែតុលា ឆ្នាំ ២០២០ ។

បើយោងតាមការឱ្យដឹងរបស់លោកនេត្រភក្ត្រាបានឱ្យដឹងថា គោលបំណងនៃដំណើរទស្សនកិច្ចចុះពិនិត្យនិងស្វែងយល់នៅដែនជម្រកសត្វព្រៃកែវសីមាស្ថិតក្នុងភូមិសាស្ត្រខេត្តមណ្ឌលគិរីធ្វើឡើងដើម្បី ស្វែង​យល់​និង​ជួយលើកកម្ពស់ការយល់ដឹងសាធារណៈអំពី ការរៀប ចំនិងការអនុវត្តគម្រោងកែវសីមា រេដបូក ការការពារនិងអភិរក្សធនធានជីវៈចម្រុះ និងកម្មវិធី លើកកម្ពស់ជីវភាពរស់នៅរបស់​ប្រជា​សហគមន៍​មូល​​ដ្ឋាន។

លោកបានបញ្ជាក់ដែរថាក្នុងដំណើរទស្សនកិច្ចនេះ គណៈប្រតិភូនឹងអញ្ជើញជួបជាមួយតំណាងមន្ទីរបរិស្ថានខេត្ត​មណ្ឌលគិរី នាយកដែនជម្រកសត្វព្រៃកែវសីមា មន្ត្រីឧទ្យានុរក្ស និងតំណាងអង្គការ WCS នៅឯស្នាក់ការ​ដែនជម្រក​សត្វព្រៃកែវសីមា ដើម្បីពិភាក្សាអំពីការអនុវត្តគម្រោងរេដបូក និងយន្តការពាក់ព័ន្ធនឹងការបែងចែកផល​ប្រយោជន៍ដល់សហគមន៍។

បន្ទាប់ពីនោះគណៈប្រតិភូបានបន្តដំណើរទៅកាន់សហគមន៍តំបន់ការពារ​ធម្មជាតិស្រែព្រះស្ថិតក្នុងឃុំស្រែព្រះ ស្រុកកែវសីមា ជំរំសត្វទោចថ្ពាល់លឿងស្ថិតក្នុងភូមិអណ្តូងក្រឡឹង​និងរមណីយដ្ឋានទឹកធ្លាក់«លែងអង»និង«លែងឃិន»ស្ថិតក្នុងស្រុកអូររាំង ដើម្បីជួបសំណេះសំណាល​ជា​មួយសហគ្រាសសហគមន៍កែច្នៃឫស្សីរបស់សហគមន៍តំបន់ការពារធម្មជាតិស្រែព្រះ ក្រុមកសិករផលិត​ស្រូវមិត្តភាព​សង្គ្រោះសត្វព្រៃ (អាប៊ីស រ៉ាយស៍) ក្រុមសហគមន៍ទេសចរណ៍ធម្មជាតិ និងពិនិត្យមើល​សមិទ្ធិ​ផល​​មួយចំនួន​​ដែលសហគមន៍អនុវត្តនិងសម្រេចបានក្រោមគម្រោងរេដបូក ដូចជា ប្រព័ន្ធផ្គត់ផ្គង់​ទឹកស្អាតថ្នាក់ភូមិ រោងប្រជុំ​សហគមន៍ អណ្តូងស្នប់ និងស្ពានឆ្លងកាត់ភូមិ។

លោកស្រី Veena Reddy នាយកបេសកកម្មទី​ភ្នាក់ងារជំនួយអាមេរិក (USAID) ប្រចាំកម្ពុជា បានកត់​សម្គាល់ថា «ការអនុវត្តគម្រោងរេដបូកប្រកបដោយជោគជ័យនឹងផ្តល់អត្ថប្រយោជន៍រួមដល់សហគមន៍ ធម្មជាតិ និងសេដ្ឋកិច្ច។ គម្រោងនេះអាចជួយការពារនិងអភិរក្សប្រភេទសត្វសំខាន់ៗដែលជិតផុតពូជ ធនធានជីវៈចម្រុះ និងគម្របព្រៃឈើ។ វាក៏អាចជួយអភិរក្សវប្បធម៌នៅក្នុងតំបន់ផងដែរ៊”។

ព្រមជាមួយគ្នានេះលោក កែន សេរីរដ្ឋានាយកអង្គការ WCS ប្រចាំនៅកម្ពុជាបានឱ្យដឹងថា “ដោយមានការគាំទ្រ​ជា បន្តបន្ទាប់ពីម្ចាស់ជំនួយរបស់យើង អង្គការWCS​សម្រេចបានសមិទ្ធិផលការងារអភិរក្សយ៉ាងច្រើនគួរ​ឱ្យ កត់សម្គាល់ក្នុងរយៈពេលប៉ុន្មានឆ្នាំថ្មីៗនេះ។

គួរបញ្ជាក់ថាគម្រោងរេដបូកគឺជាយន្តការអន្តរជាតិមួយនៃអនុសញ្ញាក្របខណ្ឌសហប្រជាជាតិ ស្តីពីការប្រែប្រួលអាកាសធាតុ ក្នុងការកាត់បន្ថយបំភាយឧស្ម័នផ្ទះកញ្ចក់ដែលបណ្តាលមកពីការបាត់បង់ និង រេចរិលព្រៃឈើ។កម្មវិធីនេះបានកំពុងចូលរួមលើការងារចម្បងចំនួន២គឺការពារព្រៃឈើឱ្យគង់វង្សនិងជួយឱ្យសហគមន៍ក្នុងតំបន់និងក្បែរតំបន់ការពារធម្មជាតិ មានជីវភាពល្អប្រសើរ៕

ទីតាំងផ្សាយពាណិជ្ជកម្ម

- Advertisment -

Most Popular

ឃាត់ខ្លួន​ជនសង្ស័យ ពីរ​នា...

ដោយៈ ទេ​ពក​ង្រី / កំពង់ឆ្...

EL : Arsenal, Leicester, ...

​ប្រែ​សម្រួល : កញ្ញា​ដា...

ម៉ាឡេស៊ី​តំរូវអោយ​និយោជក​...

​ប្រែ​សម្រួលៈ​វាសនា​/​គូ​...

សមត្ថកិច្ច ឃាត់ខ្លួន​ជនសង...

ដោយៈ ស​រិ​ទ្ធ / ភ្នំពេញៈ ...