Home កីឡា អេ​ឌី​ន​សិន ក...

អេ​ឌី​ន​សិន កា​វ៉ា​នី មិនអាច​បង្ហាញមុខ​នៅ Manchester United ភ្លាម​ទេ

​ខ្សែប្រយុទ្ធ អេ​ឌី​ន​សិន កា​វ៉ា​នី (Edinson Cavani) នឹងត្រូវ​រង់ចាំ​ការបង្ហាញ​មុខ​លើកដំបូង សម្រាប់​ក្រុម Manchester United បន្ទាប់ពី​ត្រូវ​បង្ខំចិត្ត​ដាក់ខ្លួន​នៅ​ដាច់ដោយឡែក បន្ទាប់ពី សម្រេច​កិច្ចព្រមព្រៀង​ផ្ទេរ​នៅ​ថ្ងៃ​ចុងក្រោយ​នៃ​រដូវ កាល​ទិញដូរ​កីឡាករ​។​
​ ​
​ការចរចា​រវាង​ក្លឹប United និង​កីឡាករ​វ័យ​៣៣​ឆ្នាំ​រូបនេះ​បាន​បោះជំហាន​ទៅមុខ​យ៉ាង​ឆាប់រហ័ស នៅ​ថ្ងៃ​ចុងក្រោយ​នៃ​រដូវ​កាល​ទិញដូរ មុនពេល​កីឡាករ​រូបនេះ​សម្រេច​ទទួលយក​កិច្ចព្រមព្រៀង លេង​រយៈពេល​២​ឆ្នាំ ជាមួយ​ក្លឹប United ជាមួយនឹង​ប្រាក់​ឈ្នួល​២១០.០០០​ផោន​ក្នុង​មួយ សប្តាហ៍ បន្ទាប់ពី​កាត់​ពន្ធ​រួច​។​
​ ​
​ក្រៅពី​សម្រាកលំហែ​មួយរយៈ​ខ្លី កា​វ៉ា​នី បានរស់នៅ​ក្នុងចំណោម​ពលរដ្ឋ​ទូទៅ​នៅ​ប្រទេស​បារាំង ជាជាង​នៅក្នុង​ស្ថានភាព​សុវត្ថិភាព​មួយ បន្ទាប់ពី​ចប់​កិច្ចសន្យា​ជាមួយ​ក្លឹប Paris Saint Germain ។​
​ ​
​តាម​គោល​ការណែនាំ​របស់​អង់គ្លេស បុគ្គល​ណា​ដែល​មកពី​បារាំង​ចូលមកក្នុង​ប្រទេស​នេះ​ត្រូវតែ ធ្វើ​ច​ត្តា​ឡី​ស័ក​រយៈពេល​១៤​ថ្ងៃ ដែល​ធ្វើ​ឲ្យ កា​វ៉ា​នី​ត្រូវ​ពន្យារ​ការបង្ហាញ​មុខ​លើកដំបូង​របស់ខ្លួន​។​
​ ​
​នៅពេលនេះ​ខ្សែប្រយុទ្ធ​រូបនេះ​ត្រូវ​ដាក់ខ្លួន​នៅ​ដាច់ដោយឡែក​រយៈពេល​ពី​រ​សប្តាហ៍ ហើយ អាច​នឹង​ខកខាន​ការប្រកួត​បន្ទាប់​របស់ United ជាមួយ​ក្រុម Newcastle នៅ​ថ្ងៃ​សៅរ៍​ទី​១៧ ខែតុលា​ផងដែរ​។​
​ ​
​ស្របពេល​អត្ត​ព​លិ​ក​សំខាន់ៗ​ខ្លះ​ត្រូវ​អនុគ្រោះ​ពី​ការ​រឹតត្បិត​នេះ​ដោយសារតែ​ពួកគេ​ត្រូវ​ចូលរួម​ហ្វឹកហាត់​នោះ កា​វ៉ា​នី នឹងត្រូវ​បន្តធ្វើ​ច​ត្តា​ឡី​ស័ក បន្ទាប់ពី​ចប់​កិច្ចសន្យា​កាលពីដើម​រដូវក្តៅ​នេះ និង​រស់នៅ​ជាមួយ​មហាជន​ទូទៅ​។​
​ ​
​អវត្តមាន​របស់ កា​វ៉ា​នី សម្រាប់​ប្រកួត​បន្ទាប់​នេះ គឺជា​សម្ពាធ​មួយទៀត​សម្រាប់​លោក អូ​ឡេ ហ្គា​ន់​ណា សូល​ស្យែ​រ (Ole Gunnar Solskjaer) ដែល​នឹង​អវត្តមាន អែន​ថូ​នី ម៉ា​សល (Anthony Martial) បន្ទាប់ពី​កីឡាករ​បារាំង​រូបនេះ​ទទួល​កាត​ក្រហម អំឡុងពេល​ប្រកួត​ជាមួយ​ក្រុម Tottenham កាលពី​ថ្ងៃអាទិត្យ​។​
​ ​
​ទោះបីជា​យ៉ាងណា កា​វ៉ា​នី នឹង​អាច​បង្ហាញមុខ​លើកដំបូង​សម្រាប់​ការប្រកួត​ជាមួយ​ក្រុម PSG នៅ​ក្របខណ្ឌ Champions League នៅ​ថ្ងៃទី​២០ ខែតុលា​៕ ប្រែ​សម្រួល​: ពិសិដ្ឋ​

ខ្សែប្រយុទ្ធ អេ​ឌី​ន​សិន កា​វ៉ា​នី (Edinson Cavani)

ទីតាំងផ្សាយពាណិជ្ជកម្ម

- Advertisment -

Most Popular

ឃាត់ខ្លួន​ជនជាតិ​ចិន​២​នា...

ដោយ​: ស​រិ​ទ្ធ / ភ្នំពេញ​...

ស៊ុយអែត​បិទ​ស្ថានទូត​នៅ​ភ...

​ដោយៈ ជា​សីហៈ​/​ភ្នំពេញៈ ...

ចុះ​ពង្រឹង​ប្រសិទ្ធិភាព​ក...

​ដោយ​: គ្រញូង / បាត់ដំបង​...

កម្ពុជា​ស្នើរ​ជប៉ុន​ជួយ​ជ...

ដោយ​: ពៅ​និមល​/​ភ្នំពេញ​:...