Home ប្លែកៗ ឃើញ​ស្លុតចិត្...

ឃើញ​ស្លុតចិត្ត​! វីរុស​កូវី​ដ​-១៩ ធ្វើឱ្យ​រដ្ឋធានី​របស់​ឥណ្ឌា ក្លាយជា​ទីក្រុង​ខ្មោច​ក្នុង​ឆ្នាំ​២០២០

​នៅ​ចុង​ខែ​មីនា ឆ្នាំ​២០២០ ទីក្រុង​នានា​ក្នុង​ប្រទេស​ឥណ្ឌា បាន​ជាប់គាំង​ដោយ​នឹកស្មាន​មិន​ដល់​នៅ​ពេល​ប្រទេស​នេះ​ត្រូវ​បាន​បិទ​ទាំងស្រុង​ដើម្បី​ទប់ស្កាត់​ការរីក​រាលដាល​នៃ​វីរុស​ផ្លូវដង្ហើម​​ប្រភេទ​ថ្មី​ដ៏​កាច​សាហា​វកូវី​ដ​-១៩​។

​កន្លែងធ្វើការ​នានា​ត្រូវបាន​បិទ សេវា​ដឹកជញ្ជូន​សាធារណៈ​ត្រូវបាន​បញ្ឈប់ ហើយ​មនុស្សម្នា​ទាំងចាស់ទាំងក្មេង​សម្ងំ​នៅតែ​ផ្ទះ​ដោយ​ការភ័យខ្លាច​។ ប៉ុន្តែ​នារី​ថតរូប​ដ៏​អង់អាច​ម្នាក់​ឈ្មោះ ប៉ា​រុល សា​ម៉ា (Parul Sharma) ហាក់​មិន​ខ្លាច​អ្វី​ទាំងអស់ ហើយ​បាន​ចេញដំណើរ​ផ្សងព្រេង​គ្រប់​ច្រកល្ហក​ទូ​ទាំង​រដ្ឋធានី​ញូវដេលី ដែល​មាន​សភាព​ស្ងាត់ជ្រងំ​ដូច​ទីក្រុង​ខ្មោច​ដ៏​គួរឱ្យខ្លាច ដើម្បី​ថតរូប​ទុកជា​ឯកសារ​។​

​ក្នុង​បទ​សម្ភាសន៍​តាម​ទូរស័ព្ទ នារី​ជា​អ្នក​ថតរូប​ខាងលើនេះ​បាន​ប្រាប់​ទូរទស្សន៍ BBC ថា “​ការបិទ​ប្រទេស​ពិតជា​វេទនាណាស់​សម្រាប់​មនុស្ស​ដែល​មិន​ចេះ​នៅ​ស្ងៀម​ដូច​ខ្ញុំ​។ ជាធម្មតា​ខ្ញុំ​មិន​ចូល​សម្ងំ​​នៅតែ​ក្នុងផ្ទះ​នោះទេ ដូច្នេះ​ហើយ​ខ្ញុំ​ក៏​សម្រេចចិត្ត​ចេញ​ក្រៅ​”​។

​ពីដំបូង គ្រួសារ​របស់​នាង​មិន​អនុញ្ញាត​ឱ្យ​នាង​យក​ជីវិត​ទៅ​ប្រថុយ​នឹង​គ្រោះថ្នាក់​នៅ​ខាងក្រៅ​ឡើយ ព្រោះ​ខ្លាច​ឆ្លង​វីរុស​កូវី​ដ​-១៩ ហើយ​បាន​សួរ​នាំ​នាង​ជាច្រើន​ទម្រាំ​តែ​អនុញ្ញាតឱ្យ​នាង​ចេញ​ក្រៅ​។ ទីបំផុត នៅ​ថ្ងៃទី​៣ ខែ​មេសា ពោលគឺ​ប្រហែល​មួយ​សប្តាហ៍​បន្ទាប់ពី​នាយករដ្ឋមន្ត្រី ណា​រ៉េ​នដ្រា ម៉ូ​ឌី ប្រកាស​បិទ​ប្រទេស​តាម​កញ្ចក់​ទូរទស្សន៍ នាង សា​ម៉ា ក៏​បាន​ចាប់ផ្ដើម​ចេញ​ផ្សងព្រេង​នៅ​ខាងក្រៅ​។

​រយៈពេល​ប៉ុន្មាន​ខែ​បន្ទាប់ នាង​បាន​បើករថយន្ត​ជុំវិញ​ទីក្រុង​ប្រដាប់​កាមេរ៉ា និង​លិខិត​ចេញចូល​ដ៏​ចាំបាច់​សម្រាប់​អនុញ្ញាតឱ្យ​អ្នកសារព័ត៌មាន មន្ត្រី​និង​អ្នក​ធ្វើ​ការសំខាន់ៗ​ដូច​ជា​វេជ្ជបណ្ឌិត​និងគិ​​លា​នុប​ដ្ឋា​យិការ ធ្វើដំណើរ​ចេញចូល​ដោយ​សេរី​។​

​នាង​និយាយថា “​ខ្ញុំ​មើល​ឃើញ​តែ​ពពក និង​បក្សាបក្សី ប៉ុន្តែ​មិនឃើញ​មាន​មនុស្សម្នា​ឡើយ​។ វា​ជា​ទិដ្ឋភាព​ដ៏​សែន​តក់ស្លុត ប៉ុន្តក៏​ស្រស់​ស្អាត​ណាស់ដែរ​”​។​

​ជា​លទ្ធផល រូបថត​ដ៏​គួរឱ្យ​ចាប់អារម្មណ៍​ប្រមាណ ១០.០០០ សន្លឹក​ដែល​បង្ហាញ​ពី​ទិដ្ឋភាព​គួរ​ឱ្យ​ខ្លោចចិត្ត​ក្នុង​ប្រវត្តិសាស្ត្រ​របស់​ក្រុង​ញូវដេលី បាន​ក្លាយ​ជា​ផ្នែក​មួយ​នៃ​សៀវភៅ​ថ្មី​របស់​នាង​មាន​ចំណងជើង​ថា Dialects Of Silence ដែល​បោះពុម្ពផ្សាយ​ដោយ​រោង​ពុម្ព Roli Books​។​

​ស្នាដៃ​សៀវភៅ​របស់​នាង​ដែល​បាន​ចេញផ្សាយ​នៅ​ដំណាច់​ខែ​សីហា កន្លងទៅ ទទួលបាន​ការចាប់អារម្មណ​៦ និង​ការកោតសរសើរ​យ៉ាង​ខ្លាំង​៕​ប្រែ​សម្រួលៈ​ខុម​/sn

ទីតាំងផ្សាយពាណិជ្ជកម្ម

- Advertisment -

Most Popular