Home ព័ត៌មានជាតិ វប្បធម៌ លើក​កម្ពស់​កិ...

លើក​កម្ពស់​កិច្ចសហប្រតិបត្តិការ​ជា​យុទ្ធសាស្ត្រ​លើ​វិស័យ​បរិស្ថាន​សម្រាប់​ឆ្នាំ​ខាងមុខ​

ដោយ​: មូល​សម្បត្តិ / ភ្នំពេញ​: ថ្ងៃទី​៥ ខែតុលា ឆ្នាំ​២០២០ លោក​សៅ សុភាព រដ្ឋលេខាធិការ និង​ជា​ប្រធាន​ក្រុមការងារ​សហប្រតិបត្តិ​ការ ផែនការ និង​ថវិកា បាន​អញ្ជើញ​ជា​អធិបតី​និង​ដឹកនាំ​សិក្ខាសាលា​ស្តីពី «​ការលើកកម្ពស់​កិច្ចសហប្រតិបត្តិការ​ជា​យុទ្ធសាស្ត្រ​ក្នុង​វិស័យ​បរិស្ថាន​» ដែល​ប្រព្រឹត្តទៅ​នៅ​សាលប្រជុំ ម៉ុក ម៉ារ៉េត ទីស្តីការក្រសួង ដោយមាន​ការអញ្ជើញ​ចូលរួម​ពី​ថ្នាក់ដឹកនាំ និង​តំណាង​អង្គភាព​ចំណុះ​ក្រសួងបរិស្ថាន តំណាង​ក្រសួង ស្ថាប័ន អង្គការ ដៃគូ​អភិវឌ្ឍន៍ វិស័យ​ឯកជន និង​អ្នកពាក់ព័ន្ធ ដែលមាន​សមាសភាព​ស​រុ​ប ប្រមាណ​២០០​នាក់​។

សិក្ខាសាលា​នេះ​ត្រូវបាន​រៀបចំឡើង​ក្នុង​គោលបំណង​បន្ស៊ី​គម្រោង​កម្មវិធី​ក៏ដូចជា​ការគាំទ្រ​ពី​ដៃគូ​អភិវឌ្ឍន៍​ជាមួយ​គោលនយោបាយ និង​យុទ្ធសាស្ត្រ​របស់​រាជរដ្ឋាភិបាល​លើ​វិស័យ​បរិស្ថាន និង​ការអភិវឌ្ឍន៍​ដោយ​ចីរភាព និង​ពិភាក្សា​លើ​បញ្ហា​ប្រឈម ដំណោះស្រាយ ព្រមទាំង​ប្រមូល​ធាតុ​ចូល​ជា​មូលដ្ឋាន​សម្រាប់​កំណត់​ទិសដៅ​ការងារ​បន្ត​។

​លោក​សៅ សុភាព បាន​មានមតិ​ស្វាគមន៍​និង​បាន​រំលេច​ពី​សេចក្តីថ្លែងការណ៍​ទីក្រុង​ប៉ារីស៍​នៅ​ឆ្នាំ​២០០៥ ស្តីពី​ប្រសិទ្ធិភាព​នៃ​ការ​ផ្តល់ជំនួយ ដែល​ក្នុង​នោះបាន​សង្កត់ធ្ងន់​ទៅលើ ។​(១).​ភាពជា​ម្ចាស់​ក្នុងនាម​ជា​ប្រទេស​សាមី ។ (២).​ការ​បន្ស៊ី​គោលបំណង​ក៏ដូចជា​ផែនការ​សកម្មភាព​រប​ស់​គម្រោង​ទៅនឹង​គោលនយោបាយ​របស់​រាជ​រដ្ឋាភិបាល​។ (៣).​ការសហការ​ដោយ​រលូន​និង​មាន​លក្ខណៈ​សុ​ខុ​ដុម​រម​នីយកម្ម ។ ៤).​ការផ្តោត​សំខាន់​លើ​លទ្ធផល និង​(៥).​ការទទួលខុសត្រូវ​រួម​រវាង​ម្ចាស់ជំនួយ​និង​ដៃគូ​។ បន្ថែម​ពី​នោះ ឯកឧត្តម​រដ្ឋលេខាធិកា​រ​ក៏បាន​លើកឡើង​ពី​កិច្ចសហប្រតិបត្តិការ​លើ​វិស័យ​បរិស្ថាន​កន្លងមក​រវាង​អង្គការ ដៃគូ​អភិវឌ្ឍន៍​ជាមួយ​ក្រសួងបរិស្ថាន ក្នុង​ការពារ​និង​អភិរក្ស​ធនធានធម្មជាតិ ជីវៈចម្រុះ ការ​ជម្រុញ​ការកំណត់​និង​បែងចែក​តំបន់​គ្រប់គ្រង ការបោះ​បង្គោលព្រំ និង​ចុះបញ្ជី​ដី​រដ្ឋ ការរៀបចំ​គោលនយោបាយ​យុទ្ធសាស្ត្រ​ក្នុងការ​គ្រប់គ្រង​កិច្ច​គាំពារ​បរិស្ថាន ជាពិសេស​ការគ្រប់គ្រង​សំណល់​រឹង និង​សំណល់​ប្លា​ស្ទិ​ក ដោយ​ប្រកាន់​លើ​គោលជំហរ​ភាពជា​ម្ចាស់​ក្នុងនាម​ជា​ប្រទេស​សាមី ហើយ​អង្គការ​ដៃគូ​ដើរតួនាទី​ជា​ដៃគូ​សហការ​ក្នុងការ​ផ្តល់ជំនួយ​បច្ចេកទេស ការគាំទ្រ​ថវិកា ដោយ​អនុលោម​តាម​គោលនយោបាយ យុទ្ធសាស្ត្រ ផែនការ​សកម្មភាព​ដែល​បាន​ដាក់ចេញ​។

​ក្នុងឱកាស​នោះ លោក​បាន​ស្នើឱ្យ​អង្គសិក្ខាសាលា​ចូលរួម​ពិភាក្សា ផ្តល់យោបល់ ដើម្បី​ស្វែងរក​បញ្ហា​ប្រឈម​និង​ដំណោះស្រាយ ដើម្បី​ជា​មូលដ្ឋាន​ក្នុង​ការលើក​ទិសដៅ​ការងារ​បន្ត​ដោយ​គិតគូរ​ពី​គោលបំណង​របស់​អង្គការ ដៃគូ​អភិវឌ្ឍន៍ និង​ការងារ​អាទិភាព​របស់​រាជរដ្ឋាភិបាល​ជាពិសេស​ក្រសួងបរិស្ថាន​ផងដែរ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ ហ៊ុន សែន កោត...

ដោយ​៖​តារា​រិ​ទ្ធ​/​ភ្នំព...

កម្ពុជា​ប្រារព្ធ​ទី​វា​ជា...

ដោយ​: ជា​សីហៈ​/​កំពង់ចាម​...

​សម្តេច​តេ​ជោ ហ៊ុន សែន នឹ...

ដោយ​: មុនី​រ័ត្ន​/​ភ្នំពេ...

អនុប្រធាន​ទី​២​នៃ​រដ្ឋសភា...

ដោយៈ​សុផល​/​ភ្នំពេញៈ​លោកស...