Home ព័ត៌មានជាតិ នយោបាយ មេ​ប៉ូលិស : ព...

មេ​ប៉ូលិស : ពួក​ឧទ្ទាម​អមិត្ត​មិនដែល​បោះបង់ចោល​បំណង​បំផ្លាញ​រាជរដ្ឋាភិបាល​ស្របច្បាប់​

នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ

ដោយៈ​មុនី​រ័ត្ន​/​ភ្នំពេញៈ​នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ បានបង្ហាញ​នូវ​ការព្យាករណ៍៍​ទុកជាមុន​ចំពោះ​សភាពការណ៍​ដែល​កើតមានឡើង​នៅពេល​ខាងមុខ ជាពិសេស ពួក​ឧទ្ទាម​អមិត្ត​មិនដែល​ព្រម​បោះបង់​ចោល​បំណង​បំផ្លាញ​រាជរដ្ឋាភិបាល​ស្របច្បាប់ ដែល​ប្រសូត្រ​ចេញពី​ការបោះឆ្នោត ហើយ​ក្រុម​ទាំងនោះ​តែងតែ​ដឹកនាំ​ឲ្យ​មាន​បាតុកម្ម​ផ្សេងៗ​។​លោក​បញ្ជាក់់ថា​ដូច្នេះ​មិន​អនុញ្ញាតអោយ​ជន​ទាំង​នោះមក​បំផ្លាញ​សេចក្តីសុខ​របស់​ប្រជាពលរដ្ឋ​នោះឡើយ​។
​នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន បាន​សង្កត់ធ្ងន់ថា សម្រាប់​ប្រជាពលរដ្ឋ​កម្ពុ​ជាជាង​១៦​លាន​នាក់ ត្រូវតែ​ការពារ​សុខ​សុវត្ថិភាព និង​សន្តិសុខ​ឲ្យបាន​ដាច់ខាត​។​

​ការបញ្ជាក់​នេះ ក្នុង​ពិធី​សម្ពោធ​ដាក់​ឲ្យ​ប្រើប្រាស់​អគារ​អធិការដ្ឋាន​នគរបាល​ខណ្ឌដូនពេញ និង​សមិទ្ធផល​នានា នៃ​ស្នងការដ្ឋាន​នគរបាល​រាជធានី​ភ្នំពេញ ស្ថិតនៅ​ផ្លូវ​លេខ​២០០ សង្កាត់​បឹងរាំង ខណ្ឌដូនពេញ កាលពី​ព្រឹក​ថ្ងៃទី​៨ ខែតុលា ឆ្នាំ​២០២០​នេះ ។​

នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ


​នាយ​ឧ​ត្ត​ម​សេនីយ៍ សន្តិ​បណ្ឌិត បន្តថា ត្រូវ​ដោះស្រាយ​ទុក្ខ​កង្វល់​របស់​សង្គម ក៏ដូចជា​ប្រជាពលរដ្ឋ ។​អ្វី​ដែលជា​ទុក្ខព្រួយ​របស់​ប្រជាពលរដ្ឋ​ករណី​បទល្មើស​លួច ឆក់ ប្លន់​នៅក្នុង​មូលដ្ឋាន ។​ត្រូវតែ​អនុវត្ត​នូវ​គោលនយោបាយ​ភូមិ ឃុំ មាន​សុវត្ថិភាព ជួយ​ទប់ស្កាត់​បញ្ហា​គ្រឿងញៀន ទប់ស្កាត់​កុំ​ឲ្យ​មាន​ការរីក​រាលដាល ទោះបីជា​យើង​ធ្វើ​បានល្អ តែ​មិនត្រូវ​ភ្លេចខ្លួន​ត្រូវ​បន្ត​ស្វែងរក​ទីតាំង​កែច្នៃ​លួចលាក់ ត្រូវ​ចាំ​ថា​គ្រឿងញៀន​គ្មាន​ថ្នាំ​ព្យាបាល​ទេ មានតែ​ថ្នាំបន្សាប​។ ត្រូវ​ជួយ​ដោះស្រាយ​សំដៅ​កាត់បន្ថយ​អត្រា​គ្រោះថ្នាក់​ចរាចរណ៍​ដែលជា​ក្តីកង្វល់​របស់​ប្រជាពលរដ្ឋ ត្រូវ​ជួយ​ផ្សព្វផ្សាយ​អប់រំ​ច្បាប់ និង​អប់រំ​ដល់​អ្នក​ដែល​ប្រើប្រាស់​ផ្លូវ ដើម្បី​ឲ្យ​ពួកគាត់​បាន​យល់ និង​រួមចំណែក​ក្នុងការ​កាត់បន្ថយ​គ្រោះថ្នាក់​ចរាចរណ៍ ជាពិសេស​បើ​ចង់​ឈប់​ឲ្យ​មាន​ការចត​ឡាន​លើ​ចិញ្ចើមផ្លូវ និង​កុំ​ឲ្យ​ចិញ្ចើមផ្លូវ​ក្លាយជា​ទីតាំង​ឯកជន ។​យើង​ត្រូវ​គិតពី​ការសាងសង់​ចំណត​។​

ពិធី​សម្ពោធ​ដាក់​ឲ្យ​ប្រើប្រាស់​អគារ​អធិការដ្ឋាន​នគរបាល​ខណ្ឌដូនពេញ និង​សមិទ្ធផល​នានា នៃ​ស្នងការដ្ឋាន​នគរបាល​រាជធានី​ភ្នំពេញ ស្ថិតនៅ​ផ្លូវ​លេខ​២០០ សង្កាត់​បឹងរាំង ខណ្ឌដូនពេញ កាលពី​ព្រឹក​ថ្ងៃទី​៨ ខែតុលា ឆ្នាំ​២០២០​នេះ


​នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន បាន​ផ្តាំផ្ញើ​ទៅ​ស្នងការ​រាជធានី​ភ្នំពេញ លោក​ឧ​ត្ត​ម​សេនីយ៍​ឯក ស ថេត នូវ​បី​ចំនុច​ដើម្បី​បន្ត​អនុវត្ត​ដើម្បី​ភាពជោគជ័យ​ក្នុងការ​ដឹកនាំ​។​គឺ​ទីមួយ​.​ត្រូវ​ធ្វើជា​សេនាធិការ​គ្រប់​ជ្រុងជ្រោយ​ដល់​គណៈបញ្ជាការ​ឯកភាព​រាជធានី លើ​គ្រប់​វិស័យ ទាំង​សន្តិសុខ​ជាតិ ទាំង​ការ​បម្រើសេវា​ចាំបាច់​ជូន​ប្រជាពលរដ្ឋ ជាពិសេស​កិច្ចការពារ​សុវត្ថិភាព សន្តិសុខ និង​សណ្តាប់ធ្នាប់​ថ្នាក់ដឹកនាំ​ជាតិ​-​អន្តរជាតិ ព្រោះ​រាជធានី​ភ្នំពេញ គឺជា​មុខមាត់ និង​ក៏​ជា​បេះដូង នៃ​ប្រទេសជាតិ​។​
​ទី​ពីរ​.​ពង្រឹងគុណភាព​មន្ត្រីនគរបាល​ទាំងអស់ បង្កើន​ការហ្វឹកហាត់​ទៅតាម​ជំនាញ ក្នុងនាម​ជា​កងកម្លាំង​ចរាច​ណ៍ អន្តរាគមន៍ ត្រូវមាន​សម​ត្ថិ​ភាព វិន័យ គុណធម៌ សីលធម៌ និង​អនុវត្ត​វិន័យ​ចំពោះ​កងកម្លាំង​ដែល​មិន​គោរព​វិន័យ ជាពិសេស​ស្នើអោយ មន្ត្រីនគរបាល​រាជ​ភ្នំពេញ​ទាំងអស់​ពង្រឹង​ព្រៀប នគរបាល មានន័យថា ត្រូវ​កែរ​ឥរិយាបថ​ដែល​ខុស​ចេញ ខិតខំ​សាង​អំពើ​ល្អ ជំរុញ​សកម្មភាព​បម្រើ​ប្រជាពលរដ្ឋ និង​កាត់បន្ថយ​ភាព​អសកម្ម​។​
​ទី​បី​.​ពង្រឹង​កិច្ចសហការ គឺជា​កត្តា​ជោគជ័យ​ដែល​មិនអាច​ខ្វះ​បាន ត្រូវ​លុបចោល​ជំងឺ​តួ​រឯក ការដណ្តើម​ស្នាដៃ ជាពិសេស​ទាមទារ​អោយមាន​មនោសញ្ចេតនា​ដឹកនាំ ក្នុងនាម​ជា​កងឯកភាព​មួយ​មាន​គុណធម៌ សិ​ល​ធម៌ និង​គោរព​វិន័យ​៕​សរន

ពិធី​សម្ពោធ​ដាក់​ឲ្យ​ប្រើប្រាស់​អគារ​អធិការដ្ឋាន​នគរបាល​ខណ្ឌដូនពេញ និង​សមិទ្ធផល​នានា នៃ​ស្នងការដ្ឋាន​នគរបាល​រាជធានី​ភ្នំពេញ ស្ថិតនៅ​ផ្លូវ​លេខ​២០០ សង្កាត់​បឹងរាំង ខណ្ឌដូនពេញ កាលពី​ព្រឹក​ថ្ងៃទី​៨ ខែតុលា ឆ្នាំ​២០២០​នេះ
ពិធី​សម្ពោធ​ដាក់​ឲ្យ​ប្រើប្រាស់​អគារ​អធិការដ្ឋាន​នគរបាល​ខណ្ឌដូនពេញ និង​សមិទ្ធផល​នានា នៃ​ស្នងការដ្ឋាន​នគរបាល​រាជធានី​ភ្នំពេញ ស្ថិតនៅ​ផ្លូវ​លេខ​២០០ សង្កាត់​បឹងរាំង ខណ្ឌដូនពេញ កាលពី​ព្រឹក​ថ្ងៃទី​៨ ខែតុលា ឆ្នាំ​២០២០​នេះ
ពិធី​សម្ពោធ​ដាក់​ឲ្យ​ប្រើប្រាស់​អគារ​អធិការដ្ឋាន​នគរបាល​ខណ្ឌដូនពេញ និង​សមិទ្ធផល​នានា នៃ​ស្នងការដ្ឋាន​នគរបាល​រាជធានី​ភ្នំពេញ ស្ថិតនៅ​ផ្លូវ​លេខ​២០០ សង្កាត់​បឹងរាំង ខណ្ឌដូនពេញ កាលពី​ព្រឹក​ថ្ងៃទី​៨ ខែតុលា ឆ្នាំ​២០២០​នេះ

ទីតាំងផ្សាយពាណិជ្ជកម្ម

- Advertisment -

Most Popular

បរិក្ខារ​ដើរ​ដោយ​ថាមពល​ពន...

ដោយ​: សុផល / ភ្នំពេញ​: យោ...

កំពុង​បណ្តែតអារម្មណ៍​តាម​...

​ដោយ​: វណ្ណៈ / ព្រះសីហនុ​...

យុគសម័យ​ទំនើប​គ្មានទេ​មន្...

ដោយ​: គង់​ហេង​/ កំពង់ចាម​...

ឃាត់ខ្លួន​ជនសង្ស័យ​២​នាក់...

ដោយ​: ប​.​ជ័យ / បន្ទាយមាន...