Home កីឡា ខ្សែការពារ បា...

ខ្សែការពារ បាំ​បូ ឌី​យ៉ា​ប៊ី របស់ Barnsley ជាប់​បម្រាម​មិន​ឲ្យ​លេង​ពីរ​ឆ្នាំ

ខ្សែការពារ បាំ​បូ ឌី​យ៉ា​ប៊ី (Bambo Diaby) របស់​ក្លឹប Barnsley ត្រូវបាន​ស្ថាប័ន​បាល់ទាត់​អង់គ្លេស ហាមឃាត់​មិន​ឲ្យ​លេង​រយៈពេល​២​ឆ្នាំ បន្ទាប់ពី​សារភាព​កំហុស​ថា បាន​ប្រើប្រាស់​សារធាតុ ហាមឃាត់​។​
​ ​
​មន្ត្រី​ប្រឆាំង​ការប្រើប្រាស់​សា​ធាតុ​បាន​លើក​កម្លាំង​តាមដាន​សំណាក​ទឹក​ដែល​គេ​យក​ពី​កីឡាករ​វ័យ​២២​ឆ្នាំ​រូបនេះ បន្ទាប់ពី​ក្រុម Barnsley ប្រកួត​ជាមួយ​ក្រុម Blackburn កាលពី​ថ្ងៃទី​២៣ ខែវិច្ឆិកា ឆ្នាំ​២០១៩​។​

​សេចក្តីថ្លែងការណ៍​រប​ស់​សហព័ន្ធ​បាល់ទាត់​បានសរសេរថា “​បាំ​បូ ឌី​យ៉ា​ប៊ី ត្រូវបាន​ហាមឃាត់ មិន​ឲ្យ​ពាក់ព័ន្ធ​នឹង​វិស័យ​បាល់ទាត់​និង​សកម្មភាព​ទាក់ទិន​នឹង​បាល់ទាត់​រយៈពេល​ពីរ​ឆ្នាំ ដោយសារតែ​ល្មើ​សនឹង​បម្រាម​លើ​ការប្រើ​សារធាតុ​លើក​កម្លាំង​។​

​ខ្សែការពារ​រូបនេះ​បានផ្តល់​សំណាក​ទឹកនោម​ដល់​សហព័ន្ធ​បាល់ទាត់​អង់គ្លេស និង​មន្ត្រី​ប្រឆាំង ការប្រើប្រាស់​សារធាតុ​លើក​កម្លាំង​របស់​អង់គ្លេស​កាលពី​ថ្ងៃទី​២៣ ខែវិច្ឆិកា ឆ្នាំ​២០១៩ ហើយ​គេ រកឃើញ​មាន​សារធាតុ Higenamine ក្រោយ​ការវិភាគ​។
​ ​
​សារធាតុ Higenamine គឺជា​សារធាតុ​ហាមឃាត់ ហើយ​កីឡាករ​រូបនេះ​ត្រូវបាន​សហព័ន្ធ បាល់ទាត់ អង់គ្លេស​ចោទប្រកាន់​ជា​បន្តបន្ទាប់​ផងដែរ​ដោយសារតែ​ល្មើ​សនឹង​បទដ្ឋាន ហាមឃាត់​ការប្រើប្រាស់​សារធាតុ​លើក​កម្លាំង​នេះ​។​
​ ​
​ស្របពេល ឌី​យ៉ា​ប៊ី ទទួលយក​ការចោទប្រកាន់ កីឡាករ​រូបនេះ​មិនបាន​បង្ហាញថា ហេតុអ្វី​បាន ជា​សារធាតុ​បែបនេះ​ចូល​ប្រព័ន្ធ​រាងកាយ​របស់ខ្លួន​នោះទេ​។ អាស្រ័យហេតុនេះ គណៈកម្មការ វិន័យ​ឯករាជ្យ​បានដាក់​ចេញ​បម្រាម​រយៈពេល​ពីរ​ឆ្នាំ​។​
​ ​
​បម្រាម​នេះ​បាន​ចូល​ជា​ធរមាន​ចាប់តាំងពី​ថ្ងៃទី​១៧ ខែមករា ឆ្នាំ​២០២០ ដល់​ថ្ងៃទី ១៦ ខែមករា ឆ្នាំ​២០២២៕ ប្រែ​សម្រួល​: ពិសិដ្ឋ​

ខ្សែការពារ បាំ​បូ ឌី​យ៉ា​ប៊ី (Bambo Diaby)

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...