Home ព័ត៌មានជាតិ សង្គម ផ្សព្វផ្សាយ​ដ...

ផ្សព្វផ្សាយ​ដល់​គណបក្ស​និង​អ្នកពាក់ព័ន្ធ​លើ​ការពិនិត្យ​បញ្ជី​ឈ្មោះ​និង​ការចុះឈ្មោះ​បោះឆ្នោត​ឆ្នាំ​២០២០

​ដោយ​៖​ភ្នំ​ស្វាយ​/​បន្ទាយមានជ័យ​៖​លេខាធិការដ្ឋាន​គណៈកម្មាធិកា​រ​ខេត្ត​រៀបចំ​ការបោះឆ្នោត​(​គជខ​)​ខេត្តបន្ទាយមានជ័យ​បានរៀបចំ​ការប្រជុំ​ផ្សព្វផ្សាយ​ដល់​គណបក្សនយោបាយ​និង​ភាគី​ពាក់ព័ន្ធ​សម្រាប់​ការពិនិត្យ​បញ្ជី​ឈ្មោះ​និង​ការចុះឈ្មោះ​បោះឆ្នោត​ឆ្នាំ​២០២០ នៅ​បន្ទាយមានជ័យ​។​

​លោក​យ៉ង់​សក្តិ​ប្រធាន​លេខាធិការដ្ឋាន​រៀបចំ​ការបោះឆ្នោត​ខេត្តបន្ទាយមានជ័យ​បាន​មានប្រសាសន៍ថា​៖​កិច្ចប្រជុំ​ថ្ងៃនេះ​គឺ​ដើម្បីឱ្យ​ភាគី​ពាក់ព័ន្ធ​ស្តីពី​កិច្ចសហការ​ការពារ​ស​ន្តិ​សុខ​សុវត្ថិភាព​និង​សណ្ដាប់ធ្នាប់ សម្រាប់​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​ឆ្នាំ ២០២០​។​

​សូមបញ្ជាក់ថាៈ​មាន​គណបក្សនយោបាយ​៦​បាន​ចូលរួម​៖១,​គណៈបក្ស​ហ្វុនស៊ិនប៉ិច​២,​គណៈបក្ស​ខ្មែរ​រួបរួម​ជាតិ​៣,​គណៈបក្ស​ប្រជាជន​កម្ពុជា​៤,​គណៈបក្ស​ខ្មែរ​ឈប់​ក្រ​។​៥,​គណៈបក្ស​សម្ព័ន្ធ​ដើម្បី​ប្រជាធិបតេយ្យ​។ ៦,​គណបក្ស​ខ្មែរ​ស្រឡាញ់​ជាតិ​។​

​លោក​យ៉ង់ សក្តិ បានឱ្យដឹង​បន្តថា​៖ ខេត្តបន្ទាយមានជ័យ​មានឈ្មោះ​និង​បញ្ជី​អ្នកបោះឆ្នោត​នៅ​៦៥​ឃុំ សង្កា​ត់នៃ​៩​ស្រុក​ក្រុង​ទូទាំង​ខេត្ត​ចំនួន​៨៧.៣៣០​នាក់​។​អ្នកមាន​អត្តសញ្ញាណប័ណ្ណ​ប្រភេទ​៣​ចំនួន​២៤.២៤៣​នាក់​។​អ្នក​មិនទាន់មាន​អត្តសញ្ញាណប័ណ្ណ​ប្រភេទ ៣​មាន​ចំនួន​សរុប ៣៩.០៤០​នាក់ ។

​អ្នករក​មិនទាន់​ឃើញ​សរុប​២៤.០៤៧​នាក់​។​ក្នុងការ​ចុះឈ្មោះ​បោះឆ្នោត​ឆ្នាំ​២០២០​នោះ​អត្តសញ្ញាណប័ណ្ណ​ប្រភេទ​១​និង​ប្រភេទ​ទី​២​អស់​សុពលភាព​។​គឺ​បានតែ​អត្តសញ្ញាណប័ណ្ណ​ប្រភេទ​៣​តែប៉ុណ្ណោះ​អាច​ចុះឈ្មោះ​បាន​។​ការ ចុះឈ្មោះ​បោះឆ្នោត​ចាប់ពី​ថ្ងៃទី ១ រហូតដល់​ថ្ងៃទី ៣០ ខែកញ្ញា​ឆ្នាំ ២០២០​នៅតាម​សាលាឃុំ សង្កាត់ និង​នៅតាម​ភូមិ​មួយចំនួន​ក្នុង​ឃុំ​សង្កាត់​ទូទាំង​ខេត្ត​។​

​លោក​លី សារី អភិបាលខេត្ត​បន្ទាយមានជ័យ​បាន​និយាយថា​៖ ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២០ មាន​គោលដៅ​ធានា​ឱ្យ​បញ្ជី​បោះឆ្នោត​មាន​ភាព​ពេញលេញ ភាពត្រឹមត្រូវ​និង​មាន​បច្ចុប្បន្នភាព​ប្រកបដោយ​សុវត្ថិភាព​។​តាមរយៈ​ការ​ស្រង់​និង​លុបឈ្មោះ​អ្នកបោះឆ្នោត​ដែល​បានទទួល​មរណភាព​ដែល​ត្រូវបាន​ដកហូត​សិទ្ធិ​បោះឆ្នោត​ជា​បណ្តោះអាសន្ន​ដែល​បាន​ផ្លាស់​លំនៅស្ថាន ឬ​ទី​សំណាក់​ចេញទៅ​ឃុំ សង្កាត់​ផ្សេង​ដោយ​មា ន ឯកសារ ជា សំអាង​ត្រឹមត្រូវ និង​ច្បាស់លាស់​ដើម្បី​លុបចេញ​ពី​បញ្ជី​បោះឆ្នោត​។​

​ការកែតម្រូវ​ឈ្មោះ​ឬ​ទិន្នន័យ​អ្នកបោះឆ្នោត​តាម​សំណើ​របស់​សាមីខ្លួន​ដោយ​ផ្អែកលើ​ឯកសារ​សំអាង​ត្រឹមត្រូវ​។​ការចុះឈ្មោះ​បោះឆ្នោត​សំដៅលើ​ប្រជាពលរដ្ឋ​ខ្មែរ​ដែលមាន​សិទ្ធិ​បោះឆ្នោត​ហើយ​មិនទាន់បាន​ចុះឈ្មោះ​បោះឆ្នោត​ពីមុនមក​៕S/

​រូបថត​៖​លោក​លី​សារី​លោក​យង់​សក្តិ​និង​មន្ត្រី​អាជ្ញាធរ​សមត្ថកិច្ច​តំណាង​គណបក្ស​ពាក់ព័ន្ធ​ក្នុង​កិច្ចប្រជុំ​ផ្សព្វផ្សាយ (​រូប ៖ ភ្នំ​ស្វាយ )​

ទីតាំងផ្សាយពាណិជ្ជកម្ម

- Advertisment -

Most Popular