Home ព័ត៌មានអន្តរជាតិ គៀ​ហ្គី​ស្ថាន...

គៀ​ហ្គី​ស្ថាន​លុបចោល​លទ្ធផល​បោះឆ្នោត បន្ទាប់​ពី​បាតុករ​ប្រឆាំង​ចូល​កាន់កាប់​អាគារ​រដ្ឋ​

គណៈកម្មាធិការ​រៀបចំ​ការបោះឆ្នោត​គៀ​ហ្គី​ស្ថាន កាលពី​ថ្ងៃ​អង្គារ​ទី​០៦​តុលា បាន​ប្រកាស​ទុក​ជា​មោឃៈ​លទ្ធផល​នៃ​ការបោះឆ្នោត​សភាកាល​ពី​ចុង​សប្តាហ៍ បន្ទាប់​ពី​ផ្ទុះ​ការតវ៉ា​ប្រឆាំង​ធំៗ​នៅក្នុង​រដ្ឋធានី​​ប៊ី​សកេក​និង​ទីក្រុង​ដទៃ​ទៀត នៅ​ពេល​ពួក​អ្នកគាំទ្រ​ក្រុមប្រឆាំង​បាន​ចូល​កាន់កាប់​អាគារ​រដ្ឋ​កាលពី​រំលង​អាធ្រាត​និង​ទាមទារ​អោយ​ធ្វើការ​បោះឆ្នោត​សា​ឡើងវិញ​។​

​មាន​សេចក្តីរាយការណ៍​ថា មនុស្ស​រាប់រយ​នាក់​បាន​រង​របួស​និង​ម្នាក់​បាន​ស្លាប់​ដោយ​ការប៉ះទង្គិច​រវាង​បាតុករ​និង​កម្លាំង​សមត្ថកិច្ច​។​

​ការសំរេចចិត្ត​លុបចោល​លទ្ធផល​ឆ្នោត​ត្រូវបាន​ធ្វើឡើង​ដើម្បី​កុំអោយ​មាន​ភាព​តានតឹង​នៅក្នុង​ប្រទេស នេះ​បើ​តាម​ប្រធាន​គណៈកម្មាធិការ​រៀបចំ​ការបោះឆ្នោត​ប្រាប់​ទីភ្នាក់ងារ​សារព័ត៌មាន​Interfax​។​

​ការប្រឆាំង​តវ៉ា​មហាជន​នៅ​រដ្ឋធានី ប៊ី​សកេក និង​ទីក្រុង​ដទៃទៀត បាន​ផ្ទុះឡើង​ក្រោយ​អាជ្ញាធរ​បាន​ប្រកាស​លទ្ធ​ផល​ជំហាន​ដំបូង​ពី​ការបោះឆ្នោត​កាលពី​ថ្ងៃអាទិត្យ ដោយ​សម្លេង​គាំទ្រ​ភាគច្រើន​បាន​​ទៅ​គណបក្ស​២​ដែល​គាំទ្រ​រដ្ឋាភិបាល និង​ចំពេល​មាន​របាយការណ៍​អំពី​ការ​រទិញ​សន្លឹកឆ្នោត​និង​ការរំលោភ​នានា​។​

​ដោយយោង​តាម​របាយការណ៍​របស់​ក្រសួង​សុខាភិបាល Interfax​បាន​បាន​និយាយថា មនុស្ស​ប្រមាណ​៥៩០​នាក់​បាន​រងរបួស នៅក្នុង​ការ​ប៉ះទង្គិច​ជាមួយ​ប៉ូលិស និង​មនុស្ស​ម្នាក់​បាន​ស្លាប់​។​

​ការបង្ក្រាប​ដ៏​ហិង្សា​មិន​អាច​ទប់ស្កាត់​ចលាចល​បានទេ ហើយ​នៅពេល​យប់​ពួក​បាតុករ​បាន​សំរុកចូល​បរិវេណ​អាគារ​រដ្ឋ ដែល​រួម​មាន​សភា​និង​ការិយាល័យ​ប្រធានាធិបតី​។​អ្នកគាំទ្រ​ក្រុមប្រឆាំង​ក៏​កាន់កាប់​​សាលាក្រុង​ក្នុង​រដ្ឋធានី​ផងដែរ​។​

​បាតុករ​មួយក្រុម​ទៀត​បាន​ធ្វើដំណើរ​ទៅកាន់​គណៈកម្មាធិការ​សន្តិសុខ​ជាតិ​របស់​គៀ​ហ្គី​ស្ថាន ដើម្បី​ទាមទារ​អោយ​ដោះលែង​អតីត​ប្រធានាធិបតី អាល់​ម៉ា​បេក អា​តាម​បាយេ​វ ដែល​ត្រូវបាន​ចោទប្រកាន់​​និង​កាត់ទោស​ដាក់គុក​ជា​ង​១០​ឆ្នាំ​ចំពោះ​ការប្រព្រឹត្ត​អំពើ​ពុករលួយ​។​

​ពួក​មន្ត្រី​សន្តិសុខ​បាន​ដោះលែង​លោក​អា​តាម​បាយេ​វ​ក្រោយ​ការចរចា​ជាមួយ​បាតុ​ក​រ​។​

​ក្នុងពេល​ជាមួយគ្នា សមាជិក​បក្ស​ប្រឆាំង​ជា​ច្រើន​បានប្រកាស​ផែនការ​បណ្តេញ​លោក​ប្រធានាធិបតី ហ្ស៊ី​ន​បេ​កូវ និង​បង្កើត​រដ្ឋាភិបាល​ថ្មី​មួយ​៕​ប្រែ​សម្រួល​៖​វាសនា

​បាតុករ​ប្រឆាំង​រាប់​ម៉ឺន​នាក់​ចេញ​តវ៉ា​និង​ប្រព្រឹត្ត​ហិង្សា​នៅ​រដ្ឋធានី​របស់គៀ​ហ្គី​ស្ថាននិង​ទីក្រុង​ដទៃទៀ​ត ក្រោយ​ការប្រកាស​លទ្ធផល​ឆ្នោត​ដែល​នាំ​ដល់​ការប៉ះទង្គិច​បង្ក​របួស​មនុស្ស​ជិត​៦០០​នាក់​

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...