Home ព័ត៌មានអន្តរជាតិ កម្មករ​និង​និ...

កម្មករ​និង​និស្សិត​ឥណ្ឌូនេស៊ី​ធ្វើ​បាតុកម្ម​ប្រឆាំង​ច្បាប់​ការងារ​

​កម្មករ​និង​និស្សិត​រាប់ពាន់​នាក់​បាន​ចេញ​មក​តវ៉ា​នៅ​ទូទាំង​ប្រទេស​ឥណ្ឌូនេស៊ី​កាលពី​ថ្ងៃ​ព្រហស្បតិ៍​ទី​០៨​តុលា ដើម្បី​ប្រឆាំង​នឹង​ច្បាប់​ការងារ​ថ្មី​មួយ​ដែល​ពួកគេ​និយាយ​នឹងធ្វើ​បំផ្លាញ​សិទ្ធិ​ការងារ ហើយ​​ប៉ះពាល់​បរិស្ថាន​។​

«​ច្បាប់​បង្កើត​ការងារ​»​នេះ​ត្រូវបាន​សភា​អនុម័ត​កាលពី​ថ្ងៃ​ចន្ទ ហើយ​គេ​គេ​រំពឹងថា​វា​នឹង​ផ្លាស់ប្តូរ​ប្រព័ន្ធ​ការងារ​ឥណ្ឌូនេស៊ី​ធំដុំ ព្រមទាំង​ការគ្រប់គ្រង​ប្រភព​ធនធានធម្មជាតិ​របស់​ឥណ្ឌូនេស៊ី​។​វា​បាន​ធ្វើ​​វិសោធនកម្ម​ច្បាប់​៧៩​កាលពីមុន និង​មានបំណង​ធ្វើអោយ​ប្រសើរឡើង​ប្រសិទ្ធភាព​ការិយាធិបតេយ្យ នៅក្នុង​ផ្នែក​នៃ​កិច្ចខិតខំ​របស់​រដ្ឋបាល​លោក​ប្រធានាធិបតី ចូកូ វី​ដូ​ដូ ដើម្បី​ទាក់ទាញ​ការវិនិយោ​​គ​ច្រើន​ឡើង​មក​ក្នុងប្រទេស​។​

​ពួក​បាតុករ​និយាយថា ច្បាប់​នេះ​នឹង​ប៉ះពាល់​ដល់​កម្មករ ដោយសារ​តែ​វា​នឹង​កាត់បន្ថយ​ប្រាក់​បញ្ចប់​ការងារ ដកចេញ​ការ​កំហិត​លើ​ហត្ថ​ពលកម្ម​របស់​កម្ម​ករប​រទេស បង្កើន​ការប្រើ​កម្លាំង​ពលកម្ម​ជំនាញ​​មកពី​ក្រៅ​ប្រទេស និង​កែប្រែ​ប្រាក់​ឈ្នួល​ប្រចាំ​ខែ​មក​ជា​ប្រាក់​ម៉ោង​។​

​ប៉ូលិស​នៅ​ក្នុង​រដ្ឋធា​នីហ្សាការ​តា បាន​រារាំង​ក្រុម​កម្មករ​ដែល​ជួបជុំ​នៅ​មុខ​សភា ហើយ​ពួកគេ​បាន​ឃាត់ខ្លួន​សិស្ស​វិទ្យាល័យ​ប្រមាណ​២០០​នាក់​ដែល​ប៉ុនប៉ង​ចូល​ទៅ​ដល់​បរិវេណ​សភា​ដើម្បី​តវ៉ា​ប្រឆាំង​។​​ទោះជា​យ៉ាងណា និសិត្ស​សកលវិទ្យាល័យ​និងក​ម្មក​ររាប់ពាន់​នាក់​បាន​ចូលរួម​នៅក្នុង​មហា​បាតុកម្ម​នៅ​មុខ​សភា និង​វិមាន​ប្រធានាធិបតី​កាលពី​ថ្ងៃ​ព្រហស្បតិ៍ នាំ​អោយ​អាជ្ញាធរ​បិទផ្លូវ​ឆ្ពោះទៅកាន់​អា​​គា​រទាំង​ពីរ​នៅ​កណ្តាល​ក្រុង​ហ្សា​ការតា​។​

​ការជួបជុំ​តវ៉ា​ស្រដៀង​គ្នា​ក៏​ត្រូវបាន​គេ​ឃើញ​មាន​នៅ​ក្រុង​បាន​ឌុ​ង ដោយ​មាន​ការប៉ះទង្គិច​រវាង​និស្សិត​និង​ប៉ូលិស​ផង​ចាប់តាំងពី​ថ្ងៃ​អង្គារ​នៅពេល​ប៉ូលិស​ព្យាយាម​បំបែកហ្វូង​បាតុកម្ម​ដោយ​ការបាញ់​​ឧស្ម័ន​ហៀរ​ទឹកភ្នែក​និង​បាញ់​ទឹក​។​

​ការប្រឆាំង​តវ៉ា​ក៏​ផ្ទុះ​ឡើង​នៅ​ទីក្រុង​របស់​ឥណ្ឌូនេស៊ី​ដទៃទៀត​កាលពី​ថ្ងៃ​ព្រហស្បតិ៍ រួមមាន ក្រុង​យ៉ុក​យ៉ា​ការតា , មេ​ដាន ,​ប៉ាឡេ​មបាង​និង​ម៉ា​កាសសា​។​

​ឥណ្ឌូនេស៊ី ដែល​ជា​ប្រទេស​មាន​សេដ្ឋកិច្ច​ធំ​បំផុត​នៅ​អាស៊ីអាគ្នេយ៍ ចង់​ទាក់ទាញ​វិនិយោគិន​បរទេស​ជា​ខ្លាំង ដើម្បី​ធ្វើ​ជា​ឃ្នាស់​នៃ​កំណើនសេដ្ឋកិច្ច នៅក្នុង​ប្រជាជាតិ​មួយ​ដែល​ប្រជាពលរដ្ឋ​ជិត​ពាក់កណ្តាល​​ក្នុងចំណោម​ពលរដ្ឋ​សរុប​២៧០​លាន​នាក់​ជា​មនុស្ស​វ័យក្មេង​ពេញកម្លាំង គឺ​ក្រោម​អាយុ​៣០​ឆ្នាំ​៕​ប្រែ​សម្រួល​៖​វាសនា​

​ប៉ូលិស​រុញច្រាន​បាតុករ​និស្សិត​និង​កម្មករ​នៅ​ទីក្រុង​ជាច្រើន​របស់​ឥណ្ឌូនេស៊ី​កាលពី​ថ្ងៃ​ព្រហស្បតិ៍​

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...