Home ព័ត៌មានជាតិ នយោបាយ ដោយសារ​កូ​វីដ...

ដោយសារ​កូ​វីដៈ​គណបក្ស​ប្រជាជន​កម្ពុជា​សម្រេច​ផ្អាក​ការរៀបចំ​សន្និបាត​គណៈកម្មាធិការ​កណ្ដាល​និង​ខួប​អនុស្សាវរីយ៍​លើក​ទី​៤២ នៃ​ទិវា​ជ័យជម្នះ​៧​មករា​

ដោយៈ​បូព៌​ព្រឹក្ស​/​ភ្នំពេញៈ គណបក្ស​ប្រជាជន​កម្ពុជា​បាន​ជូនដំណឹង​ដល់​ថ្នាក់ដឹកនាំ និង​សមាជិក​គ្រប់​ជាន់ថ្នាក់​របស់ខ្លួន អំពី​ការផ្អាក​ការរៀបចំ​សន្និបាត​គណៈកម្មាធិការ​កណ្ដាល​នៅ​ដំណាច់ឆ្នាំ​២០២០ និង​ខួប​អនុស្សាវរីយ៍​លើក​ទី​៤២ នៃ​ទិវា​ជ័យជម្នះ​៧​មករា ដោយសារតែ​ការរីក​រាលដាល​ជំងឺ​កូ​វីដ​១៩​។​


​យោងតាម​លិខិត​របស់​គណ​បក្ស​ប្រជាជន​កម្ពុជា ចុះហត្ថលេខា​ដោយ សម្តេច​វិបុល​សេនា​ភក្តី សាយ ឈុំ អនុប្រធាន​គណបក្ស​ប្រជាជន​កម្ពុជា​នៅ​ថ្ងៃទី​៦​ខែតុលា​បាន​បញ្ជាក់ថា ​យោង​សភាពការណ៍​នៃ​ជំងឺ​កូ​វីដ​១៩​ ដែល​នៅតែ​បន្ត​ឆ្លង​រាលដាល​ខ្លាំង​ពាសពេញ​ពិភពលោក និង​តម្រូវឱ្យ​កម្ពុជា ត្រូវតែ​បន្ត​ប្រុងប្រយ័ត្ន​ក្នុង​កម្រិត​ខ្ពស់​ជាប់​ជានិច្ច​នោះ​។ គណៈអចិន្ត្រៃយ៍​នៃ​គណៈកម្មាធិការ​កណ្ដាល សូម​ជម្រាបជូន “​សម្ដេច ឯកឧត្តម លោកជំទាវ សមាជិក សមាជិកា គណៈកម្មាធិការ​កណ្ដាល​ទាំងអស់ និង​គណៈកម្មាធិការ​គ​ណ​បក្ស​គ្រប់​ថ្នាក់​” បាន​ជ្រាប​អំពី​ការ​ប្រារព្ធ​ពិធី​ប្រចាំឆ្នាំ​របស់​គណបក្ស នៅពេល​ខាងមុខនេះ​ដូចតទៅ​៖


១.​ត្រូវ​ផ្អាក​ការធ្វើ​សន្និបាត​គណៈកម្មាធិការ​កណ្ដាល​នៅ​ដំណាច់ឆ្នាំ​២០២០​នេះ​សិន​។​ប៉ុន្តែ​នៅពេលនោះ​គណៈអចិន្ត្រៃយ៍​នៃ​គណៈកម្មាធិការ​កណ្ដាល នឹង​រៀបចំ​នូវ​ឯកសារ “​របាយការណ៍​ស្ដីពី​សភាពការណ៍​ទូទៅ និង​ការងារ​គណបក្ស​ឆ្នាំ​២០២០ និង​ទិសដៅ​ភារកិច្ច​ឆ្នាំ​២០២១”​ដើម្បី​ផ្ញើជូន​ឱ្យ​គណបក្ស គ្រប់​ថ្នាក់ ចាត់ចែង រៀនសូត្រ​ផ្សព្វផ្សាយ​និង​អនុវត្ត​ភារកិច្ច​បន្តទៀត​។​


២. ត្រូវ​ផ្អាក​ការជួបប្រជុំ​មី​ទ្ទិញ ដើម្បី​អបអរសាទរ​ខួប​អនុស្សាវរីយ៍​លើក​ទី​៤២ នៃ​ទិវា​ជ័យជម្នះ​៧​មករា ដែល​ត្រូវធ្វើ​នៅ​ថ្ងៃទី​៧ ខែមករា ឆ្នាំ​២០២១​នេះ​សិន​។ ប៉ុន្តែ​គ្រប់​ថ្នាក់​ត្រូវ​ត្រៀម​រៀបចំ​ឡូហ្គោ បដា ពាក្យស្លោក​។​ល​។ ដាក់តាំង​នៅតាម​ទីតាំង​នានា ដើម្បី​អបអរសាទរ​ដូចដែល​ធ្លាប់បាន​ធ្វើជា​រៀងរាល់ឆ្នាំ​កន្លងមក​៕​សរន​/Ha

ទីតាំងផ្សាយពាណិជ្ជកម្ម

- Advertisment -

Most Popular

តុលាការ​ឃុំខ្លួន អ្នកម៉ៅក...

ដោយៈ ស​រិ​ទ្ធ / ភ្នំពេញៈ ...

ក្នុង​ខែវិច្ឆិកា ពេល​រដូវ...

ដោយៈ គ្រញូង / បាត់ដំបងៈ ថ...

ព្រឹត្តិការណ៍​សហគមន៍ ២៨ វ...

​ដោយៈ ស​រិ​ទ្ធ / ភ្នំពេញៈ...

ពលរដ្ឋ​ខេត្តតាកែវ សម្រុក​...

ដោយៈ តាកែវ / តាកែវៈ ប្រជា...