Home កីឡា Manchester Un...

Manchester United ដាក់សំណើ​ផ្ទេរ​ខ្សែប្រយុទ្ធ អូ​ស្មា​ណេ ដេ​ម​បេ​ឡេ

ក្លឹប Manchester United ត្រូវបាន​ប្រាប់ថា ពួកគេ​អាច​ចុះ​កិច្ចព្រមព្រៀង​ផ្ទេរ​កីឡាករ អូ​ស្មា​ណេ ដេ​ម​បេ​ឡេ (Ousmane Dembele) របស់​ក្លឹប Barcelona បាន​ក្នុងតម្លៃ​ធូរ​ថ្លៃ​គឺ​៦០​លាន​ផោន​។​
​ ​
​ក្លឹប Red Devils សង្ឃឹមថា នឹងធ្វើ​ការងារ​ខ្លះ​មុនពេល​រដូវ​កាល​ទិញដូរ​បិទទ្វារ​ហើយ​កំពុង​សម្លឹង រកមើល​ជម្រើស​សម្រាប់​ជំនួស​ខ្សែបម្រើ ចា​ឌិន សាន​ចូ (Jadon Sancho) របស់​ក្លឹប Dortmund ។​
​ ​
​ក្លឹប United បាន​បង្វែរ​ចំណាប់អារម្មណ៍​របស់​ពួកគេ​មកលើ​កីឡាករ ដេ​ម​បេ​ឡេ ដែល​បាន​ចុះ កិច្ចសន្យា​លេង​ជាមួយ​ក្លឹប Barcelona ក្នុងតម្លៃ​១៣៥​លាន​ផោន​កាលពី​ឆ្នាំ​២០១៧​។​
​ ​
​នៅពេលនេះ​មាន​ព័ត៌មាន​ថា ក្លឹប Barcelona មានបំណង​លក់​កីឡាករ​វ័យ​២៣​ឆ្នាំ​រូបនេះ ហើយនឹង​ទទួលយក​តម្លៃ​ត្រឹម​៧៥​លាន​ផោន​ដែល​ពួកគេ​បាន​ចំណាយ​ក្នុងការ​នាំយក​កីឡាករ​រូបនេះ​នាពេល​កន្លងមក​។​
​ ​
​ដេ​ម​បេ​ឡេ និង​ក្លឹប Barcelona គឺ​ដូចគ្នា​មិន​ចង់​លេង​ខ្ចី​ជើង​នៅ​ពហុកីឡាដ្ឋាន Old Trafford ទេ​។ លោក រ៉ូ​ណា​ល់ ខូ​មែន (Ronald Koeman) គ្រូបង្វឹក​របស់​ក្លឹប Barcelona នៅតែ​សង្ឃឹមថា នឹង​ទទួលបាន​មូល​និ​ធី ដើម្បី​សម្រេច​កិច្ចព្រមព្រៀង​ផ្ទេរ​កីឡាករ ម៉េ​ម​ហ្វី​ស ឌី​ផេ​យ (Memphis Depay) របស់​ក្លឹប Lyon ។​
​ ​
​លោក ខូ​មែន ស្គាល់ ឌី​ផេ​យ ច្បាស់ អំឡុងពេល​លោក​នៅ​ដឹកនាំ​ក្រុម​ជម្រើសជាតិ​ហូ​ឡង់ ហើយ​បានចាត់ទុក​កីឡាករ​វ័យ​២៦​ឆ្នាំ​រូបនេះ​គឺជា​គោលដៅ​ផ្ទេរ​របស់លោក​៕ ប្រែ​សម្រួល​: ពិសិដ្ឋ​

កីឡាករ អូ​ស្មា​ណេ ដេ​ម​បេ​ឡេ (Ousmane Dembele)

ទីតាំងផ្សាយពាណិជ្ជកម្ម

- Advertisment -

Most Popular

រាជរដ្ឋាភិបាលថៃប្រកាសបន្ត...

ស្ថានទូតនៃព្រះរាជាណាចក្រក...

ប្រជាពលរដ្ឋ​ទីទ័លក្រ​នៅ​ក...

​ដោយ​: រិ​ទ្ធិ​សែន / ខេត្...

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...

ប្រកាស​បិទ​ផ្សាយ ឯកសារ​កា...

​ដោយៈ ទេ​ពក​ង្រី / កំពង់ឆ...