Home ព័ត៌មានជាតិ សន្តិសុខ អ្នកបើក​ឡាន​ប...

អ្នកបើក​ឡាន​បុក​មនុស្ស​មួយក្រុម​ដែល​ឈរលើ​ផ្លូវ​សាធារណៈ ត្រូវបាន​ឃាត់ខ្លួន​ហើយ​

ដោយ​៖​ឆាយា​នាថ / កំពង់ឆ្នាំង​៖ សមត្ថកិច្ច​ខេត្តកំពង់ឆ្នាំង នៅ​ថ្ងៃទី​៤ ខែតុលា ឆ្នាំ​២០២០ នេះ បាន​ឃាត់ខ្លួន​បុរស​ម្នាក់​ដែល​បើកឡាន​ដឹក​ដី​បុក​មនុស្ស​មួយក្រុម​ដែល​ឈរ​ជជែក​គ្នា​លើផ្លូវ​សាធារណៈ បណ្តាលអោយ​រងរបួស​ធ្ងន់ធ្ងរ ដោយ​អនុវត្តតាម​បទបញ្ជា​របស់​ព្រះរាជអាជ្ញា​អម​សាលាដំបូង​ខេត្តកំពង់ឆ្នាំង ។​

​ការឃាត់ខ្លួន​ជនបង្ក​នាពេលនេះ ក្រោយ​វីដេអូ​ឃ្លី​ប​បាន​បែកធ្លាយ កាលពី​ថ្ងៃទី​៣ ខែតុលា ឆ្នាំ​២០២០ ម្សិលមិញ​នេះ ខណៈ​គ្រោះថ្នាក់​ចរាចរណ៍​នេះ បាន​កើតឡើង​តាំងពី​ថ្ងៃទី​២៦ ខែកញ្ញា ឆ្នាំ​២០២០ មកម្ល៉េះ នៅ​ចំណុច​ភូមិ​ថ្មី ឃុំ​ពា​នី ស្រុក​កំពង់ត្រឡាច ខេត្តកំពង់ឆ្នាំង ។​

​លោក​ឧ​ត្ត​ម​សេនីយ៍​ត្រី កេ​ត យ៉ុង ស្នងការរង​ទទួល​ផែន​ចរាចរណ៍​នៃ​ស្នងការដ្ឋាន​នគរបាល​ខេត្តកំពង់ឆ្នាំង ថ្លែងថា អ្នកបើកបរ​រថយន្ត​ដឹក​ដី​ឈ្មោះ វើក វ​ន្នី ភេទ​ប្រុស អាយុ​២៩​ឆ្នាំ រស់នៅ​ភូមិ​ស្ទឹង ឃុំ​ពា​នី ស្រុក​កំពង់ត្រឡាច ខេត្តកំពង់ឆ្នាំង​។​

​ក្រោយ​កើតហេតុ​ភាគី​ទាំងសងខាង​មិនបាន​ប្តឹង​មក​សមត្ថកិច្ច​ទេ ពោលគឺ​បានធ្វើការ​សម្របសម្រួល​គ្នា​ក្រៅ​ប្រព័ន្ធ​ច្បាប់ ខណៈ​ខាង​រថយន្ត​ចេញ​សំណង​សង​ថ្លៃ​ព្យាបាល​ទៅឱ្យ​ខាង​យុវជន ដែល​ឈរ​ជជែក​គ្នា​នៅលើ​ផ្លូវ​សាធារណៈ​។​

​ប៉ុន្តែ​ក្រោយ​កើតហេតុ​៣​ថ្ងៃ​ទើប​ខាង​ភាគី​រថយន្ត​យកលុយ​ទាំងនោះ​ដែល​ជួយ​ចេញសង​ថ្លៃ​ព្យាបាល មក​ប្រគល់​សមត្ថកិច្ច​នៅ​ស្រុក​អធិការ​កំពង់ត្រឡាច ឱ្យជួយ​ដឹងឮ តែ​ក្រោយមក​ក៏​មានការ​បង្ហោះ​នៅលើ​បណ្ដាញ​សង្គម​ហ្វេ​ស​ប៊ុ​ក ទើប​បង្កឱ្យមាន​ការភ្ញាក់ផ្អើល តែម្តង​។​

​បន្ទាប់មក សមត្ថកិច្ច​នគរបាល​ចរាចរណ៍ បានធ្វើការ​ស៊ើបអង្កេត​ជាបន្ទាន់​ទៅលើ​ករណីនេះ ដោយមាន​ការសម្របសម្រួល​ពី​លោក​ព្រះរាជអាជ្ញា​អម​សាលាដំបូង​ខេត្តកំពង់ឆ្នាំង និង ឃាត់ខ្លួន​ជនបង្ក​បាន​នៅ​ថ្ងៃទី​៤ ខែតុលា ឆ្នាំ​២០២០ នេះ ។​

​តាមរយៈ​ឃ្លី​ប​វីដេអូ​ថត​បាន​ដោយ​ចៃដន្យ បង្ហាញថា មនុស្ស​មួយក្រុម​បាន​ឈរ​ជជែក​គ្នា​លេង​លើផ្លូវ​សាធារណៈ ខណៈ​ឡាន​ដឹក​ដី​បាន​ស៊ី​ផ្លេ​ខ្លាំង តែ​យុវជន​រងគ្រោះ​មិនបាន​គេចចេញ​ទេ ទើប​បង្ក​ជា​គ្រោះថ្នាក់​ចរាចរណ៍ តែម្តង ៕ ល​

ទីតាំងផ្សាយពាណិជ្ជកម្ម

- Advertisment -

Most Popular

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...

ប្រកាស​មុខតំណែង​អភិបាល អភ...

ដោយៈ ទេព មង្គល / បាត់ដំបង...

​សម្តេច​តេ​ជោ ហ៊ុន សែន សម...

​ដោយៈ​តារា​រិ​ទ្ធ​/​ភ្នំព...

ចាប់ឆ្នោត​លេខ​ឡូ​តិ៍​ក្បា...

ដោយៈ ទេព មង្គល / កោះកុងៈ ...