Home ព័ត៌មានជាតិ នយោបាយ ព្រះករុណា​និង...

ព្រះករុណា​និង​សម្តេចម៉ែ​យាង​ពិនិត្យ​ព្រះរាជសុខភាព​នៅ​ទីក្រុង​ប៉េកាំង​

ដោយ​:​តារា​រិ​ទ្ធ​/​ភ្នំពេញៈព្រះករុណា​ព្រះបាទ​សម្តេច​ព្រះបរមនាថ ​នរោត្តម​សីហមុនី​ព្រះមហាក្សត្រ​នៃ​ព្រះរាជាណាចក្រ​កម្ពុជា ​និង​សម្តេចព្រះ​មហាក្សត្រី​ ព្រះវររាជ​មាតា​ជាតិខ្មែរ​ នរោត្តម ​មុនិនាថ​ សីហនុ​ នៃ​ព្រះរាជាណាចក្រ​កម្ពុ​ជា នា​ព្រឹក​ថ្ងៃទី​៦ ​ខែតុលា​នេះ​បាន​យាង​ទៅកាន់​រដ្ឋធានី​ប៉េកាំង​ សាធារណរដ្ឋ​ប្រជាមានិត​ចិន​ ដើម្បី​ពិនិត្យ​ព្រះរាជសុខភាព ​តប​តាម​ការយាង​ពី​សំណាក់​ក្រុមគ្រូពេទ្យ​ចិន​។​

ព្រះករុណា​និង​សម្តេចម៉ែ​យាង​ពិនិត្យ​ព្រះរាជសុខភាព​នៅ​ទីក្រុង​ប៉េកាំង​


​អញ្ជើញ​ជូន​ព្រះរាជដំណើរ​ដល់​អាកាសយានដ្ឋាន​អន្តរជាតិ​ភ្នំពេញ​ មាន​សម្តេច​វិបុល​សេនា​ភក្តី សាយ ឈុំ ប្រធានព្រឹទ្ធសភា​,​សម្តេច​អគ្គ​មហា​ពញា​ចក្រី ហេង សំរិន ប្រធានរដ្ឋសភា​,​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​,​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ,​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​ និង​ថ្នាក់ដឹកនាំ​ជាន់ខ្ពស់​នៃ​រាជរដ្ឋាភិបាល​ជាច្រើនរូប ​រួម រាជវង្សានុវង្ស​ផង​។​

ក្នុង​ព្រះរាជសារ​ជូន​ប្រជានុរាស្ត្រ​ខ្មែរ​កាលពី​ថ្ងៃទី​៥​ខែតុលា ព្រះករុណា បាន​មាន​ព្រះរាជបន្ទូល​ថា​”​ទូលព្រះបង្គំ​ខ្ញុំព្រះករុណា ខ្ញុំ​និង​សម្តេចព្រះ​មហាក្សត្រី​ ព្រះវររាជ​មាតា​ជាតិខ្មែរ​ជាទីគោរព​សក្ការៈ​ដ៏​ខ្ពង់ខ្ពស់​បំផុត​សូម​ព្រះអនុញ្ញាត​និង​អនុញ្ញាត​ពី​សម្តេចព្រះ​មហាសង្ឃរាជ​ទាំងពីរ​គណៈ​និង ព្រះ​ថេរានុត្ថេរៈ​គ្រប់​ព្រះអង្គ សម្តេច ឯកឧត្តម ​លោក​ជំទាវ អស់លោក ​លោកស្រី លោកតា​លោកយាយ​ មាមីង​បងប្អូន​ក្មួយៗ​ជនរួមជាតិ​ទាំងអស់​ អវត្តមាន​ពី​មាតុប្រទេស​ចាប់ពី​ថ្ងៃទី​៦​ខែតុលា​ឆ្នាំ​២០២០​តទៅ ធ្វើដំណើរ​ទៅទីក្រុង​ប៉េកាំង​នៃ​សាធារណរដ្ឋ​ប្រជាមានិត​ចិន​ដើម្បី​ពិនិត្យ​ព្យាបាល​ព្រះរាជសុខភាព​” ។


ព្រះរាជសារ​បន្តថា​”​នៅក្នុង​ឱកាស​អវត្តមាន​របស់​ទូលព្រះបង្គំ ខ្ញុំព្រះករុណា ខ្ញុំ​ខាងលើនេះ​ សម្តេច​វិបុល​សេនា​ភក្តី សាយ ឈុំ ប្រធានព្រឹទ្ធសភា​នឹង​ទទួល ជួយ​ទូលព្រះបង្គំ ខ្ញុំព្រះករុណា ខ្ញុំ ក្នុងឋានៈ​ជា​ប្រមុខរដ្ឋស្តីទី​នៃ​ព្រះរាជាណាចក្រ​កម្ពុជា​”​។


គួររំលឹកថា​ ព្រះករុណា​និង​សម្តេចម៉ែ​តែងតែ​យាង​ពិនិត្យ​ព្រះរាជសុខភាព​ជា​ទៀងទាត់​ក្នុង​រយៈពេល ៦​ខែម្តង​តាម​វេជ្ជបញ្ជា​របស់​ក្រុមគ្រូពេទ្យ​ចិន ។ កាលពី​ថ្ងៃទី​១ ខែ មេសា ឆ្នាំ ២០២០ ព្រះករុណា​និង​សម្តេចម៉ែ បាន​យាង​ទៅកាន់​ទីក្រុង​ប៉េកាំង​ប្រទេស​ចិន​ដើម្បី​ពិនិត្យ​ព្រះរាជសុខភាព និង​បាន​យាង​និវត្តន៍វិញ​នៅ​រសៀល​ថ្ងៃទី ១១ ខែឧសភា​៕​សរន/HA

សម្តេចភក្តីសាយឈុំ ជូនព្រះរាជដំណើរព្រះករុណា​និង​សម្តេចម៉ែ​ យាង​ពិនិត្យ​ព្រះរាជសុខភាព​នៅ​ទីក្រុង​ប៉េកាំង​
សម្តេចចក្រីហេង សំរិន ជូនព្រះរាជដំណើរព្រះករុណា​និង​សម្តេចម៉ែ​ យាង​ពិនិត្យ​ព្រះរាជសុខភាព​នៅ​ទីក្រុង​ប៉េកាំង​
សម្តេចតេជោហ៊ុនសែន ជូនព្រះរាជដំណើរព្រះករុណា​និង​សម្តេចម៉ែ​ យាង​ពិនិត្យ​ព្រះរាជសុខភាព​នៅ​ទីក្រុង​ប៉េកាំង​

ទីតាំងផ្សាយពាណិជ្ជកម្ម

- Advertisment -

Most Popular

សមាគមគ្រូពេទ្យស្ម័គ្រចិត្...

   ដោយ:មុនីរ័ត្ន/ភ្នំពេញ:...

មេបញ្ជាការកងទ័ពជើងគោកឧបត្...

ដោយ: មុនីរ័ត្ន,សុខុម/ភ្...

រកឃើញអ្នកប៉ះពាល់ផ្ទាល់និង...

ដោយ:មុនីរ៍ត្ន/ភ្នំពេញៈ ...

មេ​តំ​ហ្វេ​តា​មីន ៣០ កញ្ច...

​ដោយៈ ទេព មង្គល​- គ្រញូង ...