Home កីឡា Arsenal សម្រេ...

Arsenal សម្រេច​កិច្ចព្រមព្រៀង​ផ្ទេរ​ខ្សែបម្រើ ថូ​ម៉ាស ប៉ា​តេ

​ក្លឹប Arsenal បានសម្រេច​កិច្ចព្រមព្រៀង​ផ្ទេរ​ខ្សែបម្រើ ថូ​ម៉ាស ប៉ា​តេ (Thomas Partey) ពី​ក្លឹប Atletico Madrid ។​
​ ​
​ក្លឹប Arsenal បាន​ឆ្លើយតប​នឹង​តម្លៃ​ទិញ​ផ្តាច់ ៤៥​លាន​ផោន​សម្រាប់​កីឡាករ​អន្តរជាតិ​សញ្ជាតិ ហ្គា​ណា​រូបនេះ​។ ប៉ា​តេ នឹង​ពាក់អាវ​លេខ​១៨​។ ប៉ា​តេ ត្រូវបាន​គេ​ភ្ជាប់​ទៅនឹង​កិច្ចព្រមព្រៀង ផ្ទេរ​មក​ក្លឹប Arsenal ពេញ​មួយ​រដូវ​កាល ហើយ​នៅពេលនេះ​កិច្ចព្រមព្រៀង​ទទួលបាន ផ្លែផ្កា​ហើយ​។​
​ ​
​សេចក្តីថ្លែងការណ៍​រប​ស់​ក្លឹប Atletico Madrid អះអាងថា ក្របខណ្ឌ La Liga បាន​ជូនដំណឹង​មក ខ្លួន​ថា កញ្ចប់​ថវិកា​ទិញ​ផ្តាច់​សម្រាប់​កីឡាករ ថូ​ម៉ាស ប៉ា​តេ ត្រូវបាន​បង់​៣២​នាទី​មុនពេល រដូវ​កាល​ទិញដូរ​បិទទ្វារ​។ ប៉ា​តេ វ័យ​២៧​ឆ្នាំ​បាន​ចូលរួម​ជាមួយ​ក្រុម​កាំភ្លើង​ធំ​ក្នុង​កិច្ចសន្យា លេង​រយៈពេល​៤​ឆ្នាំ​។​
​ ​
​គ្រូបង្វឹក​បង្គោល​លោក មី​គែល អា​តេ​តា (Mikel Arteta) បាន​និយាយថា “​យើង​បាន​តាមឃ្លាំមើល ថូ​ម៉ាស មួយរយៈ​មកហើយ ដូច្នេះ​នៅពេលនេះ យើង​សប្បាយចិត្ត​ក្នុងការ​បន្ថែម​កីឡាករ ដែលមាន​គុណភាព​ខ្ពស់​ម្នាក់ទៀត​ទៅក្នុង​ក្រុម​។ គាត់​គឺជា​ខ្សែបម្រើ​ឆ្នើម​ដែលមាន​ថាមពល​។​
​ ​
​លោក អា​តេ​តា បន្តថា “​ប៉ា​តេ នឹង​នាំយក​បទពិសោធ​ច្រើន​ពី​ក្លឹប​កំពូលៗ​ដែល​ធ្លាប់​ប្រជែង​នៅ ក្នុង​កម្រិត​ខ្ពស់​នៅ​ក្របខណ្ឌ La Liga និង​ក្របខណ្ឌ Champions League ច្រើន​មកហើយ​។​
​ ​
​លោក អេ​ឌូ (Edu) ប្រធាន​បច្ចេកទេស​រប​ស់​ក្លឹប Arsenal បាន​អះអាងថា “​ថូ​ម៉ាស មាន​ឥរិយាបថ ស័ក្តិ​សមជា​កីឡាករ​កំពូល​សម្រាប់ Arsenal​។ គាត់​គឺជា​មេដឹកនាំ​ម្នាក់​នៅក្នុង​និង​ក្រៅ​ទីលាន ប្រកួត​ហើយ​ជា​កីឡាករ​ដែល​ក្លឹប​ជាច្រើន​ចង់បាន​។ យើង​បាន​វិភាគ​ទម្រង់​លេង​របស់គាត់​យ៉ាង ដិតដល់​មួយរយៈ​ចុងក្រោយ​នេះ​”៕ ប្រែ​សម្រួល​: ពិសិដ្ឋ​

ខ្សែបម្រើ ថូ​ម៉ាស ប៉ា​តេ (Thomas Partey)

ទីតាំងផ្សាយពាណិជ្ជកម្ម

- Advertisment -

Most Popular