Home ព័ត៌មានជាតិ សេដ្ឋកិច្ច ៩​ខែ​ឆ្នាំនេះ...

៩​ខែ​ឆ្នាំនេះ ផ​.​ម​.​ក ទទួលបាន​ក្រុមហ៊ុន ចុះបញ្ជី​មូល​ប​ត្រ​ថ្មី ចំនួន​៧ និង​មូល​ប​ត្រ​បំណុល​ថ្មី ចំនួន​៦


ដោយៈ ពៅ​និមល / ភ្នំពេញៈ គិត​ត្រឹម​រយៈពេល ៩​ខែ ឆ្នាំ​២០២០ ក្រុមហ៊ុន​ផ្សារ​មូល​ប​ត្រ​កម្ពុជា (​ផ​.​ម​.​ក​) ទទួលបាន​ក្រុមហ៊ុន​ចុះបញ្ជី​មូល​ប​ត្រ ចំនួន​៧ និង​មូល​ប​ត្រ​បំណុល​ថ្មី​មាន​ចំនួន ៦ ។​

​ប្រភពពី​ក្រុមហ៊ុន​ផ្សា​រមូល​ប​ត្រ​កម្ពុជា នៅ​រសៀល ថ្ងៃទី​៨ ខែតុលា ឆ្នាំ​២០២០​នេះ បាន​រៀបរាប់ថាៈ សម្រាប់​ក្រុមហ៊ុន​ចុះបញ្ជី​មូល​ប​ត្រ ចំនួន​៧ រួមមាន​៖ ផេស​ថិ​ក (​ខេ​ម​បូ​ឌា​) ម​.​ក​, ធនាគារ អេស៊ីលីដា ភី​អ៊ិ​ល​ស៊ី​, កំពង់ផែ​ស្វយ័ត​ក្រុងព្រះសីហនុ​, ភ្នំពេញ អេស​អ៊ី​ហ្សិត ភីអិលស៊ី​, កំពង់ផែ​ស្វយ័ត​ភ្នំពេញ​, ហ្គ្រេ​ន ធ្វី​ន អ៊ិន​ធើ​ណេ​សិ​នណល (​ខេ​ម​បូ​ឌា​) ភីអិលស៊ី និង​រដ្ឋាករទឹក​ស្វយ័ត​ក្រុងភ្នំពេញ​។ ដោយឡែក មូល​ប​ត្រ​បំណុល​ថ្មី ទាំងពី ៧ មានដូចជា​៖ គ្រឹះស្ថាន​មីក្រូហិរញ្ញវត្ថុ ហត្ថា​កសិករ លីមីត​ធី​ត​, អិ​ល​អូ​អិ​ល​ស៊ី (​ខេ​ម​បូ​ឌា​) ភីអិលស៊ី​, សញ្ញប​ណ្ណ​សាជីវកម្ម អេ​ប៊ី​អេ​, ធនាគារ​ភ្នំពេញ​ពាណិជ្ជ ភីភី​ស៊ី​ប៊ែ​ង ម​.​ក​, អ អិ​ម អេ (​ខេ​ម​បូ​ឌា​) ម​.​ក និង​គ្រឹះស្ថាន​មីក្រូហិរញ្ញវត្ថុ ប្រា​សាក់ ម​.​ក​។​

​តាម​ការលើកឡើង​រប​ស់លោក សៀង ធី​រិ​ទ្ធ អគ្គនាយករង នៃ​គណៈកម្មការ​មូល​ប​ត្រ​កម្ពុជា (​គ​.​ម​.​ក​) សង្ឃឹមថាៈ នាពេលខាងមុខ នឹងមាន​គ្រឹះស្ថាន​ធនាគារ និង​ហិរញ្ញវត្ថុ និង​ក្រុមហ៊ុន​នានា ធ្វើការ​បោះផ្សាយ​លក់​មូល​ប​ត្រ ទាំងមូល​ប​ត្រ​កម្មសិទ្ធិ និង​មូល​ប​ត្រ​បំណុល ដើម្បី​បន្ត​ការគាំទ្រ នូវ​កំណើនសេដ្ឋកិច្ច របស់​ប្រទេស​កម្ពុជា ក៏ដូចជា​ចូលរួម​ក្នុងការ​អភិវឌ្ឍ នូវ​វិស័យ​ហិរញ្ញវត្ថុ របស់​កម្ពុជា​។​

