Home ព័ត៌មានជាតិ សន្តិសុខ ​ឆែកឆេរ​២​លើក...

​ឆែកឆេរ​២​លើក​រកឃើញ​ថ្នាំញៀន​ជាច្រើន​កញ្ចប់​ដែល​លាក់​ក្នុង​បន្ទប់​ជួល​

ដោយៈ​សាត​ចាន់​បុត្រ​/​មណ្ឌលគិរីៈ​រយៈពេល​ប៉ុន្មាន​ថ្ងៃ​ក្រោយពី​ការចាប់ខ្លួន​ជនសង្ស័យ​ប្រុស​ស្រី​រក្សាទុក​នូវ​ថ្នាំញៀន​២០​កញ្ចប់​តូចធំ​។​សមត្ថកិច្ច​បាន​នាំ​ជនសង្ស័យ​ទាំងពីរ​នាក់មក​បន្ត​ឆែកឆេរ​ក្នុង​បន្ទប់​ជួល​ដដែល​ជា​លើក​ទី​២​។​ក្នុងនោះ​សមត្ថកិច្ច​បាន​រកឃើញ​វត្ថុតាង​ជា​គ្រឿងញៀន​មាន​សណ្ឋាន​ដដែល​ចំនួន​២​កញ្ចប់​បន្ថែមទៀត​។​
​លោក​កាន់​ពេញ​អធិការនគរបាល​ក្រុង​សែន​មនោ​រម្យ​បានឱ្យដឹង​នៅ​រសៀល​ថ្ងៃ​៧​ខែតុលា​ឆ្នាំ​២០២០​នេះ​ថាៈ​នៅវេលា​ម៉ោង​ប្រមាណ​១០​ថ្ងៃនេះ​កម្លាំង​ផ្នែក​ជំនាញ​ប្រឆាំង​គ្រឿងញៀន​បាន​សហការ​ជាមួយ​កម្លាំង​នគរបាល​ក្រុង​សែន​មនោ​រម្យ​និង​នគរបាល​ប៉ុស្ដិ៍​រដ្ឋបាល​ស្ពាន​មានជ័យ​។​

​ក្នុង​បន្ត​កិច្ច​តាម​ចាប់​បទល្មើស​នេះ​ដឹកនាំ​សម្របសម្រួល​ដោយ​លោក​ម៉ម​វ៉ាន់ដា​ព្រះរាជ​អ​ជ្ញា​រង​អម​សាលាដំបូង​ខេត្តមណ្ឌលគិរី​បាន​ចុះ​អនុវត្តន៍​ដីកា​បង្គាប់​ឱ្យ​ឆែកឆេរ​លំនៅស្ថាន​និង​ដីកា​បង្គាប់​ឱ្យ​នាំ​ជន​ត្រូវ​ចោទ​មក​ធ្វើការ​ឆែកឆេរ​លំនៅស្ថាន​(​ផ្ទះជួល​)​។​ក្នុង​សំណុំរឿង​របស់​ជន​ត្រូវ​ចោទ​ឈ្មោះ​ដា​រី និង​ឈ្មោះ ជា ផា​លី​ណែ​ត​នៅ​ចំណុច​បន្ទប់​ជួល ស្ថិតក្នុង​ភូមិ​ចំការ​តែ សង្កាត់​ស្ពាន​មាន​ជ​យ័ ក្រុង​សែន​មនោ​រម្យ ខេត្តមណ្ឌលគិរី ។​

លោក​អធិការ​បាន​បន្តថាៈ​លទ្ធផល​នៃ​ការឆែកឆេរ​ជា​លើក​ទី​២​បាន​រកឃើញ​សារធាតុ​សង្ស័យថា​ជាមួយ​សារធាតុ​ញៀន​មាន​សណ្ឋាន​ជា​ក្រាម​ពណ៌​ស​ថ្លា​ចំនួន​២​កញ្ចប់​ស្មើនឹង​២០៥,៤០​ក្រាម​នៅក្នុង​កូន​ធុងបាស់​។​បាន​ដកហូត​វត្ថុតាង​រួមមាន​៖១.​សារធាតុ​សង្ស័យថា​ជាមួយ​សារធាតុ​ញៀន​មាន​សណ្ឋាន​ជា​ក្រាម​ពណ៌​ស​ថ្លា ចំនួន​២​កញ្ចប់​ស្មើនឹង​២០៥,៤០​ក្រាម (​ថ្លឹង​រួច​)២.​កូន​ធុងបាស់ ចំនួន​១​គ្រឿង​។​

​គួររំលឹកថា​កាលពី​ថ្ងៃទី​៣០​ខែកញ្ញា​កន្លងទៅ​សមត្ថកិច្ច​បាន​ចុះ​អនុវត្តន៍​ឆែកឆេរ​និង​ចាប់ខ្លួន​ជនសង្ស័យ​ឈ្មោះ​ដា​រី និង​ឈ្មោះ ជា ផា​លី​ណែ​ត ក្នុង​បន្ទប់​ជួល​និង​ដកហូត​គ្រឿងញៀន​ចំនួន​២០​កញ្ចប់ ម្តង​រួចមកហើយ​៕S/​

ទីតាំងផ្សាយពាណិជ្ជកម្ម

- Advertisment -



Most Popular