​ដោយឡែក លោក Jong Weon Ha អគ្គនាយករង នៃ ផ​.​ម​.​ក បានលើកឡើង​ថាៈ ការចុះបញ្ជី​ក្រុមហ៊ុន​ថ្មី ជា​បន្តបន្ទាប់​នេះ គឺជា​សញ្ញា​វិជ្ជមាន​មួយ បង្ហាញ​ពី​ភាព​រីក​ចម្រើន លូតលាស់​ទៅមុខ នៃ ផ​.​ម​.​ក បើទោះបីជា​ប្រទេស​កម្ពុជា ក៏ដូចជា​ពិភពលោក​ទាំងមូល កំពុង​ជួបប្រទះ​នឹង​វិបត្តិ​ជំងឺ​រាតត្បាត​កូ​វីដ ១៩ ក៏ដោយ ហើយ​សង្ឃឹមថា និន្នា​ការ​នេះ នឹង​ក្លាយជា​កាតា​លិ​ករ ដើម្បី​ជំរុញ​ឱ្យ​ក្រុមហ៊ុន​ដទៃទៀត ចាប់យក​ឱកាស​នេះ ងាក​មក​ប្រមូល​ទុន តាមរយៈ​ផ្សារ​មូល​ប​ត្រ ដើម្បី​ពង្រឹង និង​ព​ង្រី​អាជីវកម្ម​របស់ខ្លួន​។​

​សូមបញ្ជាក់ថា ការចុះបញ្ជី​លក់​មូល​ប​ត្រ​ចំណូល ដំណាក់កាល​ទី​២ របស់​ធនាគារ​ភ្នំពេញ ពាណិជ្ជ ម​.​ក មូល​ប​ត្រ​បំណុល របស់​ធនាគារ​នេះ មាន​ឈ្មោះថា មូល​ប​ត្រ​បំណុល ភីភី​ស៊ី​ប៊ែ​ង មាន​ហានិភ័យ​អត្រា​ប្តូរប្រាក់ ដែលមាន​ទំហំ​សរុប ចំនួន ៤០ ប៊ី​លាន​រៀល ឬ​ស្មើនឹង​ប្រមាណ ១០ លាន​ដុល្លារ​អាម៉េរិក ជាមួយ​អត្រា​គូ​ប៉ុង ៦,៥ ភាគរយ ក្នុង​មួយឆ្នាំ​។ សញ្ញា​បណ្ណ​នេះ មាន​ឥណប្រតិទាន រយៈពេល ៣ ឆ្នាំ គិត​ចាប់ពី​ថ្ងៃទី​២២ ខែកញ្ញា ឆ្នាំ​២០២០ រហូតដល់​ថ្ងៃទី​២២ ខែកញ្ញា ឆ្នាំ​២០២៣៕​R

ទីតាំងផ្សាយពាណិជ្ជកម្ម

- Advertisment -

Most Popular

ឃាត់ខ្លួន​យុវជន​ម្នាក់ ជា...

​ដោយៈ អង្គា​រ៍​ហេង / ភ្នំ...

​គ្រោង​ជ្រើសរើស​ទីតាំង​ខ្...

​ដោយៈ​ភ្នំ​ស្វាយ / បន្ទាយ...

​បុរាណ​ដ្ឋា​ន​អូរ​កី​ក្នុ...

​ដោយៈ ភ្នំ​ស្វាយ / កោះកុង...

​ត្រីមាស​ទី​បីៈ​រោងចក្រ​ច...

ដោយ​: ពៅ​និមល​/​ភ្នំពេញ​:...